Isa. 11:4 - Ebaibul

⁴ Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Isa. 11:4 Iomraidhean Croise

2 Sam. 8:15

Aŋun, abu Daudi kipuka Isirael daadaŋ, abu iŋes kitiya ŋuna ajoikinito ŋituŋa ka ŋuna eyookino alotuŋa keŋ a daadaŋ.

Yob 15:30

Nyebucarosi ŋituŋa ŋul anatwanare; ikwaanikin ikes ka ŋatalijei a ekitoe ŋuna itiiniyari akim; ikwaanikin ikes ka ŋatur ŋuna eraraari ekuwuam alokitoe.

Yob 4:9

Itoŋopiyari Akuj ŋikaronok a ekuwuam keŋ ka emunyari ikes anaryenyeo a ŋina ka aŋoit keŋ.

Ŋikiru. 110:2

Iatakini Ekapolon apedor ŋina ka apolou kon alo Sion tari nakiboisyo ŋace; ipukae iyoŋ ŋimoe kon ŋulu eya diyete kon.

Ŋikiru. 18:8

Abu apuru tolomu alokumes keŋ ka abu akim ŋina anyamuwaran tolomu anakituk keŋ, toneput ŋatotol anakituk keŋ.

Ŋikiru. 2:9

Idicari iyoŋ ikes, kinyas ikes ikwa ŋamoti ŋuna ebwaŋabwaŋaryo.”

Ŋikiru. 76:10

Iinanakini iyoŋ tari ŋiryenyaanotin ikipuro iyoŋ, ido epote ŋipiya ŋulu ka aŋoit kon, akilip neni kon anapakio a ŋuna a ŋasuban.

Isa. 1:17

“Toyenutu akitiya ŋuna ajokak, kiwara akiyookino, toiutu ŋulu isicanitae, kiŋarakisi ŋikokyok, kirworo aŋuna a ŋapuseru.”

Isa. 13:11

Irworo Ekapolon ebala, “Esicani ayoŋ akwap aŋuna ka asecit, esicani ŋulu aronok aŋuna a ŋasecisya kec etasaluni ayoŋ akituro ŋina a ŋikesupak ka eturuwori ayoŋ ŋiryenyaanotin ŋulu iapara.

Isa. 14:30

Eyakaunotor ŋulu ekulyakaka akilo ŋuluce akimuj ka iboikinosi ŋulu eyakatar akiitanit emam ŋace; nai emyekini ayoŋ totwaka ŋiletok kon aŋuna ka akoro, aari ayoŋ ŋipiya a ŋituŋa kon.

Isa. 16:5

eruwor nai ipei a ŋiletok a Daudi erwosit, ipukae iŋes ŋituŋa ka amina a ŋina nyiryaŋiryaŋa, eruwor iŋes erwosit ŋolo ipukat anakiyookino ekepukan ŋolo iwarit akiyookino ŋolo iburiburi atipei akitiya ŋuna iyookino.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 26:6

Ipudao tokona etaun ŋol, ipudaete ŋikulyak, ipudaete ŋikilames a ŋulu eyakatar akiitanit.

Isa. 29:19

Eryamunete ŋulu iyapara alelyanu ŋina kitete aneni ke Ekapolon ka itopoloorete ŋulu eyakatar akiitanit alotuŋa a Ekapolon Akuj ŋina a Isirael ŋina asegan;

Isa. 3:14

Egeiyari Ekapolon atubokin ŋikarikok ka ŋikapolok a ŋituŋa keŋ, itoroniyarit ikes a ŋakiro a nu, “Imunaasi iyes emanikor a ŋikito a epiini, eya nakais kus ŋiboro ŋulu eŋatununuyo aneni a ŋikulyak.

Isa. 30:28

Ikwaan ekieŋanu keŋ ka ayonae ŋina ilapit elele, ŋina edolete ŋakipi lodokole erae kidok. Iwokori iŋes ikwa arimama ŋituŋa a ŋakwapin namunyaro, irepakini iŋes ŋaunoi loŋitiny a ŋituŋa torikorere ikes nariet tooliyosi

Isa. 30:31

Ebuli ŋituŋa ka Asiriya iirarete etoil a Ekapolon apaki ŋina isicania iŋes ikes.

Isa. 30:33

Itemokinitoe sek ka aŋorot akibois, itemokinitoe akibois ŋin aŋuna a erwosit ka Asiriya. Ecukul ka elapat neni inokakinitae akim ŋin ka elal akim a nen ka elalak ŋakito. Ekieŋanu a Ekapolon itule akim ŋin torirau ikwa apetoron.

Isa. 32:1

Topupokisi, ebuni erwosit ŋolo ipukae a akiyookino ka ipukaete ŋikapolok a akiyookino.

Isa. 32:7

Ŋakiro ŋuna itiyaete ŋasyanisya, erae ŋuna aronok; eyeete akitiya ŋakiro ŋuna aronok ka irworosi alyokonu amunyarya ŋikulyak, tari kiyookino ŋakiro ŋuna edyakanarotor ŋituŋa ŋulu eyakatar akiitanit.

