Isa. 11:9 - Ebaibul

⁹ Alomoru kaŋ a ŋolo asegan, mam nyearasi kori nyewanasi ikes, anerae ilelebikin lotuŋa daadaŋ aosou ŋina ke Ekapolon, lopite ŋolo ilelebakatar ŋakipi nanam.

Isa. 11:9 Iomraidhean Croise

Yob 5:23

Emamukaun ŋamoru alomanikorin a ŋulu itae, iboiyete emam ŋace ka ŋityaŋ ŋulu ka ariet.

Ŋikiru. 72:19

Akipuro toyai neni ka Akuj aŋina eyakar apolou ŋikaru ka ŋikaru; elipi kilelebun apolou keŋ nakwap daadaŋ. Amen! Amen!

Ŋikiru. 78:54

Abu Akuj yau ŋituŋa keŋ ŋul nakwap keŋ ŋina asegan, nakwap ŋina a ŋikamukumukui, ŋina aris iŋes ketyaka aŋuna kec.

Isa. 11:13

Edaun arakao a ŋituŋa a Epuraim aŋuna a ŋituŋa a Yudaya, nyerubakinete ŋituŋa a Yudaya eryanyanikinito ŋituŋa a Epuraim.

Isa. 11:8

Ebolyae ikoku ŋini cici anakituk a akai a emun a ŋolo aaran a akisorit irepakini ikoku ŋini epetoritae akan keŋ kai a akipom.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 30:26

Akoloŋit ŋina imadya Ekapolon neni ewanan alotuŋa keŋ ka ŋina itaŋaleunio Ekapolon ŋajemei ŋuna abu iŋes kiteryamu ŋituŋa keŋ, ecauni elap ikwa akoloŋ ekwaŋiar akica a akoloŋ akilo tari ŋarwa ŋakanikaarei, ikwaanikin akica ŋin bon ka ŋina a ŋirwa a ŋikanikaarei.

Isa. 32:16

Erubakini nai akiyookino eyai naloŋisat ka erubakini akiyookino eyai lomanikorin ŋulu araak.

Isa. 33:6

Iŋes ikiinakini iyes alorwa kus akiboi emam ŋace, iŋes ikiinakini iyes alakuno ŋina alalan, aosou ka ayenut; ibore ŋini iwuakinito ŋituŋa a Sion lotai kec nooi erae akitopoloorit Ekapolon.

Isa. 35:9

Mam eŋatuny eyakaun nen, kori mam etyaŋ edio ŋolo adedeŋan emekini erot ŋol; nyeryamunio ikes a nen, nai ŋulu elakunitae elosete alorot a ŋol.

Isa. 45:6

ikotere eyenunete ŋituŋa ŋinapei alo Kide tari To atemar emam akuj ace mati ayoŋ bon; arae ayoŋ Ekapolon, emam ece mati ayoŋ bon.

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 54:5

Ikiŋarakini iyes Ekapolon lopite ŋolo iŋarakinitor ekile aberu keŋ, erae ekiro keŋ Ekapolon ŋolo a ŋajoresyo. Akuj ŋina asegan ŋina a Isirael iŋes erae Ekalakunan kus, enyaritae iŋes Akuj a akwap a daadaŋ.

Isa. 56:7

ayaari ayoŋ ikes lomoru kaŋ ŋolo asegan, oinak ikes alakara alokai kaŋ a ŋinakilipet. Ecamunio ŋainakineta kec ŋuna epeyo ka ŋamuronisya kec anamuroet kaŋ, anerae enyarao Akai kaŋ Akai ŋina ilipyata ŋituŋa daadaŋ.”

Isa. 59:19

Aŋun, itopoloorete ŋulu iboiyete alo To ekiro a Ekapolon; itopoloorete ŋulu iboiyete alo Kide apolou Ekapolon, anerae ebuni iŋes esibit akalele ŋina inuta nooi, ŋina erae apedor a Ekapolon inutar nooi.

