Isa. 10:6 - Ebaibul

⁶ Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 10:6 Iomraidhean Croise

2 Sam. 22:43

Abu ayoŋ enyadiya ikes kikokis apuwa, abu ayoŋ ecakicak ka epuda ikes ikwa ipudaere ecoto ŋolo alorotin a etaun.

2 Ŋirw. 18:25

Nabo daŋ, nyabunit ayoŋ amunaar akwap na aŋuna kaŋ bon pa akalimokinit Ekapolon. Ekapolon Akuj iŋes pei abu ekecikak ayoŋ abunore akirem ka amunyar akwap na.”

Isa. 19:17

Itubulete ŋituŋa a Yudaya ŋituŋa a Ijipit, ebuli ŋinituŋanan daadaŋ ŋini elimokinio ŋakiro ŋuna ayeu Ekapolon ŋolo a ŋajoresyo akitiya neni kec aŋuna a ŋituŋa a Yudaya.

Isa. 22:5

Esubakinit Ekapolon a ŋajoresyo akoloŋit, akoloŋit ŋina ka akiguro ka akipuda ta akibiler, itiyakin ŋun anakadipaalat a ŋina a akisileerekinet, akoloŋit ŋina eritakinere ŋarwatatain ka ŋina igworotor ŋituŋa enyarito ŋimoru kiŋarakis ikes.

Isa. 24:5

Amunaasi ŋituŋa ŋulu iboiyete anakwap akwap, anerae abila ikes ŋikisila, nyiwuapa ŋakiro ŋuna atubunitoe ka nyiwuapa acamunet ŋina a ŋikaru ka ŋikaru.

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Isa. 32:6

anerae irworosi ŋibaŋaanotin abaŋao, eyeete ŋatameta kec akitiya ŋuna aronok, akitiya ŋuna nyiwuapito ŋuna ka Akuj, akirworo neni a Ekapolon ŋuna nyiyookino, elemanari akimuj aneni a ŋulu enyamit akoro, elemanari ŋakipi aneni a ŋulu enyamit akure.

Isa. 33:1

Ekaŋ iyoŋ ekenyasan, iyoŋ ŋolo emam ituŋanan abu ikimunya iyoŋ ŋolo emam ituŋanan abu itoluk! Ani ijoŋoe iyoŋ akinyas, ikinyasunio iyoŋ; ido ani ijoŋoe iyoŋ araakau ŋolo alukinon, ikilukinio iyoŋ.

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Isa. 41:25

Abu ayoŋ eketoŋoik iyes ituŋanan ŋini alo Kuju ka adau iŋes abunore, aponi iŋes tonyaraunae a ekiro keŋ aneni elomununia akoloŋ. Ipudaari iŋes ŋikepukak ikwa erukere ibore a elepit, ipudaari iŋes ikes ikwa ipudaa ekayan ŋamoti ecoto.

Isa. 49:17

Iloito ŋikadukok kus ŋituŋa ŋulu ikimunaanarete iyes ka eakarete aneni kus ŋulu apotu ikituruwosi iyes ŋicaryo.

Isa. 49:25

Nai alimu Ekapolon atemar, epedoryo ademun aneni a ekadedeŋan ŋituŋa ŋulu ekamaritae ka epedoryo ademun ituŋanan ibore ŋini eŋatunit, anerae etiji ayoŋ ŋulu ikitijiyete iyes, ido aiuni ayoŋ ŋidwe kus.

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Isa. 5:29

Irurumaete ikes ikwa eŋatuny, irurumaete ikes ikwa ŋiŋatunyo ŋulusorok ŋulu iiligakinete, ido kikamut etyaŋ ŋolo enyamete ikes, ido kiwokosi iŋes a nen yaasi neni nyepedorere ademar ikes.

Isa. 5:5

Tokona, akalimokini ayoŋ iyes ŋuna alosi ayoŋ akitiya neni a emanikor kaŋ a ŋolo a ŋikito a epiini. Alemari ayoŋ ŋikito ŋulu ewuatere iŋes, ido tomunaarae iŋes, aritaari ayoŋ arwatata ŋina ewuatere iŋes, ido kipudaarae iŋes.

Isa. 63:3

“Adau ayoŋ bon akipuda epiini, mam alotuŋa a ŋakwapin ŋini ikirukit ka ayoŋ; abu ayoŋ epuda ikes anaŋoit kaŋ abu ayoŋ epuda ikes ananyunyura kaŋ, apotu ŋaokot kec kiteranakin lolowi kaŋ ka apotu kitereŋa ŋilowi kaŋ.

Isa. 63:6

Abu ayoŋ epudaa ŋituŋa anaŋoit kaŋ, abu ayoŋ elou ikes ananyunyura kaŋ, obukok ŋaokot kec nalup.”

