Isa. 13:19 - Ebaibul

¹⁹ Inyasunio Babilon akwap ŋina sek itopolooritae alotooma ŋakwapin, daadaŋ akwap ŋina ibus ka ŋina iturotor Ŋibabiloniyae. Ikwaanikin iŋes ka Sodoma ta Gomora apaki ŋina ekamarya Akuj ikes.

Isa. 13:19 Iomraidhean Croise

Akisy. 19:24

Totiyau Akuj sulpa ka akim alokidiama ikwa akiru lotaunio ŋulu a Sodoma ka Gomora;

Akisy. 19:25

tomunya ŋitaunio ŋul ka ŋadipoe a ŋimukura ka ŋituŋa a ŋitaunio a ŋul daadaŋ ta ibore daadaŋ ŋini alomunit analup kec.

Isa. 13:1

Erae nu ŋakiro ŋuna abu Akuj kisileerek Isaya lokoku ka Amos aŋuna a ŋituŋa a Babilon.

Isa. 21:9

Kiŋolik, eki apotu, apotu ŋikametok ŋagaari ŋuna iritae a ŋaŋolei, ŋikametok ŋaŋolei erukito a ŋiareerei!” Etemari nabo ekeyokon ŋol ebe, “Enyasun, enyasun Babilon. Eperete alokwap ebwaŋabwaŋaara ŋitorubei daadaŋ a ŋakujo a ŋuna sek elipete ikes.”

Isa. 47:5

“Iyes Ŋibabiloniyae kiboikinos ililiŋete, tolomasi nakiryonut! Nyeriŋa nabo ikinyarao iyoŋ Babilon arwosit a ŋakwapin a daadaŋ.

Isa. 48:14

“Tocunakinos iyes daadaŋ, ido kiirasi, Ŋae adio anakujo abu tolimu ŋakiro nu? Emina Ekapolon eseuna keŋ, ebuni eseuna ŋol akisiyookin acamit a Ekapolon alo Babilon, eremokin Ekapolon a apedor keŋ Ŋibabiloniyae.

Yer. 25:12

Ekaku a ŋikaru a ŋatomonikanikaarei esicani ayoŋ erwosit a Babilon ka ŋituŋa a akwap a ŋin, akwap a Ŋibabiloniyae, aŋuna ka asecit kec, eruwor akwap ŋin acaryoit ŋikaru ka ŋikaru.

Yer. 49:18

Lopite ŋolo amunaarere Sodoma ka Gomora kaapei ka ŋikidunyet kec, emamukaun ituŋanan iboi alo Edom, mam tari ŋini eduki ere keŋ nen.

Yer. 50:40

Alimu Ekapolon atemar, lopite ŋolo ekamarya Ekapolon Sodoma ka Gomora ka ŋikidunyet kec, ikwaŋinapei, mam ituŋanan eyakaun Babilon ka mam ituŋanan ebuni akiboi a nen.

Yer. 51:26

Mam amoru elemunio alotaun kus aŋuna ke ekoona, mam amoru kus elemunio tari aŋuna ka akisyakin aduketait, nai eruwor Babilon etaun ŋolo enyasun jik ŋikaru ka ŋikaru.

Yer. 51:29

Emarani akwap ka iryaŋiryaŋa aŋuna a ŋakiro a ŋuna aseu Ekapolon akitiya nakwap a Babilon, akituruwor akwap a Babilon ereŋorot, neni emam ŋituŋa iboiyete alotooma keŋ.

Yer. 51:41

Ekamar Babilon etaun ŋolo sek iturito ŋituŋa daadaŋ. Aruwor Babilon etaun ŋolo itubuli ŋituŋa daadaŋ iŋilikinete.

Yer. 51:62

itema, ‘Okoe Ekapolon, ibu iyoŋ elope tolimu atemar inyasuni akibois na, ikotere nyeyar ŋituŋa, kori ŋityaŋ anakibois a na ka ikotere eruwor iŋes ereŋorot ŋikaru ka ŋikaru.’

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”

Amos 4:11

“‘Abu ayoŋ okomunya iyes ŋice, lopite ŋolo abunio omunyarya ŋituŋa a Sodoma ka Gomora, iyes ŋulu ipotu toiunos anamunyaro, ikwaan iyes ka ŋakito elemunio anakim, nai ipotu iyes nyikiwa.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Ŋirom. 9:29

Ikwaan ŋakiro ŋun ka ŋuna aris Isaya kedwar ebala, “Ani kerae nyikiesikinitor Ekapolon ŋolo etiron iwon ŋiletok ŋice, ketinen iwon kikikok Sodoma ka Gomora, ŋulu aponi kinyasunae.”

Ŋikis. 29:23

Iŋolikinete ikes ŋalup a akwap a ŋin ŋuna kenom keruwor esulpa ka acumbi, iŋolikinete emam ibore itakinitae, emam ibore erupunit, pa epedorito akitolomun ŋikito, ikwaan ka akinyasuno a Sodoma ka Gomora, Adama ka Seboim ŋitaunio ŋulu abu Ekapolon kinyasu anoŋoit keŋ a ŋina aryenyaan,

Akis. 18:11

Ikalounete ka iyaloloŋete ŋimucurus ŋulu ka akwap aŋuna keŋ, anerae adaun ŋini egyeli ŋiboro kec.

Akis. 18:19

Tobukonokis ŋalup ŋakyes kec, kigworo ka kiyaloloŋo temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Arae iŋes etaun ŋolo abarakinete ŋimucurus ŋulu ayakatar ŋameeli! Atwania iŋes ebari ŋol daadaŋ alotooma esaa epei.”