Isa. 11:11 - Ebaibul

¹¹ Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 11:11 Iomraidhean Croise

Akisy. 10:10

Abu apukan a Nimirod kisyak alo Babilon, Erek, Akad ka Kaline. Aya ŋakiboisyo ŋun nakwap ŋina a Sinar.

Akisy. 10:22

Ŋidwe a Sem ŋulusapa lu: Elam, Asur, Aripakasad, Lud ka Aram.

Akisy. 11:2

Ani apaki ŋina awotuniata ikes alo Kide, todolut nadipo ŋina a Sinar, toloma nen.

Akisy. 14:1

Alorwa a ŋulu araakar Amurapel erwosit ŋolo a Sinar, torae Arioc erwosit ŋolo a Elasar torae Kedorilaomer erwosit ŋolo a Elam ka torae Tidal erwosit ŋolo Agoim;

Akisy. 2:13

Arae ekiro ka aŋolol a ŋina a ŋaarei Gion, ŋin iŋes ŋina irimokinit akwap ŋina a Kuc.

2 Ŋirw. 17:24

Yau erwosit ŋolo ka Asiriya ŋituŋa, ŋice alo Babilon, ŋice alo Kusa, ŋice alo Aba, ŋice alo Amas ka ŋice alo Separabaim, kitolomu ikes lotaunio a Samaria (ekiro ŋolo aponi tonyaraere atyekatait ŋina a Isirael) akilunyokin neni sek aya Ŋisirael. Torebuwasi ikes Samaria, toloma lotaunio keŋ.

Esta 10:1

Kitelem erwosit Ausero ŋituŋa akwap keŋ ka ŋulu eboiyete alotooma ŋiculae ka anam ocur.

Ŋikiru. 68:22

Abu Ekapolon tema, “Atiyauni ayoŋ ŋimoe kus alo Basan, enyakuni ayoŋ ikes alokwap ŋakipi ŋuna ka anam,

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 10:20

Akoloŋit ŋin, nyikinyomete nabo ŋipiya a Ŋisirael ka ŋulu aponi nyeari aloletok a Yakob ekepukan ŋolo abu toar ikes, nai epote ikes akikinyom anakiro a ŋuna a kire Ekapolon, Akuj ŋina asegan ŋina a Isirael.

Isa. 10:9

Nyikwaan mono Calino ka Carikemis a? Nyikwaan mono Amas ka Aripad a? Nyikwaan mono Samaria ka Damasko a?

Isa. 11:16

Aŋun eyakaun erot ŋolo apolon ŋolo ebunit alo Asiriya aŋuna a ŋipiya a ŋituŋa keŋ, lopite ŋolo abunio erot toyakaun aŋuna a Ŋisirael apaki ŋina aponiata ikes anakwap a Ijipit.

Isa. 19:21

Iteyenikin Ekapolon neni a Ŋijipitian ka eyenunete Ŋijipitian Ekapolon akoloŋit ŋin, ido ilipete ikes neni keŋ inakis ŋamuronisya ka ŋainakineta ŋuna epeyo, ikoŋete daŋ neni ke Ekapolon ido kiwuapa ŋuna adaut ikes akikoŋ.

Isa. 19:22

Isicani Ekapolon Ejipit, isicani ka kitaŋaleu; eboŋunete ikes neni ke Ekapolon ka iirari Ekapolon adyekanot kec, ido kitaŋaleu ikes.

Isa. 21:2

Adau Ekapolon akisileerekin ayoŋ ŋakiro nu anakiruja: Elukini ekalukinon, inyasuni ekenyasunan. Okoe ŋituŋa a Elam, kitipeiyosi toremo, ŋasigarya a Media, kirikautu ŋitaunio, etadauni ayoŋ akiyaloloŋ daadaŋ ŋina eteryamunito ŋituŋa a Babilon ŋuluce.

Isa. 22:6

Apotu ŋasigarya a Elam potu etiŋito ŋatorosya a ŋikaleŋeleŋe, emeto ŋagaari ŋuna iritae a ŋaŋolei ka eyakatar ŋasigarya ŋuna ameto ŋaŋolei, apotu ŋasigarya a Kir kisileereut ŋaupala kec.

Isa. 24:15

Aŋun, emaikina ŋituŋa ŋulu alo Kide kitopoloosi Ekapolon, emaikina ŋituŋa ŋulu iboiyete alodiyete anam kitopoloosi ekiro a Ekapolon Akuj a Isirael.

Isa. 37:31

Epitunete ŋituŋa a Yudaya ŋulupiya, edupakin ikwa ŋataaŋor alokwap ekitoe ka elalaketa ikwa ŋaraito alokidiama ekitoe.

