Isa. 10:7 - Ebaibul

⁷ Nai nyecamit erwosit ka Asiriya akitiya ŋun, nyetami daŋ iŋes ŋakiro ŋun, nai eya lotau keŋ ŋakiro ŋuna ka akinyasun ka amunyar ŋituŋa a ŋakwapin a ŋuna alalak;

Isa. 10:7 Iomraidhean Croise

Akisy. 50:20

Tari daŋ ŋina icamitotor iyes akiar ayoŋ, abu Akuj tocamak ŋun, ikotere ŋuna ajokak etakanunete, toiunotor ŋituŋa ŋulu alalak, lopite ŋolo itiyaa Akuj tokona.

Isa. 10:8

anerae ebala iŋes, “Nyerae mono ŋikapolok a ŋasigarya kaŋ daadaŋ ŋirwosi a?

Isa. 23:13

Kiŋolikisi mono iyes akwap a Ŋibabiloniyae, amam koloŋ sek ŋituŋa ŋul a nen. Arae ŋituŋa ka Asiriya esyakinete akisiboikin ŋituŋa kec nen ŋulu eboiyete sek analoŋisat. Apotu ikes kituruwosi Tiro neni iboiyoto ŋityaŋ, todukokis nen ŋaduketa ŋuna aoyak ŋuna erikaunitere etaun, apotu kielasi ŋakais a Tiro ŋuna ka apukan, kituruwosi etaun ereŋorot.

Isa. 37:19

ka emasanakis ŋakujo a ŋituŋa nakim tari ŋina pa araakatar ŋakujo ŋun ŋuna a kire, nai ŋitorubei ŋulu etiyaunete ŋituŋa a ŋakan kec anakito ka anamoru, aŋun, aponi kinyasunae ŋakujo ŋun.

Esek. 29:20

Adau ayoŋ ainakin Nebukadinesar akwap a Ijipit toruwor eropit ŋolo etiyaa iŋes, anerae abu iŋes ka ŋasigarya keŋ kitiyata aŋuna kaŋ.’

Dan. 11:12

Kedau iŋes akikamar ŋasigarya ŋuna alalak ŋun, iturokin erwosit ŋolo alowae a ŋolo alo Kwap nooi, tosodi toar ŋasigarya ŋalipyo ŋuna alalak, nai nyerubakini iŋes erae ŋolo elounan.

Naum 1:11

Abu aneni kon Ninepe ekile ŋolo etuki akitiya ŋuna aronok neni a Ekapolon, ekile ŋolo itatami ŋituŋa ŋuluce akitiya ŋuna aronok.

Ŋitic. 2:23

Aris Akuj anacamit ka anaosou keŋ ka alope ketyaku atemar itemokino ikirikokin iyes Yesu ka toara iŋes, anajalakin ŋituŋa ŋulu asecak ibubukinete iŋes lomusalaba.

Ŋitic. 2:24

Nai abu Akuj kiteyaru iŋes alokatwak; tolacu iŋes anapipilu a ŋina ka atwanare, anerae pa apedori atwanare akien iŋes.