Isa. 13:5 - Ebaibul

⁵ Eponito ikes anakwapin a ŋuna alwanak, anakisaleta a akwap, ebunit Ekapolon enyunyura eyakar ŋiboro ŋulujiet ka akinyasun akwap a Babilon daadaŋ.

Isa. 13:5 Iomraidhean Croise

2 Sam. 1:27

Okoe atwaka bare ca ŋikajiok ŋulu atitinyok! Asalut bare ca ŋiboro kec ŋulu ke ejie!

Isa. 10:5

Okoe iyes ŋituŋa ka Asiriya! Anaŋoit kaŋ, ekesitiyae ayoŋ iyes, napedor kus eyai ebela ŋolo ka anyunyura kaŋ.

Isa. 13:17

Kiirasi, ewuakini ayoŋ ekibure neni a Ŋimedes toremo Babilon, nyemisito Ŋimedes esilipa, nyiitanito ikes aryamun egolid.

Isa. 24:1

Apuu Ekapolon tokona akinyasun akwap kituruwo ekasile, ebuburiyari iŋes akwap kielielaa ŋituŋa ŋulu eya nakwap.

Isa. 26:20

Potu ŋituŋa kaŋ, tolomasi nagulei kus, togolokis ŋikekya kus kidaut alomar tooma, toŋopa apaki adio akitodol ŋina edaunor anyunyura ŋina ka Akuj.

Isa. 30:27

Kiirasi, ebunit ekiro a Ekapolon aneni alwanan, ebunit anaŋoit a ŋina erirae ka anapuru a ŋina iryono cuc a ŋina eremit kidiama; ileleba anyunyura nakituk keŋ, ido ikwaan aŋajep keŋ ka akim ŋina ikinomiyari.

Isa. 34:2

Eŋoikinit Ekapolon ŋituŋa a ŋakwapin a daadaŋ, elilit iŋes a ŋuna a ŋasigarya a daadaŋ aŋuna idyasito ikes; emunyari jik iŋes ikes, ido ipotori ikes tomunyarae.

Isa. 48:14

“Tocunakinos iyes daadaŋ, ido kiirasi, Ŋae adio anakujo abu tolimu ŋakiro nu? Emina Ekapolon eseuna keŋ, ebuni eseuna ŋol akisiyookin acamit a Ekapolon alo Babilon, eremokin Ekapolon a apedor keŋ Ŋibabiloniyae.

Isa. 5:26

Iwuakini Ekapolon akitoodikinet ŋina enyaraa ŋituŋa a akwap a ŋina alwanan, ekutakini iŋes ekapiriicit tonyarau ŋituŋa anakisaleta a akwap, ido epote ŋul iwonyete atipei ka ekerete!

Isa. 66:14

“Iŋolikinete iyes ka elelyanete ŋitai kus, etumete ŋawat kus totulejejeta ikwa ŋinya, ido eyenunio atemar eyai apedor a Ekapolon neni a ŋiketiyak keŋ ka eŋoikinit iŋes ŋimoe keŋ.”

Isa. 7:18

“Akoloŋit ŋin, ekutakini Ekapolon ekapiriicit anyaraunia Ŋijipitian, potu anakisaleta a ŋaŋololin a Ijipit elalak nooi esibito ŋicuc ka enyarauni ŋituŋa ka Asiriya potu elalak nooi esibito ŋicuc a ao.

Yer. 50:25

Aŋaa Ekapolon akai ŋina iŋadatae ŋiboro keŋ ŋulu ke ejie, alemu iŋes kiŋa ŋiboro ŋulu ka anyunyura keŋ, anerae eyakar Ekapolon ŋolo a ŋajoresyo etic ŋolo emaikina kitiya anakwap a Ŋibabiloniyae.

Yer. 50:3

“Eponito alo Kuju ŋituŋa a akwap ŋulu itijikinete iŋes, itoruworete ikes akwap a Babilon ereŋorot ka mam ituŋanan ebuni akiboi a nen, eemete ŋityaŋ ka ŋituŋa a nen.

Yer. 50:9

anerae alosi ayoŋ akitonyoun ka ayaun atukot a ŋituŋa a ŋakwapin a ŋuna ejioko anakwap a ŋina alo Kuju akitijikin ŋituŋa a Babilon, icodorete ikes aŋuna ka akitijikin ŋituŋa a Babilon, a nen ikamaryo Babilon. Ikwaan ŋikaleŋeleŋe a ŋikajiok a ŋul ka ŋulu a ekajion a ŋolo eyeni akisitiya ŋikaleŋeleŋe, ekajion ŋolo nyeboŋununui emam ibore eŋatunit.

Yer. 51:11

“Kipenasi ŋikaleŋeleŋe, tosubakisi ŋaupala kus! Etonyou Ekapolon ŋitai a ŋirwosi a Medes, anerae elosikinit iŋes akinyasun Babilon. Erae ŋin akinyaŋa ŋina ebunit aneni ke Ekapolon, akinyaŋ Akai ka Akuj.

Yer. 8:19

Kiirasi akigworo a ŋituŋa kaŋ, igworosi ikes aneni eapi ka aneni alwanan ebasi, “Emam mono Ekapolon alo Sion a? Emam mono erwosit a Sion alotaun keŋ a? Kaanukiro eketoŋoeta ikes ayoŋ a ŋitorubei kec, kaanukiro eketoŋoeta ikes ayoŋ a ŋitorubei a ŋakujo kec a ŋuna egelaaka?”

Esek. 22:31

Aŋun, abukokini ayoŋ anyunyura kaŋ neni kec, opyea ikes anaŋoit a ŋina ka anyunyura kaŋ; adau ayoŋ akimyekin ŋakiro ŋuna itiyaete ikes pena nakyes kec pei.’ ”

Mat. 24:31

Iyakuuni iŋes ŋimalaikan keŋ apaki ŋina ekutakinere arupepe ŋina apolon, tocunakis ŋiseuna keŋ alowaetin ka akwap a daadaŋ, ameun anakisyakinet tari nasalunet.