Isa. 12:2 - Ebaibul

² “Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 12:2 Iomraidhean Croise

2 Sam. 7:24

Ituruwo iyoŋ Ŋisirael kire jik ŋituŋa kon a alope ŋikaru ka ŋikaru, okoe Ekapolon, idau iyoŋ aruwor Akuj kec.

Yob 13:16

Eruwor ŋakiro ŋun aiuno kaŋ, anerae nyepedori ituŋanan ŋini nyiwuapit ŋakiro ŋuna ka Akuj akiwo alokiŋaren Akuj.

Ŋikiru. 112:8

Eruworosi ŋitai kec ŋulu nyiryaŋiryaŋakin, ŋulu nyebulenene; ido ekaku, eruworosi ikes ŋulu adaut akiloun ŋimoe kec.

Ŋikiru. 118:14

Ekapolon iŋes agogoŋu kaŋ ka apedor kaŋ; iŋes akaiu ayoŋ.

Ŋikiru. 118:21

Alakar ayoŋ neni kon aŋuna ikiboŋokinio ayoŋ; idau iyoŋ aruwor aiuno kaŋ.

Ŋikiru. 27:1

Ekapolon iŋes akica kaŋ ka aiuno kaŋ, ŋae nai akeri ayoŋ? Neni ke Ekapolon iŋes ayakaun ayoŋ aiuna; ŋae nai akuryaniaror ayoŋ?

Ŋikiru. 65:6

anapedor kon, ibu iyoŋ tosub ŋimoru eyai agogoŋu neni kon.

Ŋikiru. 68:20

Akuj yok iŋes erae Akuj ŋina aiunan; ido neni ka Akuj Ekapolon iŋes ikiryamunia aiun anatwanare.

Ŋikiru. 68:21

Nai iimimaari Akuj ŋakyes a ŋimoe keŋ iimimaari ŋibokoto a ŋulu emasikinito eseceneneete.

Ŋikiru. 83:18

Kimyek ikes toyenut atemar iyoŋ bon ŋolo erae ekiro kon Ekapolon iŋes erae ŋolo alokidiama nooi, ŋolo ipukat akwap daadaŋ.

Awos. 15:2

Ekapolon iŋes erae agogoŋu kaŋ ka apedor kaŋ. Ekapolon iŋes erae aiuno kaŋ. Erae iŋes Akuj kaŋ epuri ayoŋ iŋes, erae iŋes Akuj a papa kaŋ, etopoloori ayoŋ iŋes.

Isa. 10:24

Aŋun alimu Ekapolon, Akuj ŋina a ŋajoresyo ebe, “Okoe ŋituŋa kaŋ ŋulu iboiyete alo Sion, nyikuryaketa aŋuna a ŋituŋa ka Asiriya a ŋulu ikisicanito iyes, a ŋulu ikitiŋakinito iyes ŋibelae ikimanito lopite ŋolo ikimanitotor iyes Ŋijipitian;

Isa. 17:10

Itiyakin ŋun, anerae ikimuryak iyes Akuj ŋina ikilakuni iyes ka nyitamunito iyes Akuj ŋina erae ataaba ŋina ka aiuno, aŋun, tari kitaete iyes ŋinyomen ŋulu ajokak, todupete ŋaten a ŋikito a ŋulu eyaununitae aiwace,

Isa. 27:5

Ani kecamit emanikor ŋol, emaikina iŋes kimiidiun neni kaŋ aŋuna ka akiyokiyo, emaikina iŋes esila ka ayoŋ, emaikina iŋes esila ka ayoŋ.”

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Isa. 33:22

anerae Ekapolon iŋes erae ekatubon a ŋakiro yok, Ekapolon iŋes erae ekepukan yok; Ekapolon erae erwosit yok, iŋes ikiuni iwon.

Isa. 38:20

“Akaiuni Ekapolon ayoŋ, ido ikieikini isua ŋun isitiyao ŋiboro ŋulu a ŋaunoi ŋulu eore, itiyao isua ŋun ŋirwa daadaŋ ŋulu ka akiyar kosi, itiyao isua ŋun alo Kai ke Ekapolon.”