Isa. 7:17

Eyauni Ekapolon neni kon ka neni a ŋituŋa kon ta nateker kon ŋirwa ŋulu a ŋican ŋulu nyetakanuna ŋinapei ameun anakoloŋit a ŋina atyakaror Epuraim alo Yudaya. Iyakuuni Ekapolon erwosit ka Asiriya neni kon.

Isa. 8:4

Kitiya ŋun eriŋa ikoku ŋin nyeanyuna atemar papa, kori toto. Ecunari erwosit ka Asiriya abaru a Damasko daadaŋ ka ŋiboro ŋulu eŋatunito ŋituŋa a Samaria daadaŋ.”

Isa. 8:8

Egiraarete ikes akwap a Yudaya daadaŋ lopite ŋolo egiraarya akalele akwap toburusiya ibore daadaŋ.” Ikirukit isua ka Akuj, imukito ŋabebenuk keŋ akwap kosi.

Isa. 9:17

Ŋakiro ŋun abunio Ekapolon nyisyon ŋisorok kec, kori nyisyonik ŋikokyok ka ŋapesur alotuŋa a ŋul, anerae pa ewuapito ŋituŋa daadaŋ ŋuna ka Akuj ka arae ŋulu etiyaete ŋuna aronok, erworosi ŋituŋa daadaŋ ŋakiro ŋuna ka abaŋao. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 9:19

Aŋuna ka aŋoit a Ekapolon a ŋolo a ŋajoresyo, abu akim tonomiya akwap, kikwaanikin ŋituŋa ka ŋakito ŋuna inokere akim, mam ituŋanan abu toesik ŋinice.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 3:10

Kikote neni daŋ apotu ŋituŋa a Yudaya nyeboŋut neni kaŋ a ŋitai kec a daadaŋ, nai anakitusubuna ŋulu kaŋ nyerae bo.”

Yer. 34:22

Alimokini ayoŋ ikes toboŋut lotaun lo, itijikinete ikes ŋituŋa a etaun a lo, ido kikamasi etaun ka kicunyakis a akim. Eturuwori ayoŋ ŋitaunio a Yudaya ŋireŋoroto, neni emam ŋituŋa eya.”

Yer. 4:14

Okoe ŋituŋa a Yerusalem, kitesegutu ŋitai kus, kitesegutu ikes anajoŋore akitiya aronis, ikotere iyes ikiunio. Tari ori imyekinito iyes ayere akitiya ŋuna aronok alotai kus?

Esek. 29:20

Adau ayoŋ ainakin Nebukadinesar akwap a Ijipit toruwor eropit ŋolo etiyaa iŋes, anerae abu iŋes ka ŋasigarya keŋ kitiyata aŋuna kaŋ.’

Esek. 38:12

Ilosi iyoŋ aŋatar ka akiya ŋiboro a ŋituŋa a ŋulu iboiyete alotaunio a ŋulu sek aris kemunaar. Ariŋa ŋituŋa ŋul ecununio nen anakwapin, eriŋa ikes eyakatar ŋibaren ka ŋiboro ŋipeipei, iboiyete ikes aneni imalakanyatar ŋirotin ŋulu itoreneneete ŋituŋa a ŋakwapin.

Esek. 38:13

Ikiŋisete iyoŋ ŋakwapin nu: Seba, Dedan ka ŋimucurus ŋulu a Tarisis ta ŋisorok ŋulu a Tarisis daadaŋ ebe, ‘Ibunit iyoŋ aŋatar a? Icununit iyoŋ ŋajoresyo kon alemar ka kiwok esilipa ka egolid, aramar ŋibaren ka akiwok ŋiboro ta akiriraar ibore ŋini alalan a?’

Mika 7:10

Iŋolikinete nai ŋimoe kaŋ ŋun, ido irumete ŋileec ŋituŋa ŋulu apotu temasi neni kaŋ ebe, “Ai mono eyai Ekapolon Akuj kon?” Eŋolikini ayoŋ ikes ereunio, ido kipudaarae ikwa ecoto ŋolo eyai lorotin ŋulu ke etaun.

Abak. 1:12

Ekapolon, ŋina pei anakisyakinet irae iyoŋ Akuj, irae iyoŋ Akuj kaŋ ŋina asegan ka ŋina a ŋikaru ka ŋikaru. Okoe Ekapolon Akuj kaŋ ka ekeuryaran kaŋ, idau iyoŋ aseun ŋituŋa a Babilon ka itogogoŋ iyoŋ ikes, ikotere ikisicanete isua.

Sakar 10:5

Eruwor ŋituŋa a Yuda ŋikelounak ikwaanikin ikes ka ŋasigarya ŋuna ipudakinete ŋimoe kec locoto ŋolo a ŋirotin ke etaun. ejiete ikes ka agogoŋu, anerae erukito ikes ke Ekapolon; ereunete ikes tari ŋimoe ŋulu isitiyaete ŋaŋolei.’

Mat. 15:7

Iyes ŋikaŋisoswae! Eyookinit kire koloŋ Isaya edwari aŋuna kus ebala,