Isa. 11:5 - Ebaibul

⁵ Eruwor akiyookino arokoba keŋ, eruwor akikinyoma arokoba ŋina ka acir keŋ.

Isa. 11:5 Iomraidhean Croise

Ŋikiru. 109:19

Emaikina iŋes kiwok ŋicen ŋul, emaikina iŋes tolida ŋicen ŋul ŋirwa daadaŋ.”

Ŋikiru. 45:4

Alotooma ailiil kon tome aŋole irae ŋolo elounan, aŋuna ka akitogogoŋ ŋuna a kire ka akitub ŋakiro anakiyookino; irae iyoŋ erwosit ŋolo igogoŋ ka itiyae ŋiticisyo ŋulu ka aumokin.

Ŋikiru. 89:9

Ipukat iyoŋ tari anam ŋina imorokokoete ŋakipi; ŋinibore imorokokounioto ŋakipi keŋ, itidiponokini iyoŋ ikes.

Ŋikiru. 93:1

Erae Ekapolon Erwosit, eyakar iŋes apolou ŋina ailiilon ka eyakar iŋes agogoŋu. Ewuak Akuj akwap; emam ŋini isiyotokini akwap a nen jik.

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.

Isa. 32:1

Topupokisi, ebuni erwosit ŋolo ipukae a akiyookino ka ipukaete ŋikapolok a akiyookino.

Isa. 59:17

Abu iŋes tonap akiyookino ikwa arapet ka aiuno ikwa akopiya ŋina iuryarit akou nyewana; abu iŋes tonap ŋilowi ŋulu ka akinyaŋar, ido abu kimuko akuwan keŋ anainakina esibit ekaaso imukokina.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Osea 2:20

Akayai ayoŋ iyoŋ toruwor aberu kaŋ anakikinyoma, tosodi iyenuni iyoŋ Ekapolon.

Sakar 8:16

Ŋakiro nu ikes emaikina iyes kitiyata: Itemokino ŋinituŋanan kirwor ŋuna a kire neni a ŋinice ka totubonokisi anakiyookino alo ikiikoe kus.

2 Ŋikor. 6:7

ka ŋakiro ŋuna a kire anapedor a ŋina ka Akuj. Ikiyakar isua akiyookino erae ibore ŋinijiet, ŋinikitijikinet ka ŋini kipakaret.

Ŋiep. 6:14

Aŋun, totenito: tonapa ŋakiro ŋuna a kire ikwa akoroba ŋina eenen nacirin kus; tonapa akiyookino ikwa arapet

Ŋibur. 2:17

Apolou a ŋakiro a ŋun atemar etemokino iŋes kikwaanikinos ka ŋikaitotoi keŋ alopitesyo a daadaŋ, ikotere toruwor Esacaradoti ŋolo Apolon nooi ŋolo isyoniono, ŋolo ikinyoma alotic ka Akuj, ikotere elemarere ŋasecisya a ŋituŋa.

1 Pet. 4:1

Ikwaŋina abunio Kristo toryamunia ŋican alokuwane, itemokino iyes daŋ kitogogoŋos alopite a ŋolo atamya iŋes; ituŋanan ŋini aryamu ŋican alokuwane, amulen iŋes asecit.

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.

Akis. 1:13

Alokidiŋ ŋawuoeta ŋun ayai ŋini ekoni ituŋanan, ŋini anapit elou ŋolo aoyan, ŋolo adolit kwap ŋakejen keŋ ka tonapite alokore keŋ arokoba ŋina etiyaunitae a egolid.

Akis. 3:14

“Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.