Isa. 10:29 - Ebaibul

²⁹ Atuborosi iŋes ka ŋasigarya keŋ alorot, aperiyosi Geba. Abul ŋituŋa ŋulu iboiyete alotaun Rama, aema ŋituŋa ŋulu eboiyete alo Gibea a ŋina a Saul.

Isa. 10:29 Iomraidhean Croise

1 Ŋirw. 15:23

Ŋiticisyo nai ka Asa ŋuluce daadaŋ, arwonu keŋ a daadaŋ ka ŋuna etiyat iŋes daadaŋ ta ŋitaunio daadaŋ ŋulu abu iŋes toduk, igiritae lokitaabo ŋolo a ŋakiro a ŋirwosi a Yudaya. Nai ani edoli ŋirwa ŋulu amojoŋia Asa, todyakakin ŋakejen.

Yer. 31:15

Aŋun, alimu Ekapolon ebe, “Eirar alo Rama etoil, etoil ŋolo iwololoe ka akigworo ŋina apipilan. Igworo Rakel aŋuna a ŋidwe keŋ; awou iŋes akisirworiuno aŋuna a ŋidwe keŋ, anerae aris ketwaka.”

Osea 10:9

Okoe Isirael, ŋinapei alorwa a ŋulu iyakatar iyes Gibea, irubakis iyes iseceneneete. Nyikirukauni mono iyes ejie, iyes ŋulu itiyaete aronis alo Gibea a?

Osea 5:8

Tokutakisi amomwara alo Gibea, tokutakisi arupepe alo Rama, toramakisi eli alo Bes-Apen, iyes ŋikilyok ŋulu a Benjamin, toloto lojie.

Osea 9:9

Aroketa ikes nooi aloticisyo a ŋulu itiyaete ikes, etiyata lopite ŋolo etiyaata alo Gibea. Etamuni Ekapolon aronis kec ka isicani ikes aŋuna a ŋasecisya kec.

Yos. 21:17

Aponi alokabila a Benjamin inakinae ŋidwe ka Aron ŋitaunio lu: Geba,

1 Sam. 10:26

Tolot Saul daŋ Gibea lore keŋ, torukosi iŋes ka ŋikilyok ŋulu ajiok ŋulu keris Akuj ketap ŋitai kec.

1 Sam. 11:4

Ani edolunete ŋituŋa ŋulu eyakitae Gibea neni eboiyo Saul, tolimosi epupete ŋituŋa daadaŋ ŋakiro ŋuna eyakitere ikes, kikalout ŋituŋa daadaŋ iworoete.

1 Sam. 13:16

Apotu Saul ka lokoku keŋ Yonasan ta ŋikilyok ŋulu arukitotor ikes toloto kiboiyosi Gibea nakibois ŋina alo Benjamin, nai apotu Ŋipilistin kiboikinos Mikimas.

1 Sam. 13:2

Abu Saul toseu ŋikilyok ŋalipyo ŋauni alo Isirael; arukito iŋes ka ŋalipyo ŋaarei alo Mikimas ka alo Besel anakwap a ŋina a ŋikamukumukui, ido arukito aliput ka Yonasan alo Gibea anakibois a ŋina eyai Benjamin; abu Saul kitoboŋo ŋikilyok ŋuluce daadaŋ lorerya kec.

1 Sam. 13:23

Kebu ajore a Ŋipilistin ace tolot lorot ŋolo alo Mikimas.

1 Sam. 14:2

Apaki ŋin, eboi Saul alokiŋa Gibea alokwap ekitoe ŋolo a ŋaraito ŋolo esibit ekacikicikit. Ayai ekitoe ŋol neni anyaritae Migiron. Arukito iŋes a nen ka ŋikilyok ŋulu aapiyarit ekimar ŋamiae ŋakanikapei,

1 Sam. 14:4

Ayakasi ŋatabab ŋaarei ŋuna aoyak tosulut lorot ŋolo acamit Yonasan amekin elosi neni a Ŋipilistin. Ayai apei epeiwae erot ŋinace lowae ŋoloce. Anyaritae apei Boses ka ŋinace Sene.

1 Sam. 14:5

Ayai ataaba ŋin apei lowae ŋolo alo Kuju ŋolo ewasiyarit Mikimas ka ŋinace ayai lowae ŋolo alo Kwap ŋolo ewasiyarit Geba.

1 Sam. 15:34

Tonyou nai Samuel a nen tolot Rama; ido tonyou Saul a nen kitipeiyo lore keŋ Gibea nakibois ŋina a Saul.

1 Sam. 7:17

Nai amina iŋes aboŋonor Rama, anerae nen iŋes ayai akai keŋ, ido abu iŋes kipuka Isirael a nen ka abu todukok nen Namuroet aŋuna ke Ekapolon.