Isa. 42:10

Toeikisi eete ŋolokitete neni ke Ekapolon, toeikisi ipurosi iŋes anakisaleta ka akwap. Iyes ŋulu ilosete ananam kipuro Ekapolon, iyes ŋisubuna daadaŋ ŋulu iyarete alotooma anam kipuro Ekapolon, iyes ŋituŋa ŋulu iboiyete alodiyete anam kipuro Ekapolon.

Isa. 42:12

Emaikina ikes kitopoloosi Ekapolon, kipuro iŋes anakwapin a ŋuna alodiyete anam.

Isa. 42:4

Nyilelenyi iŋes, kori nyilounio iŋes akitodol ŋina eyaunia iŋes akiyookino nakwap; idarito ŋituŋa ŋulu iboiyete alodiyete anam iŋes yau akitatam keŋ.

Isa. 45:14

Alimu Ekapolon ebe, “Eyaunio neni kon ebari a Ijipit ka ŋiboro ŋulu egyelanaryo alo Esiopia ta ŋiboro a Ŋisabean a ŋituŋa a ŋulu aoyak, eyaunio neni kon ka eruworosi ŋiboro ŋul daadaŋ ŋulu kon, epote ŋituŋa ŋul akiwuap iyoŋ irae ekapolon kec; epote ikes neni kon eenitae a ŋiriko, toryediko alokiŋaren kon. Ikilipete ikes iyoŋ ebasi, ‘Iyoŋ bon irukito ka Akuj, emam ice erukito ka Akuj, emam akuj ace mati ŋina irukitotor iyoŋ.’

Isa. 49:12

Kiirasi, epote ŋirotin ŋul aneni alwanan, kiirasi epote ŋirotin ŋul alo Kuju ka alo To, epote ŋirotin ŋul anakwap a Sinim.”

Isa. 66:19

Ewuakini ayoŋ neni kec akitoodikinet, ido eyakiyari ayoŋ ŋipiya kec nakwapin, eyakiyari ikes Tarisis, Put ka Lud nakwapin a ŋituŋa a ŋulu eyenete akisitiya ŋikaleŋeleŋe; eyakiyari ikes Tubal ka Yapan nakwapin ŋuna alwanak ŋuna idunyito anam, neni a ŋituŋa a ŋulu nyiirarito ŋuna ka arwonu kaŋ, kori nyiŋolikina apolou kaŋ, elimorete ŋikiyakia ŋul apolou kaŋ nakwapin.

Yer. 25:25

ŋirwosi daadaŋ ŋulu a Simiri, ŋirwosi daadaŋ ŋulu ke Elam ka ŋirwosi daadaŋ ŋulu a Media,

Yer. 31:10

Iyes ŋituŋa a ŋakwapin, kiirasi ŋakiro a Ekapolon, tolimosi ŋakiro ŋun anakwapin a ŋuna alodiyete anam, anakwapin a ŋuna alwanak. Temasi iyes, “Ecunakini nabo Ŋisirael ŋolo sek eelari ikes, iyoki ikes lopite ŋolo iyokiyo ekeyokon ŋamesekin keŋ.

Yer. 44:1

Kirwor Ekapolon neni a Yeremia aŋuna a Ŋiyudayan a daadaŋ a ŋulu eboiyete anakwap a Ijipit alo Migidol, alo Tapanes, alo Mempis ka anakwap a Pasiros,

Yer. 49:23

Erae nu ŋakiro ŋuna abu Ekapolon tolimu aŋuna a Damasko ebala, “Iyaloloŋiete ŋituŋa ka Amas ka ŋulu ka Aripad, anerae eirasi ikes ŋakiro ŋuna aronok, einaiya ikes ekabule, emaranete ŋawat kec lopite ŋolo emarania anam ŋina nyepedorete ŋakipi akinapakin.

Esek. 27:6

Alokuyono a ŋulu a Basan, apotu ikes kitiyaut ŋakito ŋuna emetere ŋatubae; alokito a ŋulu enyaritae Sipres a ŋulu eyakasi Siprus, apotu ikes kitiyaut ŋakito ŋuna apesitae kwap ŋatubae kon ŋuna apesitae ŋikyal a ŋitome tooma.

Esek. 29:14

Enyakuni ayoŋ ikes aneni aponi torikoroe, enyaka nakwap kec Pasiros, nakwap atapapaa kec, ido eruwor ikes a nen apukan ŋina epalag.

Esek. 30:14

Eturuwori ayoŋ Pasiros ereŋorot, ecunyi ayoŋ Soan a akim, esicani ayoŋ ŋituŋa a Sebes.

