Isa. 12:5 - Ebaibul

⁵ Toeikisi ŋieosyo ŋulu ka akipuro neni ke Ekapolon, anerae etiya iŋes ŋiticisyo ŋulu ailiilok, kimyekisi ŋakiro ŋun toyenut ŋituŋa daadaŋ anakwap.

Isa. 12:5 Iomraidhean Croise

Ŋikiru. 105:2

Toeikisi neni keŋ, toeikisi ŋieosyo ŋulukipuret iŋes; tolimosi ŋiticisyo keŋ daadaŋ ŋulu ka aumokin.

Ŋikiru. 72:19

Akipuro toyai neni ka Akuj aŋina eyakar apolou ŋikaru ka ŋikaru; elipi kilelebun apolou keŋ nakwap daadaŋ. Amen! Amen!

Ŋikiru. 98:1

Toeikisi eete ŋolokitete neni ke Ekapolon; anerae etiya iŋes ŋuna ka aumokin. Elou iŋes a apedor keŋ ka a agogoŋu keŋ a ŋina asegan.

Awos. 15:1

Apotu nai Moses ka Ŋisirael toeikis eete lo neni ke Ekapolon temasi: “Aeikini ayoŋ neni ke Ekapolon, anerae itopolooritae iŋes nooi aŋuna elounia ŋimoe; emasak iŋes ŋaŋolei ka ŋikametok kec Nanam.

Awos. 15:21

Toeik Miriam ikes eete lo tema, “Oeikisi neni ke Ekapolon, anerae etopolooritae iŋes nooi aŋuna elounia ŋimoe; emasak iŋes ŋaŋolei ka ŋikametok kec nanam.”

Isa. 24:14

Ecelunete ŋipiya, eeikinete ka alelyanu; elimorete ŋulu alo To ailiil a Ekapolon.

Isa. 40:9

Okoe ŋituŋa a Sion, toloto lomoru ŋulu aoyak, kiserata a nen ŋakiro ŋuna ajokak, tocelutu a ŋitoilon a ŋulu apolok, okoe ŋituŋa a Yerusalem, kiserata ŋakiro ŋuna ajokak, tolimosi ŋakiro ŋun, nyikuryaketa. Tolimokisi ŋituŋa ŋulu iboiyete alotaunio a Yudaya ebe, “Eyai Akuj kus ne.”

Isa. 42:10

Toeikisi eete ŋolokitete neni ke Ekapolon, toeikisi ipurosi iŋes anakisaleta ka akwap. Iyes ŋulu ilosete ananam kipuro Ekapolon, iyes ŋisubuna daadaŋ ŋulu iyarete alotooma anam kipuro Ekapolon, iyes ŋituŋa ŋulu iboiyete alodiyete anam kipuro Ekapolon.

Isa. 42:11

Emaikina ŋaloŋisae ka ŋituŋa ŋulu iboiyete alotaunio a ŋulu eya naloŋisat tocelut ipurosi Ekapolon, ŋituŋa ŋulu iboiyete alo Kedar kipuro Ekapolon, emaikina ŋituŋa ŋulu iboiyete alo Sela toeikis ka alelyanu, emaikina ikes tocelut alokidiama ŋimoru.

Isa. 44:23

Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Abak. 2:14

Nai ilelebun nakwap aosou ŋina ka apolou ke Ekapolon, lopite ŋolo ilelebakatar ŋakipi anam.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!