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Isa. 49:5

Alimu tokona Ekapolon ŋolo akayeuni ayoŋ anakook atoto kaŋ aruwor eketiyan keŋ, ŋolo akaseuni ayoŋ akinyakar neni keŋ ŋiletok a Yakob ka acunar Ŋisirael neni keŋ; ŋolo eketopoloorit ayoŋ, Akuj kaŋ ŋina aruwor agogoŋu kaŋ,

Isa. 50:10

Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Isa. 51:12

Arae ayoŋ ŋolo ekesirworiuni iyes; kaanukiro nai ikuryanitotor iyes aŋuna a ŋituŋa a ŋulu epedorete atwakare, a ŋituŋa a ŋulu eŋopiyarete lopite ŋolo eŋopiyareta ŋinya?

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 62:11

Eserak Ekapolon ŋituŋa a akwap daadaŋ ebe, ‘Tolimokisi ŋituŋa a Sion atemar ebunit Ekapolon aiun iyes, eyaunit iŋes ŋituŋa ŋulu adau iŋes aiun.’

Isa. 65:18

Nai tolakaros ka tolelyana ŋikaru ka ŋikaru aŋuna a ŋiboro a ŋulu asubuni ayoŋ, anerae eapi ayoŋ asubun Yerusalem ikwapei neni eyai alelyanu kaŋ, neni eyai alakara kaŋ lotuŋa keŋ.

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 3:23

Kire jik, erae akilip neni a ŋakujo alokidiama ŋikamukumukui acaryoit, erae ainakina nooi akilip neni a ŋakujo alokidiama ŋimoru acaryoit. Kire jik, erae neni a Ekapolon Akuj yok eyai aiuno a Ŋisirael.’

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Osea 1:7

Nai esyoni ayoŋ ŋituŋa a Yudaya aiuni ayoŋ ikes, nyaiuni ayoŋ ikes a akau a ŋina a ŋikaleŋeleŋe, kori a ekileŋ, kori a ŋiboro a ŋulujiet; nyaiuni ayoŋ ikes a ŋaŋolei, kori a ŋasigarya a ŋuna edokito ŋaŋolei nai aiuni ayoŋ ikes a apedor a Ekapolon Akuj kec.”

Yoel 2:23

Iyes ŋituŋa a Sion, tolelyana neni ke Ekapolon ka Akuj kus, anerae ikiinak iŋes iyes eketataman ŋolo ka akiyookino. Ikiyakiyanakini iŋes iyes akiru ŋina alalan lopite ŋolo pei sek anapakio aŋuna, ieteuni ka iceere, lopite ŋolopei sek ieteunio ka ŋuna iceereo.

Yona 2:9

Nai ke etoil a ŋolo ikitalakarit iyoŋ, akainakini ayoŋ iyoŋ amuronot; esiyookini ayoŋ ŋuna adau akikoŋ. Anerae Ekapolon bon eyai apedor aiun ayoŋ.”

Abak. 3:18

arubakini ayoŋ alelyani ka alakara, anerae Ekapolon Akuj kaŋ iŋes erae ekaiunan kaŋ.

Ŋirom. 1:16

Anerae nyekerumito ayoŋ ŋileec aŋuna a Ŋakiro a ŋuna Ajokak: erae ikes apedor ŋina ka Akuj ŋina eiunia ituŋanan daadaŋ, ŋini eyakar anupit, Ŋiyudayan mono, ido nai ŋulu nyerae Ŋiyudayan.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Akis. 7:10

Tocelas a ŋitoilon a ŋulu apolok ebasi, “Ebunit aiuno aneni ka Akuj yok a ŋina iboi alokicoloŋ ka aneni a Imesek!”

1 Sam. 2:1

Kilip nai Ana tema, “Elelyani etau kaŋ Ekapolon; Okoe etya alelyan kaŋ ai aŋuna etiya iŋes! Eturokin tokona ayoŋ erworo neni a ŋimoe kaŋ; Okoe etya alelyan kaŋ ai; anerae ekeŋarak ayoŋ Akuj!