Isa. 11:14 - Ebaibul

¹⁴ Nai iuwuarosi ikes kwap lowae ŋolo alo To toremo Ŋipilistin, eŋatarete ikes kaapei ŋiboro a ŋituŋa a ŋulu alo Kide. Eremete ikes ka kilout ŋituŋa a Edom ka Moab, iwuapete ŋituŋa ka Amon ŋakiro kec

Isa. 11:14 Iomraidhean Croise

Isa. 14:29

Nyilelyana iyes Ŋipilistin daadaŋ, anerae alemar ituŋanan ŋini sek ikisicanit iyes. Nyemaikina iyes ilelyanete aŋuna atwania ŋolo aronon ikwa emun ŋol, anerae analyasit a ŋolo aronon a ŋol, ebuni ece ŋolo aronon ikwa akipom, eletonit ŋolo ikwaan ka emun ŋolo adedeŋan ŋolo epori.

Isa. 15:1

Erae nu ŋakiro ŋuna etoroniyarete Moab: Aŋuna eturuworere Ar ereŋorot alotooma akuwar apei, eteryamun akwap a Moab ŋican, aŋuna eturuworere Kir ereŋorot alotooma akuwar apei, eteryamun akwap a Moab ŋican.

Isa. 16:14

Nai tokona irworo Ekapolon ebala; “Alotooma ŋikaru ŋiuni, ŋikaru ŋulu eriyan ka ŋulu aminae akipaŋga ituŋanan akitiya etic, ejamuwaryo apolou a Moab tari kelalak nooi ŋituŋa keŋ, eruwor ŋidikudyo bon ŋulupalag idoŋete Moab.”

Isa. 25:10

Ebuni apedor a Ekapolon ayakaun lomukura lo. “Ipudaaryo ŋituŋa a Moab anakibois kec, lopite ŋolo ipudaere ŋanya anakipany a ŋina ka aoret.

Isa. 33:1

Ekaŋ iyoŋ ekenyasan, iyoŋ ŋolo emam ituŋanan abu ikimunya iyoŋ ŋolo emam ituŋanan abu itoluk! Ani ijoŋoe iyoŋ akinyas, ikinyasunio iyoŋ; ido ani ijoŋoe iyoŋ araakau ŋolo alukinon, ikilukinio iyoŋ.

Isa. 59:19

Aŋun, itopoloorete ŋulu iboiyete alo To ekiro a Ekapolon; itopoloorete ŋulu iboiyete alo Kide apolou Ekapolon, anerae ebuni iŋes esibit akalele ŋina inuta nooi, ŋina erae apedor a Ekapolon inutar nooi.

Isa. 60:14

Epote ŋiletok a ŋituŋa a ŋulu sek isicanito etaun kus neni kus itiditeuna, eryedikete anakejen kus daadaŋ ŋulu sek ikijamuwarito iyes; enyaraete ikes etaun kus etaun a Ekapolon Sion ŋolo a Akuj a ŋina asegan a ŋina a Isirael.

Isa. 63:1

“Ŋae ŋin ŋini ebunit alo Edom, ŋini ebunit alo Bosira enapit ŋilowi ŋulumeriyek areŋak? Ŋae ŋin ŋini enapit ŋilowi ŋulu amilimilak ŋin, ŋini elosi ka apolou a ŋina etiron” “Erae ayoŋ Ekapolon erworo ŋuna ka akinyaŋaro, ayakar apolou ŋina ka ayaun aiuno.”

Isa. 9:12

Ŋiarameani alowae a ŋolo alo Kide ka Ŋipilistin alowae a ŋolo alo To. Apotu ŋul tomunyasi Ŋisirael tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Yer. 40:11

Ikwaŋinapei ani iirarete Ŋiyudayan ŋulu aya Moab ka nakwap a Ŋiamoni ŋulu aya Edom ta nakwapin ŋunace atemar emyek erwosit a Babilon ŋipiya a ŋituŋa alo Yudaya ka aseu Gedalia lokoku ka Aikam a ŋolo arae lokoku a Sapan akipuka ŋituŋa ŋul,

Yer. 48:40

Alimu Ekapolon ŋakiro nu ebe, “Kiirasi, emotun egole Moab, emotun iŋes epetarit ŋabebenuk keŋ, imanit ŋituŋa a Moab.

