Isa. 12:4 - Ebaibul

⁴ Akoloŋit ŋin etemarete ŋituŋa, “Tolakaros neni ke Ekapolon, tonyarata ekiro keŋ, kiteyenikisi ŋituŋa a ŋakwapin ŋuna adau Ekapolon akitiya, kiserautu atemar itopolooritae ekiro keŋ.

Isa. 12:4 Iomraidhean Croise

1 Ŋakiro a ŋirwa 16:8

Tolakaros neni ke Ekapolon, tonyarata ekiro keŋ, kiteyenikisi ŋituŋa a ŋakwapin ibore ŋini etiya iŋes.

1 Ŋakiro a ŋirwa 29:11

Okoe Ekapolon, irae iyoŋ ŋolo ipol nooi, iyakar apedor, apolou, akiloun ka ailiil; anerae ibore daadaŋ ŋini eyai nakuj ka kwap; erae ŋini kon; okoe Ekapolon, erae apukan ŋina kon; ikitopolooritae iyoŋ irae Ekapolon a daadaŋ.

Neem. 9:5

Kirworikis nai ŋilepi Yesua, Kadimel, Bani, Asabineia, Serabia, Odia, Sebania ka Pesaia temasi, “Tonyoutu, kipuro Ekapolon Akuj kus ŋikaru ka ŋikaru. Kipuroe ekiro kon ŋolo itopolooritae, ŋolo itopolooritae alokidiama akilo akitopoloorit daadaŋ ka akipuro daadaŋ.”

Ŋikiru. 105:1

Tolakaros neni ke Ekapolon, tonyarata ekiro keŋ; kiteyenikisi ŋituŋa a ŋakwapin ibore ŋini etiya iŋes.

Ŋikiru. 107:22

Emaikina ikes inakis Ekapolon ŋamuronisya ŋuna ka alakara ka tolimosi ŋiticisyo ŋulu ke Ekapolon alotooma ŋieosyo ŋulu ka alelyanu.

Ŋikiru. 113:5

Ŋae ikwaan ke Ekapolon Akuj yok, ŋina ipukat alokidiama nooi,

Ŋikiru. 148:13

Emaikina ikes kipuro ekiro ke Ekapolon, anerae ekiro keŋ bon itopolooritae; epol nooi ailiil keŋ anakwap ka anakuj.

Ŋikiru. 18:46

Eyari Ekapolon! Kipuroe ataaba kaŋ ŋina kiupala, kitopolooroe Akuj kaŋ ŋina ka aiuno kaŋ.

Ŋikiru. 21:13

Ikipuri isua iyoŋ okoe Ekapolon, aŋuna ka agogoŋu kon a ŋina apolon nooi; ikieikini ka ikipuri isua apedor kon.

Ŋikiru. 22:31

Elimonokinio ŋituŋa ŋulu eriŋa nyidouno tokona, atemar abu Ekapolon toiu ŋituŋa keŋ, etemarete adau Ekapolon akitiya ŋun.

Ŋikiru. 34:3

Olimosi kaapei ka ayoŋ apolou ŋina ke Ekapolon; epuro kaapei Ekapolon ikitopoloorit iŋes.

Ŋikiru. 40:5

Elalak nooi, okoe Ekapolon Akuj kaŋ, ŋaumonokineta ŋuna idau iyoŋ akitiya aŋuna kosi. Emam ituŋanan epedori alimunun ŋuna idau iyoŋ ayere aŋuna kosi; kerae opedori ayoŋ alimunun ikes kelalak nooi, pa kepedor akimarun.

Ŋikiru. 46:10

Ebala Akuj, “Tojoŋoto ejie, toyenutu atemar arae ayoŋ Akuj; eketopolooritae ayoŋ anakwapin eketopolooritae ayoŋ anakwap.”

Ŋikiru. 57:5

Okoe Akuj, emaikina kipuroe ekiro kon alokidiama nakuj kimyek apolou kon min nakwap daadaŋ.

Ŋikiru. 68:5

Akuj ŋina iboi anakibois keŋ a ŋina asegan, iŋes erae papa a ŋikokyok, ekeuryaran a ŋapuseru.