Isa. 33:22

anerae Ekapolon iŋes erae ekatubon a ŋakiro yok, Ekapolon iŋes erae ekepukan yok; Ekapolon erae erwosit yok, iŋes ikiuni iwon.

Isa. 40:7

Einiyarete ŋinya, ido toraraun ŋatur, itiyakin ŋun apaki ŋina iyakuunia Ekapolon ekuwuam tokutak ikes; kire jik, edaunun ŋituŋa ikwa ŋinya.

Isa. 49:2

Abu iŋes kitipipil ŋakiro ŋuna alimuni ayoŋ ikwa ekileŋ ikiduŋi, abu iŋes ekemuko ayoŋ alotolim a akan keŋ, abu iŋes ekesikwaanik ayoŋ ka ekaleŋeleŋet ŋolo epwasitae, abu iŋes ekeŋadaa ayoŋ ikwa ekaleŋeleŋet ŋolo iŋadaaritae natoros,

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Yer. 33:15

Alorwa a ŋul ka anapaki a ŋin, etolomuni ayoŋ ateni ŋina iyookino aloletok a Daudi, itiyae iŋes anakwap ŋuna ecamunitae ka ŋuna iyookino.

Yer. 5:28

atuma ikes ka amalimal ŋawat kec, itiyaete ikes aronis jik; nyetubete ikes ŋakiro a ŋikokyok anakiyookino, ikotere kilout ŋikokyok ŋini isitakinit ikes ka nyiŋarakinito ikes ŋituŋa ŋulu a ŋican toiun.

Osea 6:5

Aŋun, abu ayoŋ ekeyakik iyes ŋikadwarak kaŋ alimokin iyes ŋakiro kaŋ ŋuna ka atubokino ka akinyasuno, aar ayoŋ ikes a ŋakiro a ŋuna adau ayoŋ alimun, ileere atubokino ŋina ayauni ayoŋ neni kus, ikwaan ka akica,

Sepan. 2:3

Kiwara Ekapolon, iyes daadaŋ ŋulu itiditeuna anakwap, iyes ŋulu iwuapito ŋakiciketa keŋ; kiwara akiyookino, kitiditeunos alokiŋaren Ekapolon Akuj; acepaki iunosi iyes akoloŋit ŋina ka anyunyura ke Ekapolon,

Mal. 4:6

Ibelekini iŋes ŋitai a ŋikauruunak tomaikinos ka ŋidwe kec ka ibelekini iŋes ŋitai a ŋidwe tomaikinos ka ŋikauruunak kec, ani kemam, abuni ayoŋ amunyar iyes anakwap kus a ŋicen.”

Mat. 11:5

Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak, nabo elimonokinio Ŋakiro ŋuna Ajokak neni a ŋikulyak.

Mat. 5:5

Erereŋ ŋulu iyapara; eruwor akwap ŋina kec.

Ŋitic. 9:1

Nai ariŋa Saulo emunikinit akitukuryan ka akiar ŋikasyomak ŋulu ke Ekapolon Yesu. Abu iŋes tolot neni ke Esacaradoti a ŋolo Apolon nooi

2 Ŋikor. 10:1

Ayoŋ Paulo ekemaimai iyes anakiyapara ka anarimaanut a Kristo--ayoŋ ŋolo “Akuryana apaki ŋina ikirukitor iwon” ka “Aryenyaana apaki ŋina alwania aneni kus”.

Ŋigal. 5:23

akitiditeuna ka akiyokiuno bon. Emam Ŋikisila eremokino ka ŋakiro ŋuna ikote ŋun.

2 Ŋites. 2:8

Kisileereunoe nai Eketepegan Akuj; nai ani ebuni Ekapolon Yesu, eari Eketepegan ŋol a ekuwuam a ŋolo ka akituk keŋ ka inyasuni Yesu iŋes ka akica a ŋina enwakinwaki a ŋina ebunio iŋes.

Tito 3:2

Tolimok ikes nyirworotor idiotuŋanan, nai torae ŋulu ke ekisil ka ŋulu edaŋaŋ make, ŋulu itoodiunito arimao neni a ŋituŋa a daadaŋ.

Yak. 3:13

Ŋae alokidiŋ kus eyakar aosou ka ayenut? Itemokino iŋes kitoodiu alopitesyo keŋ a ŋulu ajokak atemar adau aosou alomar lopitesyo keŋ ŋulu ka akiyapara.

Akis. 1:16

Anakan keŋ a ŋina aloteten, adakit ŋikacer ŋikanikaarei; anakituk keŋ, tolomu atum ŋina akwaka ŋiwaetin daadaŋ. Acai ereet keŋ ikwaŋina ecaya akoloŋ kidiŋ apaaran.

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

Akis. 19:15

Alomunit anakituk keŋ atum ŋina akwaŋan ŋina ilounia iŋes ŋakwapin. Ipukae iŋes ikes ka aryenyeo ka ecuuni a ŋakejen keŋ epiini anacuet a ŋina ke epiini, ŋina erae anyunyura ka Akuj a ŋina etiron.

Akis. 2:16

Toki nai tokona! Ani pa kikii, abuni ayoŋ neni kon atipei akitijiyore iyoŋ ka atum a ŋina elomuni anakituk kaŋ.