Isa. 12:1 - Ebaibul

¹ Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 12:1 Iomraidhean Croise

Neem. 8:10

Tolimok nai Neemia ikes tema, “Toloto tokona lorerya kus kimuja ŋamuja ŋuna ajokak ka tomata epiini ŋolo abobon, ido inakis ŋamuja ŋun ŋace neni a ŋulu emam ibore etemokinito akimuj, anerae erae akoloŋit na ŋina eseg aneni ke Ekapolon yok, nyiyaloloŋo, ikitogogoŋi iyes alelyanu ŋina ke Ekapolon.”

Yob 11:16

Ikimuryakinete iyoŋ ŋican kon, lopite ŋolo nyetamunia ituŋanan ŋakipi ŋuna apotu tobukoros.

Yob 13:16

Eruwor ŋakiro ŋun aiuno kaŋ, anerae nyepedori ituŋanan ŋini nyiwuapit ŋakiro ŋuna ka Akuj akiwo alokiŋaren Akuj.

Ŋikiru. 30:5

Nyeai iŋes apaki ŋina aoyan eŋoit, nai erubakini ajokis keŋ aneni a ituŋanan ŋirwa daadaŋ ŋulu ka akiyar a ituŋanan a ŋin, tari daŋ kegwor ayoŋ akuwar kya, aryamuni ayoŋ alelyanu taparacu.

Ŋikiru. 71:21

Iyatakinit iyoŋ arwonu kaŋ nooi, ido ikisimukek ayoŋ nabo.

Ŋikiru. 85:4

Torimakinae isua, okoe Akuj ŋina irae akaiunan kosi; tojoŋo aŋoikinit isua.

Ŋikiru. 86:17

Kitoodikinae ayoŋ ajokis kon, ikotere ŋimoe kaŋ iŋolikinete, ido kiruma ŋileec, anerae iyoŋ, okoe Ekapolon, ikiŋarak ayoŋ ka isirworiu ayoŋ.

Ŋikiru. 9:1

Alakar ayoŋ neni ke Ekapolon a etau kaŋ a daadaŋ; alimori ayoŋ ŋiticisyo kon ŋulu ka aumokin.

Isa. 10:25

anerae alotooma apaki ŋina euruwuana ajoŋoe ayoŋ aŋoikinit iyes ka eruwor ikes anyunyurikin ayoŋ omunya.

Isa. 10:4

ikotere nyijoro aneni eya ŋienan, kori nyitwanikis neni a ŋulu earitae? Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 11:16

Aŋun eyakaun erot ŋolo apolon ŋolo ebunit alo Asiriya aŋuna a ŋipiya a ŋituŋa keŋ, lopite ŋolo abunio erot toyakaun aŋuna a Ŋisirael apaki ŋina aponiata ikes anakwap a Ijipit.

Isa. 14:3

Apaki ŋina ikisieŋunia Ekapolon iyes anaryebo alocan ka alotic a ŋolo agogoŋon a ŋolo ikitiyakinitae iyes,

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 51:3

Isirworiuni Ekapolon ŋituŋa a Sion; itojokuni ŋakiboisyo kec daadaŋ ŋuna apotu toruworos ŋacaryo ka ituruwori aloŋisat kec akibois ŋina ajokan ŋina ikoni Eden, kikwaanikin aloŋisat kec ka emanikor a Ekapolon. Eyakaun alelyanu ka alakara Sion, eokinete ŋituŋa a nen ŋieosyo ŋulu ka alakara.

Isa. 54:7

Alimu Ekapolon Ekalakunan kus ŋakiro nu, Abu ayoŋ okeŋer iyoŋ alotooma apaki ŋina euruwuana, nai anakisyon a ŋina apolon nooi, akacununi ayoŋ iyoŋ.

Isa. 54:8

Abu ayoŋ ananyunyura kaŋ a ŋina alalan ewua ereet kaŋ aneni kon, nai anamina kaŋ a ŋina a ŋikaru ka ŋikaru, ekesyoni ayoŋ iyoŋ.