Ŋikiru. 73:28

Nai ani eruwor ayoŋ, ejok akikinyomit Akuj, akituruwor Ekapolon ŋolo etiron ekaiunan kaŋ ka alimor ŋiticisyo keŋ daadaŋ.

Ŋikiru. 9:11

Kipuro a ŋieosyo Ekapolon ŋolo ipukat alo Sion; kiserakisi lotuŋa a ŋakwapin ŋuna adau iŋes akitiya;

Ŋikiru. 96:3

Kiserata apolou keŋ neni a ŋituŋa, kiserata ŋiticisyo keŋ ŋulu ka aumokin neni a ŋituŋa daadaŋ,

Ŋikiru. 97:9

anerae iyoŋ, okoe Ekapolon irae ŋolo alokidiama nooi, ipukat iyoŋ akwap daadaŋ; ikitopolooritae iyoŋ nooi akilo ŋakujo daadaŋ.

Awos. 15:2

Ekapolon iŋes erae agogoŋu kaŋ ka apedor kaŋ. Ekapolon iŋes erae aiuno kaŋ. Erae iŋes Akuj kaŋ epuri ayoŋ iŋes, erae iŋes Akuj a papa kaŋ, etopoloori ayoŋ iŋes.

Awos. 33:19

Tema Ekapolon, “Emyekini ayoŋ ajokis daadaŋ ŋina ebunit aneni kaŋ kitoru kiŋaren kon, ido alimori ayoŋ ekiro kaŋ ebe, ‘Arae ayoŋ Ekapolon’ ” iyai iyoŋ. Esyoni ayoŋ ŋini acamit akisyon, etimi ŋini acamit akitim.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 2:17

Itiditeunio apolou a ŋituŋa a daadaŋ a ŋulu itopolooro ka ejamuwaryo akituro a ŋulu iturosi. Tosodi Ekapolon bon itopolooryo akoloŋit ŋin.

Isa. 24:15

Aŋun, emaikina ŋituŋa ŋulu alo Kide kitopoloosi Ekapolon, emaikina ŋituŋa ŋulu iboiyete alodiyete anam kitopoloosi ekiro a Ekapolon Akuj a Isirael.

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.

Isa. 26:8

Anakiwuapit ŋikisila kon, ikidarit isua iyoŋ okoe Ekapolon, ekiro kon ka ayenenu kon, iŋes erae akiitanit a akiyar kosi.

Isa. 33:5

Itopolooritae Ekapolon, iboi iŋes alokidiama; elelebik iŋes Sion akitub ŋakiro anakiyookino ka elelebik akiyookino.

Isa. 42:12

Emaikina ikes kitopoloosi Ekapolon, kipuro iŋes anakwapin a ŋuna alodiyete anam.

Isa. 48:20

Towotokisi alo Babilon, toema alo Babilon tolimosi ŋakiro ŋun ke ecelet a ŋolo ka alakara, kiserautu ŋakiro ŋun. kitodolo ŋakiro ŋun nakisaleta ka akwap, temasi iyes, “Alaku Ekapolon ŋiketiyak keŋ ŋiletok a Yakob.”

Isa. 66:19

Ewuakini ayoŋ neni kec akitoodikinet, ido eyakiyari ayoŋ ŋipiya kec nakwapin, eyakiyari ikes Tarisis, Put ka Lud nakwapin a ŋituŋa a ŋulu eyenete akisitiya ŋikaleŋeleŋe; eyakiyari ikes Tubal ka Yapan nakwapin ŋuna alwanak ŋuna idunyito anam, neni a ŋituŋa a ŋulu nyiirarito ŋuna ka arwonu kaŋ, kori nyiŋolikina apolou kaŋ, elimorete ŋikiyakia ŋul apolou kaŋ nakwapin.

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Yoa. 17:26

Eketeyenu ayoŋ iyoŋ ikes ka arubakini ekoni nenipei, ikotere min amina ŋina ikiminar iyoŋ ayoŋ tooma kec ka ayoŋ daŋ tooma kec.”