Isa. 13:6 - Ebaibul

⁶ Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 13:6 Iomraidhean Croise

Yob 31:23

Nai etopoloorit ayoŋ ayeni atemar ketiya ŋun ekesicani Akuj ayoŋ; ido pa kapedorit ayoŋ akitijiore ailiil keŋ.

Isa. 10:25

anerae alotooma apaki ŋina euruwuana ajoŋoe ayoŋ aŋoikinit iyes ka eruwor ikes anyunyurikin ayoŋ omunya.

Isa. 10:3

Anukiro ipote iyes akitiya akoloŋit ŋina ikisicanere iyes, akoloŋit ŋina ikidolokinioto iyes ŋican ŋulu eponito aneni alwanan? Neni a ŋae iemete iyes aryamun akiŋarakino ka ai imyekiniata iyes ebari kus,

Isa. 13:9

Kiirasi, adolu akoloŋit ŋina ke Ekapolon, akoloŋit ŋina ka adedeŋu, ŋina ka anyunyura ka aŋoit ŋina amunyaran. Erae akoloŋit ŋin ŋina ituruworere akwap ŋina a silon ŋina emunyarere ŋikasecak anakwap.

Isa. 14:23

Eturuwori ayoŋ Babilon neni iboiyoto ŋapupui neni eya ŋataparin, apyaari ayoŋ Babilon omunya ibore daadaŋ a nen.”

Isa. 14:31

Okoe Ŋipilistin, kiwololoto alopukei, kigworo alotaunio aŋuna ka akiŋarakino, tomarana ikibulit iyes daadaŋ, anerae ebunit apuwa alo Kuju apuwa ŋina a ŋasigarya a ŋuna adedeŋak, a ŋuna emam ŋikarikok kec ŋini ekuryana.

Isa. 2:12

Eyakar Ekapolon ŋolo etiron akoloŋit aŋuna a ŋulu iturosi ka aŋuna a ŋulu itopolooro; ta aŋuna a ŋinibore a daadaŋ ituritoe,

Isa. 23:1

Ŋakiro ŋuna adwarit Ekapolon aŋuna a ŋituŋa a Tiro ikes nu: Kiwololoto iyes ŋituŋa ŋulu imeto ŋameeli ŋuna a Tarisis, anerae enyasun akibois kus, edoŋ emam akai ka emam neni elomarere nakwap. aponi tolimokinae ikes ŋun eboŋunete alo Kupuro.

Isa. 34:2

Eŋoikinit Ekapolon ŋituŋa a ŋakwapin a daadaŋ, elilit iŋes a ŋuna a ŋasigarya a daadaŋ aŋuna idyasito ikes; emunyari jik iŋes ikes, ido ipotori ikes tomunyarae.

Isa. 34:8

Eyakar Ekapolon akoloŋit ŋina inyaŋia ŋuna itiyato ŋituŋa, eyakar Ekapolon ekaru ŋolo itiyaa ŋakiro iyookino aŋuna a ŋituŋa a Sion.

Isa. 47:11

Nai ebuni neni kon aronis ŋina nyipedori iyoŋ amuroiyor; epote ŋican neni kon ŋulu nyipedori iyoŋ akilokonyiyar a ibore idio ka epote ŋinyas neni kon pa iyeni iyoŋ, ŋican ŋulu nyitamakinit sek iyoŋ atemar epote neni kon.

Isa. 52:5

Anukiro tokona etiyae ayoŋ a ne ete ŋituŋa kaŋ eyaaryo emam ŋuna esecito? Ejamuwarito ŋikepukak kec ikes ka a ŋinakoloŋit erubakinito ejamuwarito ekiro kaŋ.

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Isa. 63:4

Aris apaki ŋinakinyaŋaret keyakaun lotau kaŋ ka aris ekaru ŋolo ka alakun ikes kedolu.

Isa. 65:14

Eokinete ŋiketiyak elakara alotai kec, nai igworete iyes aŋuna ka aryeba a ŋitai kus ka iwololoete aŋuna ka akiyaloloŋ a ŋitai kus.

Yer. 25:34

Iyes ŋikepukak, kiwololoto ka tocelutu igworosi, kibelibelokinos lokuron, iyes ŋikepukak a ŋituŋa, anerae adolut ŋirwa ŋulu ikiarere iyes ka ŋirwa ŋulu ikielarere iyes, ido ikielar lopite ŋolo ielaror amot ŋina ajokan.

Yer. 49:3

Okoe ŋituŋa a Esibon, kiwololoto, anerae aruwor Ai ereŋorot! Okoe ŋituŋa a Raba, kigworo icelasi! Tonapa ŋiguniyae, kiwololoto, kibuŋata ŋawat kus a ŋadase, anerae eyaaryo akuj kus Milikom nakwap ace kaapei ka ŋisacaradotin ka ŋiketiyak keŋ.