Esek. 32:24

“Eyai akwap a Elam nakibois a ŋikatwak ŋin, irimokinito alyal keŋ kidiŋ ŋajoresyo keŋ daadaŋ, aaryo ŋul daadaŋ a ekileŋ, apotu ikes toloto nakibois a ŋikatwak pa enupito neni ka Akuj, arae ikes apotu yaut ekabule nakwap a ŋituŋa a ŋulu eyarete. Irumito ikes ŋileec kec kaapei ka ŋulu alomasi nakipany.

Esek. 38:8

Eponio aruwor ŋipeyok aneni kon kelunyar ŋirwa ŋulu alalak. Ekaku a ŋikaru a ŋulu alalak, iremi iyoŋ akwap ŋina ariŋa ieŋuni alojie, ŋina ariŋa ecununio ŋituŋa keŋ anakwapin aŋuna alalak potu lokamukumukui ŋulu a Isirael, ŋulu apotu toruwor ŋikoŋinae apaki ŋina aoyan. Ariŋa inyakunio ŋituŋa a akwap a ŋin anakwapin ka iboiyete tokona ikes daadaŋ anakwap kec emam awasya.

Dan. 1:2

Abu Ekapolon inak Jeoiakim erwosit a Yudaya napedor a erwosit a Babilon, inak tari ŋiboro ŋulu esitiyao alo Kai ka Akuj. Abu Nebukadinesar ya ikes nakwap ŋina a Sinar, kiwuak ŋiboro ŋul kai ŋina eŋadao abaru a ŋakujo keŋ.

Dan. 11:18

Ekaku itijikini iŋes ŋakwapin ŋuna alodiyete anam ka ikamari ŋakwapin ŋun ŋuna alalak. Nai ebuni ekarikon a ajore epei alemar akituro keŋ, kire jik, eboŋokini iŋes akituro keŋ pei.

Dan. 8:2

Anakisileerekinet a ŋina ete ayoŋ anakiruja, abu ayoŋ eŋolik ayai Susa lotaun ŋolo apolon ŋolo ayai Elam natyakatait a akwap a Babilon, awoi ayoŋ alodiyete aŋolol ŋina enyaritae Ulai.

Osea 1:11

Imorikinosi nabo ŋituŋa a Yudaya ka ŋulu a Isirael, eseunete nai ikes ekarikon kec epei, ikamarete ikes akwap kituruwosi ŋina kec. Kire, eruwor akoloŋit ŋina itiyakinotor ŋakiro ŋun alo Yesireel akoloŋit ŋina apolon nooi.

Osea 11:10

Iwuapakinete ikes Ekapolon, irurumakini Ekapolon lopite ŋolo irurumaa eŋatuny, ani irurumakini iŋes, epote ŋidwe keŋ alo To neni keŋ emaranete.

Osea 11:11

Emotunosi ikes alo Ijipit atipei ikwa atasurui ka emotunosi ikes alo Asiriya ikwa ŋitemeleudio; ido enyakari ayoŋ ikes lorerya kec.

Mika 7:12

Akoloŋit ŋin, eboŋunete ŋituŋa kus neni kus. Eboŋunete alo Asiriya ka alotaunio a Ijipit, eboŋunete alo Ijipit ka Eupurate, eboŋunete ananamyo a ŋuna alwanak ka alomoru a ŋulu alwanak.

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.

Sakar 5:11

Toboŋok iŋes tema, “Eayete ikes ebukit nakwap ŋina a Babilon, adukokin iŋes akai a ina. Ani kirikakin akiduk, kiwuakinae ebukit nen nakibois keŋ ŋina emaikina iŋes eyai.”

Sakar 8:7

Aiuni ayoŋ ŋituŋa kaŋ anakwapin a ŋuna alo Kide ka ŋuna alo To.

Sakar 9:2

Etaun Amas daŋ ŋolo ikukorosi ka Adirak, erae ŋolo ke Ekapolon. Tiro ka Sidon daŋ tari kerae ikes ŋakwapin ŋuna eosok nooi, erae ŋuna ke Ekapolon.

Ŋirom. 11:15

Anerae ŋina aŋerere ikes, aponi kituruworoe akwap ekone ŋolo ka Akuj. Ikokini nai ai apaki ŋina ecamunia Akuj Ŋiyudayan? Eyarunete ŋikatwak!

Ŋirom. 11:26

Erae epite ŋol iŋes eiunotor Ŋisirael daadaŋ, ikwaŋina igiritere Nakigireta ebe, “Ebuni Ekaiunan alo Sion, tolema aronis daadaŋ aneni a ŋiletok a Yakobo.”

2 Ŋikor. 3:16

Nai, ani ibelekin ituŋanan neni ke Ekapolon, elemaryo akitambara ŋin anatameta keŋ.

Ŋikis. 9:29

Erae ikes ŋituŋa ŋulu kon a elope ŋulu ibu iyoŋ iyau ka apedor kon a ŋina apolon ka agogoŋu kon.”