Isa. 13:22 - Ebaibul

²² Epote ŋibuin arwore anaduketa keŋ a ŋuna aoyak ka elomarete ŋikweei nakais kec ŋuna ka apukan, aapuu apaki ŋina inyasunere Babilon, adaun ŋirwa keŋ.”

Isa. 13:22 Iomraidhean Croise

Ŋikiru. 44:19

Nai ikiesik iyoŋ isua ikwa ŋamesekin ŋuna imyekinitae aneni eya ŋikweei, ikiesik iyoŋ isua anakiryonut a ŋina iryono cuc.

Isa. 14:23

Eturuwori ayoŋ Babilon neni iboiyoto ŋapupui neni eya ŋataparin, apyaari ayoŋ Babilon omunya ibore daadaŋ a nen.”

Isa. 25:2

Ituruwo iyoŋ etaun neni etukotor ŋamoru, ituruwo iyoŋ etaun ŋolo a ŋaduketa aŋunajiet ŋolo emunaara, nyeriŋa eyakasi lotaun ŋakais ŋuna eiunotor ŋigelaanotin, nyedukokin nabo etaun ŋol.

Isa. 32:14

Imyekinete ŋituŋa akiboi anakais a ŋuna ka apukan, eesikinio etaun ŋolo sek ileleba ŋituŋa; eruworosi ekamukumukut ka aduketait ŋina kirereet akwap ŋaduyon ŋuna a ŋikaru ka ŋikaru, eruwor neni elelyaniata ŋisigirya, eruwor neni edakasi ŋamesekin,

Isa. 34:13

Erupete ŋikukwa anakais a ŋuna ka apukan, eruworosi ŋaduketa kec ŋunajiet ŋamon a ŋikukwa. Eruwor nen akibois a ŋikweei ka neni iboiyoto ŋikaleeso.

Isa. 34:14

Iryamunun kaapei nen ŋilurei ka ŋibuin, enyaraununosi make ŋipyan a nen, ebuni ekipye ŋolo ka akuwar daŋ nen, toryamu a nen neni ieŋununia iŋes.

Isa. 35:7

Eruwor asinyon ŋina amwanan abwal ka eruwor neni sek icana ŋakipi ŋilelyan, eruwor neni sek iboiyoto ŋikweei ŋijomya elomunete a nen ŋatetelei ka asasaki.

Isa. 43:20

Eketopoloorete ayoŋ ŋityaŋ ŋulu ka ariet, ŋikweei ka ŋikaleeso, anerae ewuakini ayoŋ ŋakipi naloŋisat ka ŋaŋololin naonite, ikotere ŋituŋa kaŋ ŋuluseuna emasete,

Yer. 48:16

Aapuu akisicanio a Moab ka iburuburuuna amunyaro keŋ.

Yer. 51:33

Alimu Ekapolon ŋolo a ŋajoresyo, Akuj a Ŋisirael ebe, ‘Ekwaan ŋituŋa a Babilon ka ŋikinyom apaki ŋina eramere analos, kikote neni daŋ, alotooma apaki ŋina euruwuana, emunyaryo ikes.’

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Aum. 4:3

Tari ŋikweei itanakete ŋitak kec, nai aryenyaaka ŋituŋa kaŋ, etiŋito ŋidwe ka aryenyeo, lopite ŋolo imyekiniata ŋakaleeso ŋitak kec analoŋisat.

Mika 1:8

Tolimu nai Maika atemar, aŋakiro a nu, egwori ka eololoe; arotokini emam ŋamuk ka aleri. Arui ikwa ekwee, arui ikwa etula.

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Sepan. 2:14

Eruwor nen neni euryaniata ŋaatuk, eruwor nen akibois a ŋityaŋ a ŋulu ka ariet; akibois ŋina iboiyoto ŋitulae ka ŋikurukwa a nakyes a ŋipirin keŋ; eruwor lodirisae keŋ erwotor ŋitulae, eruwor nalosin keŋ erwotor ŋikurukwa; anerae ielaryo ŋakito ŋuna a Cedar ŋuna sek eya kidiama ŋakais keŋ.

Ŋikis. 32:35

Erae akinyaŋanar ŋina kaŋ ka ayoŋ esicani ikes apaki ŋina eseciata, anerae eapi akoloŋit ŋina a ŋican kec, edoluni amunyaro kec atipei.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!