Isa. 10:33 - Ebaibul

³³ Kiirasi, ielielaari Ekapolon ŋolo a ŋajoresyo ŋasigarya ka Asiriya ka apedor keŋ a ŋina apolon nooi. Emunyari Ekapolon ŋikarikok a ŋasigarya ka Asiriya, ituruwori Ekapolon ŋulu eturok ŋulu itiditeuna bon.

Isa. 10:33 Iomraidhean Croise

2 Ŋakiro a ŋirwa 32:21

Abu nai Ekapolon kiyakiya emalaika ŋolo abu toar ŋasigarya ŋuna ajiok daadaŋ ka ekapolon kec ta ekarikon kec aneni eboiyoto ŋasigarya ka Asiriya. Apotu ŋun kitoboŋosi Senakerib nakwap keŋ pa elakara. Ani elomari Senakerib kai ka akuj keŋ, apotu ŋidwe keŋ ŋice ŋulusapa toara iŋes a nen a ekileŋ.

Isa. 18:5

Eriŋa nyedolo apaki ŋina elemere, apaki ŋina edaunotor ŋatur a ŋikinyom, toruworos ŋatur ŋaraito a epiini ŋuna akoko, etubori Ekapolon a ekileŋ ŋatalijei, ido etubori iŋes ŋaten ya nariet.

Isa. 32:19

Edaun amoni jik, inyasunio etaun nooi.

Isa. 33:3

Apotu ŋituŋa toema apaki ŋina icelunia iyoŋ, apotu ŋituŋa a ŋakwapin kielar alokiŋaren ailiil kon.

Isa. 37:38

Akoloŋit apei eriŋa Senakerib ilipi alokai a akuj keŋ a ŋina anyaritae Nisirok, apotu ŋidwe keŋ ŋulusapa Adiramalek ka Sareser toara iŋes a ekileŋ, ido tosiwa nakwap ŋina ka Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

Isa. 5:15

Etiditeun ŋituŋa, etiditeun ŋituŋa daadaŋ, esirumi ŋulu iturosi ŋileec.

Yer. 22:7

Etemokini ayoŋ ŋituŋa ŋulu epote akinyasun iyoŋ, ayauni ayoŋ ikes daadaŋ eyakatar ŋiboro kec ŋulujiet, etubutubokinete ikes kwap ŋikito kon ŋulu a Cedar kimasakis nakim.

Esek. 31:3

Ikwaan iyoŋ ka ekitoe a Cedar ŋolo eyai Lebanon, ŋolo eyakar ŋaten ŋuna ebusak ŋuna eyai etolim ŋolo ka amoni, ekitoe ŋolo aoyan nooi ŋolo edolit aoyau keŋ lodouwon.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Amos 2:9

Torae bo abu ayoŋ omunya Ŋiamori alokiŋaren kec, arae Ŋiamori ŋituŋa ŋulu aoyak ikwa ŋikito a Cedar ka agogoŋ ikes ikwa ŋikuyono; abu ayoŋ omunya ikes jik ŋinapei alokidiama tari nataagor.

Naum 1:12

Tema Ekapolon neni a ŋituŋa keŋ, “Tari kegogoŋ ŋituŋa ka Asiriya ka kelalak daŋ, emunyaryo ikes jik todaunos. Tari kekesicanit ayoŋ iyes ŋituŋa kaŋ, nyekesicani nabo.

Luk. 14:11

Anerae ŋinituŋanan itopolooro bon, itiditeunio; nai ŋini itiditeuna bon, itopolooryo.”