Isa. 13:2 - Ebaibul

² kikyaasi abendera ŋina ke ejie alokamukumukut a ŋolo emam ŋikito, tocelutu neni a ŋasigarya kus; kikyaasi ŋakan kus itoodiunito atemar tolomasi ikes alopukei a ŋikapolok.

Isa. 13:2 Iomraidhean Croise

Ŋikiru. 60:4

Idau iyoŋ akiwuakin emacar aŋuna a ŋulu ikitopoloorito iyoŋ, emacar ŋolo eiunotor ikes apaki ŋina a ŋinyas.

Isa. 10:32

Akoloŋit napei na, ieŋunete ŋimoe alotaun Nob, iniŋiniŋokinete ŋakan kec aŋuna a ŋituŋa a ŋulu iboiyete alomukura Sion ka aŋuna a ŋituŋa a ŋulu iboiyete alo Yerusalem.

Isa. 11:12

Eyauni Ekapolon akitoodikinet aŋuna a ŋituŋa a ŋakwapin, ecunakini iŋes ŋituŋa a Isirael ŋulu ielara, ecunakini iŋes ŋituŋa a Yudaya ŋulu eelar; ecununi iŋes ikes alowaetin a ŋuluomwon a akwap a daadaŋ.

Isa. 11:15

Itooni Ekapolon ecileta ŋolo ka anam a Ijipit, iyakuuni Ekapolon ekuwuam ŋolo amwanan nooi kitoon aŋolol Eupurate, ido etyakatyakae iŋes aŋolol ŋin toruwor ŋayona ŋakanikaarei, iwuakini nen erot ŋolo epedorya ituŋanan atuboror elosi a ŋakejen.

Isa. 18:3

Iyes ŋituŋa daadaŋ ŋulu iyakasi nakwap, iyes ŋulu iboiyete anakwap, ani ikyaaryo abendera alokidiama emoru, emaikina iyes kiŋolikis ani ekutakinio amomwara a emesek, emaikina iyes topupokis!

Isa. 19:16

Ebunit akoloŋit ŋina ikwaanikinotor ŋituŋa a Ijipit ka ŋaberu ŋuna ekuryaka. Emaranikinete ikes aŋuna a ekabule iŋolikinete atemar ebunit Ekapolon ŋolo a ŋajoresyo akisican ikes a apedor keŋ.

Isa. 31:9

Eritakin aduketait kec ŋinajiet aŋuna ke ekabule kec, eemete ŋikapolok kec kimyekis ŋabenderae a nen. Alimu Ekapolon ŋun, Ekapolon ŋolo ilipyo neni keŋ alo Sion ka ŋolo enokia akim keŋ ŋina a ŋamuronisya alo Yerusalem.”

Isa. 5:26

Iwuakini Ekapolon akitoodikinet ŋina enyaraa ŋituŋa a akwap a ŋina alwanan, ekutakini iŋes ekapiriicit tonyarau ŋituŋa anakisaleta a akwap, ido epote ŋul iwonyete atipei ka ekerete!

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Yer. 50:41

“Kiirasi, eponito ŋituŋa alo Kuju, eponito ŋituŋa a akwap a ŋina agogoŋon ka ŋirwosi ŋulu alalak, esubanakinosi aponare alowaetin ka akwap a ŋulu alwanak.

Yer. 51:12

Kikyasii abendera ŋina itijikinere Babilon, ŋina ebwaŋere ŋarwatatain keŋ. Kitogogoŋo ŋulu iyokiyete akwap, kiwuakisi ŋikererok kitemonokis ŋikadapitok, anerae abu Ekapolon toyeu ka esiyook, ŋakiro ŋuna alimunit iŋes aŋuna a Babilon.

Yer. 51:25

Okoe iyes ŋituŋa a Babilon, ikwaan iyes ka emoru ŋolo ikimunyari, emoru ŋolo emunyari akwap daadaŋ. Eopeuni ayoŋ akan kaŋ ekemanit iyes, ekeriu iyes anaŋici a ŋatabab, ekesikwaanik ka emoru ŋolo anomiya akim.

Yer. 51:58

“Alimu Ekapolon ŋolo a ŋajoresyo ebe, ‘Eritakinio kwap arwatata a Babilon ŋina aburon kiriyanikin neni daadaŋ ka akwap neni ce, ido icunyaryo ŋipukei keŋ ŋulu aoyak. Ituupasi ŋituŋa koŋin ka iteŋedara ŋituŋa a ŋakwapin ŋiticisyo ŋulu icunyaryo.’ ”