Yer. 51:8

Alotooma apaki ŋina euruwuana, amunaar Babilon ka enyasun jik, kiwololoto aŋuna keŋ, yautu ekitoe ŋolo enyaritae Balam kiwuakis najemei keŋ, acepaki epedori iŋes aŋaleun.

Esek. 13:5

Nyitipeiyoro iyes neni eukonoro anarwatata alotaun kus, kori nyedukokina iyes nabo neni eukoro anarwatata aŋuna a Ŋisirael, ikotere arwatata ŋin eiuni Ŋisirael apaki ŋina ke ejie a ŋolo ebuni akoloŋit ŋina ke Ekapolon.

Esek. 21:12

Okoe lokoku a ituŋanan, kigwor ka kiololo, anerae erae ekileŋ ŋol ŋolo imanitere ŋituŋa kaŋ; erae ŋolo imanitere ŋikarikok a Isirael daadaŋ. Emunyaryo a ekileŋ ŋikarikok ŋul kaapei ka ŋituŋa kaŋ ŋuluce daadaŋ. Aŋun, toram atorobu kon ipapanunit.

Dan. 5:26

Apolou a ŋakiro a ŋun iŋes na, MENE iŋes atemar adau Akuj akimarun ŋirwa ŋulu a apukan kon ka adaun apukan kon.

Dan. 5:9

Abu erwosit Belisasar tobul nooi togelaan ereet keŋ, totaaŋaŋa ŋikapolok ŋulu epukatotor iŋes.

Yoel 1:11

Kiyaloloŋo, iyes ŋiketak, kiwololoto, iyes ŋiketak ŋikito ke epiini; kiyaloloŋo aŋuna a ŋaganoi ka ŋikinyom ŋulu ikote erau anerae erikar ŋikinyom alomanikorin.

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.

Yoel 1:15

Okoe etya ŋican ka akoloŋit a ŋin ai! Anerae aapuu akoloŋit ŋina ke Ekapolon; ebuni akoloŋit ŋin ikwaan ka ŋina ikimunaarya ŋolo Etiron.

Yoel 1:5

Tonyoutu iyes ŋikamerak, ido kigworo; kiwololoto iyes daadaŋ ŋikamatak epiini, anerae alemar epiini anakituka kus.

Yoel 2:1

Tokutakisi arupepe alo Sion; toramakisi eli alomukura kaŋ a ŋolo asegan a ŋolo ke Ekapolon. Kimyekisi ŋituŋa daadaŋ ŋulu iboiyete anakwap a Yudaya tomarana, anerae ebunit akoloŋit ŋina ke Ekapolon, aapuu nooi,

Yoel 2:11

Eceluni Ekapolon alokiŋaren ŋasigarya keŋ; elalak ŋasigarya keŋ ŋuna iwuapito ŋakiciketa, nyimarun; kire jik, epol nooi akoloŋit ŋina ke Ekapolon, erae ŋina a ŋinyas jik. Ŋae epedori akidaŋidaŋ akoloŋit ŋin?

Yoel 2:31

isiryonio akoloŋ cuc, itereŋio elap puu, kikok ŋaokot, eriŋa nyedolo Akoloŋit ŋina apolon nooi ŋina ke Ekapolon.

Amos 5:18

“Ekaŋ iyes ŋulu iitanito akoloŋit ŋina ka Akuj! Anijokis iryamunete iyes akoloŋit ŋina ke Ekapolon? Eruwor akoloŋit ŋin ŋina ka akiryonut meere ŋina ka akica.

Sepan. 1:14

“Aapuu akoloŋit ŋina apolon ŋina ke Ekapolon, aapuu, ido iburuburuuna atipei. Epipil nooi akigworo akoloŋit ŋin ŋina ke Ekapolon, ikalounete ŋikajiok a nen neni apipilan nooi.

Sepan. 1:7

Kililiŋa alokiŋaren Ekapolon Akuj, anerae aapuu akoloŋit ŋina ke Ekapolon; etemok Ekapolon amuronot; adau iŋes akitaleun ŋulu enyarit iŋes.

Sakar 14:1

Kiirasi ebunit akoloŋit ŋina ke Ekapolon, akoloŋit ŋina ekorere iteete iyes ibore ŋini aponi toŋatarae aneni kus,

Mal. 4:5

“Kiirasi, eyakuuni ayoŋ ekadwaran Eliya neni kus eriŋa nyedolo akoloŋit ŋina ke Ekapolon, akoloŋit ŋin ŋina apolon nooi ŋina a ŋinyas.

Yak. 5:1

Topupokisi tokona ŋakiro kaŋ, iyes ŋikabarak! Kigworo ka kiwololoto aŋuna a ŋican a ŋulu eponito neni kus!

Akis. 18:10

Ewuoete ikes aneni alwanan aŋuna ekeritotor aryamun ŋican kaapei ka iŋes, temasi, “Oitakoi! Oitakoi! Iyoŋ Babilon, etaun ŋolo apolon nooi! Alotooma epeisaa bon adolu atubokino kon!”