Isa. 65:25

Eryamunete epeot ka ikale akimuj anakibois kaapei, enyami eŋatuny ŋinya ikwa emoŋ, nai eruwor akimuj a emun apuwa. Nyewanio ikes, kori nyemunyaryo ikes alomoru kaŋ a ŋolo asegan.”

Isa. 66:18

Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Isa. 66:20

Eyaunete ikes ŋiyeneta kus daadaŋ anakwapin a daadaŋ erae ainakinet neni ke Ekapolon iwuokito a ŋaŋolei ka a ŋagaari a ŋuna iritae a ŋaŋolei, a ŋitak a ŋaŋolei, a ŋaŋolei-sigirya ka a ŋikaala, eyaunete ikes ŋituŋa ŋul lomukura kaŋ ŋolo asegan Yerusalem, lopite ŋolopei eyaununiata Ŋisirael ŋainakineta a ŋikinyom, a ŋiboro a ŋulu asegak Kai a Ekapolon.

Yer. 31:23

Alimu Ekapolon ŋolo a ŋajoresyo, Akuj a Ŋisirael ebe, “Apaki ŋina enyakunia ayoŋ ŋituŋa kaŋ nakwap kec, elimunete nabo ikes ŋakiro nu anakwap a Yudaya ka alotaunio a Yudaya ebe, ‘Ikilipi kiterereŋ Ekapolon ekamukumukut a Yerusalem ŋolo asegan, akibois ŋina asegan ŋina iboiyo iŋes.’

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Esek. 34:25

“Ewuakini ayoŋ acamunet ŋina a ekisil neni kaŋ ka ikes, alemari ayoŋ ŋityaŋ ŋulu adedeŋak anakwap kec, ikotere ŋamesekin kaŋ iboiyete analoŋisat ka eperete anamon emam ibore enyami.

Esek. 47:5

Abu nabo kipimu ŋimitae ŋice ŋamiae ŋakan, abu nen toruwor aŋolol ŋina pa apedorit ayoŋ adokar ekekwaye, anerae apotu ŋakipi kikeun kidiama, arae ituŋanan ŋini eyeni akilum bon iŋes apedorit adokar ekekwaye.

Dan. 11:45

Edukokini iŋes ŋiemae keŋ ŋulu ka apukan kidiŋ anam ka emukura ŋolo ebusan ka ŋolo asegan. Nai etwani iŋes, emam ituŋanan ebuni akiŋarakin iŋes.

Dan. 12:4

Nai, iyoŋ Daniel, kimunon ŋakiro ka kimyek ekitaabo egolokino jik tari akoloŋit ŋina esalunia akwap. Irimokinete ŋikalalak iwarito ayenun ŋakiro ka iyatakin akitiya ŋuna aronok.”

Osea 2:18

Ewuakini ayoŋ aŋuna kus akoloŋit ŋin acamunet, ikotere tomaikin iyes ka ŋityaŋ ŋulu adedeŋak, ŋikyeny ŋulu eporete ka ŋiboorei ŋulu elyato alokwap, ekisari ayoŋ anakwap akau a ŋikaleŋeleŋe, ekileŋ ka ejie, ido akainakini ayoŋ iyes kiboikinos emam ŋace.

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Abak. 2:14

Nai ilelebun nakwap aosou ŋina ka apolou ke Ekapolon, lopite ŋolo ilelebakatar ŋakipi anam.

Sakar 14:9

Akoloŋit ŋin, Ekapolon iŋes eruwor erwosit ŋolo ka akwap a daadaŋ, eruwor Ekapolon epei bon ka eruwor ekiro keŋ bon eyai.

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

1 Ŋites. 5:15

Nyitemokino iyes itacakinete aronis kan aronis, nai ŋarwa daadaŋ kikatakisi akitiya ŋuna ajokak alokidiŋ kus make ka alotuŋa a daadaŋ.

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.