Yer. 49:2

Aŋun, kire jik, ebunit apaki ŋina aramakinia ayoŋ eli aŋuna ke ejie a ŋolo itijiere Raba, etaun ŋolo a Ŋiamoni, aruwor Raba ereŋorot ŋolo etukotor ŋamoru, icunyaryo ŋirerya keŋ. Inyakarete Ŋisirael akwap kec aneni a ŋulu apotu kikamasi aneni kec akwap kec.

Yer. 49:22

Ipumakin ŋimoe akirem Bosira lopite ŋolo ipumakinor egole ibore epetarit ŋabebenuk keŋ. Akoloŋit ŋin ebuli ŋikajiok a Edom lopite ŋolo ebulyo aberu ŋina eryeba aŋuna ka akidoun.”

Yer. 49:28

Erae nu ŋakiro ŋuna abu Ekapolon tolimu aŋuna a Kedar ka aŋuna a ŋapukasinei ka Asor a ŋuna abu erwosit Nebukadinesar ŋolo a Babilon kilou: Alimu Ekapolon ebe, “Tonyoutu, toremo Kedar, tomunyasi ŋituŋa ŋulu iboiyete anakwapin a ŋuna alo Kide.

Esek. 25:14

Ayai ayoŋ anyaŋan kaŋ Edom, esitiyae ayoŋ ŋituŋa kaŋ Ŋisirael akitiya anyaŋan ŋin. Iteyenikinete ŋuna itiyaete Ŋisirael akitiya anyaŋan ŋin. Iteyenikinete ŋuna itiyaete Ŋisirael ŋituŋa a Edom epite ŋolo aŋoitor ayoŋ ka ŋolo anyunyurar, eyenunete ŋituŋa a Edom epite ŋolo enyaŋia ayoŋ.”

Dan. 11:41

Ebuni iŋes tari nakwap ŋina ebusan ka toar ŋituŋa ŋalipyo ka ŋalipyo, nai epuun ŋakwapin nu anapedor keŋ: Edom, Moab ka akwap ŋina a Ŋiamoni neni alalan neni idoŋit.

Yoel 3:19

“Eruwor Ijipit ereŋorot, eruwor Edom ereŋorot ŋolo erae aloŋisat itiyakin ŋun aŋuna ka aryenyeo kec a ŋina apotu ikes kitiyata lotuŋa a Yudaya, akwap ŋina aponiata ikes toaryata ŋituŋa ŋulu amam aronis itiyato.

Amos 9:12

ikotere ikes ikamarete akwap ke Edom neni idoŋit ka ŋakwapin daadaŋ ŋuna koloŋ arae ŋuna kaŋ.’

Abak. 1:8

Epiraka nooi ŋaŋolei kec akilo ŋirisae, ededeŋ nooi akilo neni ededeŋiata ŋipeei ŋisaae ŋulu ka ataboŋ, icurosi ŋaŋolei kec ipudaete akwap nooi. Eponeneete ŋikametok ŋaŋolei kec anakwapin a ŋuna alwanak. Iuwaunun ikwa egole ecamit akinyam ibore.

Sepan. 2:5

“Okoe iyes ŋituŋa ŋulu iboiyete alodiyete anam, iyoŋ akwap ŋina a Ŋikerisi! Ikiremokino iyes akirot ke Ekapolon. Okoe iyes Ŋikanaani, akwap ŋina a Ŋipilistin; akamunyari ayoŋ iyes todaun ŋini idoŋi.

Sepan. 2:7

Eruwor akwap kus ŋina a ŋipiya a ŋulu a ekabila a Yuda; eruwor neni edakasi ŋibaren kec, eruwor nakais ŋuna ka Asikelon eperete ikes eboŋ. Iuryari Ekapolon Akuj kec ikes; inyakakini ŋituŋa keŋ ŋarereŋisyo kec.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Ekim. 24:17

Ete ayoŋ iŋes, nai meere tokona eyakaunor, ete ayoŋ iŋes, nai nyeapi, elomuni etop aneni a Yakob ebuni erwosit alo Isirael. Elemari iŋes ŋikukorusinei a Moab daadaŋ, emunyari iŋes ŋituŋa daadaŋ akwap a Ases.

Mat. 8:11

Akalimokini ayoŋ iyes atemar, epote ŋituŋa ŋulu alalak alo Kide ka ŋice alo To, kiboikinos kimuja ka Aburaam, Isaka ka Yakobo kaapei a Napukan a ŋina anakuj.

Ŋikat. 6:3

Apaki daadaŋ ŋina eekiniata Ŋisirael ŋikinyom kec, aponeneete Ŋimidian, Ŋiamaleki ka ŋituŋa ŋulu eboiyete alo Kide akitijiore Ŋisirael.