Isa. 54:9

Ikwaan nu aneni kaŋ ka ŋuna a ŋirwa a ŋulu a Noa, apaki ŋina abunio ayoŋ olimunio atemar nyilelebun nabo ŋakipi a Noa nakwap, aŋun, ekoŋ ayoŋ tokona atemar nyakaŋoikini nabo ayoŋ iyoŋ ka nyekeŋenyakini nabo ayoŋ iyoŋ.

Isa. 60:10

Edukete ŋigelaanotin ŋarwatatain kus, ikitiyanakinete iyes ŋirwosi kec, anerae abu ayoŋ ananyunyura kaŋ ekesican iyes; nai anajokis kaŋ, adau ayoŋ akisyon iyes.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 64:5

Ibunene iyoŋ akiŋaranakin ŋulu itiyaete ŋuna iyookino, ŋulu etamunito akiwuapit ŋakiro kon. Nai ibu iyoŋ toŋo, ido aponi isua tosecae, aŋuna ibunio iyoŋ kiwua ereet kon, aponi isua tobilae ŋikisila.

Isa. 65:18

Nai tolakaros ka tolelyana ŋikaru ka ŋikaru aŋuna a ŋiboro a ŋulu asubuni ayoŋ, anerae eapi ayoŋ asubun Yerusalem ikwapei neni eyai alelyanu kaŋ, neni eyai alakara kaŋ lotuŋa keŋ.

Isa. 66:13

Ikwaŋina imaimaya toto ikoku keŋ, ayoŋ daŋ ekemaimai iyes, ekemaimai ayoŋ iyes alo Yerusalem.”

Yer. 30:19

Epote ŋituŋa ŋul aeore ŋieosyo ŋulu ka alakara ka ecelunete elelyanete, eterereŋi ayoŋ ikes tolalata, nyekudyokunete ikes; ainakini ayoŋ ikes kitopolooroe, nyejamuwaryo ikes nabo.

Yer. 31:13

Elelyanete nai ŋasorok alodoŋa elakarosi ŋisorok ka ŋikasikou, elocokini ayoŋ akiyaloloŋ kec toruwor alelyanu, esirworiuni ayoŋ ŋitai kec, oinak ikes alakara akilo akiyaloloŋ.

Osea 11:8

Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Sakar 1:16

Aŋun ŋakiro ŋuna irworo Ekapolon ikes nu, ‘Aboŋuni ayoŋ Yerusalem esyoni iŋes, ido edukokinio nabo Akai kaŋ nen. Ebutari etaun Yerusalem daadaŋ.’

Sakar 14:20

Akoloŋit ŋin, igirakinio ŋakiro nu lokaadoŋoi ŋulu a ŋaŋolei, “Itesegitae aŋuna ke Ekapolon.” Esegeta ŋamoti ŋunakipoet ŋuna eya Kai ke Ekapolon, ikwaanikin ka ŋabakulei ŋuna eya kiŋaren a Namuroet.

Sakar 14:9

Akoloŋit ŋin, Ekapolon iŋes eruwor erwosit ŋolo ka akwap a daadaŋ, eruwor Ekapolon epei bon ka eruwor ekiro keŋ bon eyai.

Sakar 8:11

Nai tokona nyetiyae ŋuna aronok neni a ŋipiya a ŋituŋa a Yerusalem lopite ŋolo abunio etiyaa neni atapapaa kec.

Sakar 8:19

“Emaikina akiredanakin akiron ŋina iredanakinere aroneenen elap ŋolo a ŋiomwon, ŋolo a ŋikan, ŋolo a ŋikanikaarei ka ŋolo a ŋitomon, toruwor ŋasuban ŋuna ka alelyanu ka alakara aneni a ŋituŋa a Yudaya. Aŋun, emaikina iyes tominakis ŋuna a kire ka ekisil.”

Ŋirom. 11:15

Anerae ŋina aŋerere ikes, aponi kituruworoe akwap ekone ŋolo ka Akuj. Ikokini nai ai apaki ŋina ecamunia Akuj Ŋiyudayan? Eyarunete ŋikatwak!