Isa. 10:16 - Ebaibul

¹⁶ Aŋun, ebuni Ekapolon ŋolo etiron, Ekapolon ŋolo a ŋajoresyo akiyakikin erogo neni a ŋikajiok keŋ a ŋulu atumak, anapolou keŋ, emwakunete ŋawat kec lopite ŋolo emwanunia ibore inokakinio akim.

Isa. 10:16 Iomraidhean Croise

2 Ŋakiro a ŋirwa 32:21

Abu nai Ekapolon kiyakiya emalaika ŋolo abu toar ŋasigarya ŋuna ajiok daadaŋ ka ekapolon kec ta ekarikon kec aneni eboiyoto ŋasigarya ka Asiriya. Apotu ŋun kitoboŋosi Senakerib nakwap keŋ pa elakara. Ani elomari Senakerib kai ka akuj keŋ, apotu ŋidwe keŋ ŋice ŋulusapa toara iŋes a nen a ekileŋ.

Ŋikiru. 106:15

Aŋun abu Akuj inak ikes ŋuna eŋitasi, nai abu Akuj kiyakik ikes edeke ŋolo amunyaran atipei.

Ŋikiru. 78:31

abu anyunyura ka Akuj min neni kec, abu Akuj toar ŋulu agogoŋ alokidiŋ kec, kitiditeu ekimar a ŋisorok a Ŋisirael.

Isa. 10:18

Inyasuni Ekapolon akibuses ŋina a ŋamon ka Asiriya ka ŋalup keŋ ŋuna ataronok, inyasuni Ekapolon ŋitai ka ŋawat a ŋituŋa ka Asiriya lopite ŋolo inyasunia edeke ŋolo aaran ituŋanan.

Isa. 17:4

Akoloŋit ŋina itiyakinotor ŋun, elemaryo apolou aneni a ŋituŋa a Yakob ka edaun ebari kec toruworos ŋikulyak.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 31:9

Eritakin aduketait kec ŋinajiet aŋuna ke ekabule kec, eemete ŋikapolok kec kimyekis ŋabenderae a nen. Alimu Ekapolon ŋun, Ekapolon ŋolo ilipyo neni keŋ alo Sion ka ŋolo enokia akim keŋ ŋina a ŋamuronisya alo Yerusalem.”

Isa. 37:29

Aŋuna ikidedeŋikinitor iyoŋ ayoŋ ka aŋuna tokona eirarya ayoŋ akituro kon, aruboikini ayoŋ ekodocet kaŋ lokume kon, ido aburakini ibore nakituk kon; eketoboŋori ayoŋ iyoŋ tomek erot ŋolopei sek imyat iyoŋ ibuni.”

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Isa. 5:17

Epote nai ŋikaalei ŋulumesekin adaka lopite ŋolo edakatar neni sek emaikina edakasi ka edakasi ŋikaalei ŋulu itumitae ka ŋulumee loreŋoroto.

Isa. 8:7

eyauni Ekapolon erwosit ka Asiriya kaapei ka ŋasigarya keŋ akirem Yudaya. Epote ikes erimaete esibito ŋakipi a aŋolol Eupurate apaki ŋina ilelebar ka ilapitor.

Isa. 9:4

anerae ikwapei akoloŋit ŋina aponere kilounere Ŋimidian, ilema iyoŋ ŋican ŋulu aryamunito ŋituŋa kon, ilema iyoŋ ŋituŋa ŋulu esicanito ŋituŋa kon ta aryenyeo ŋina a ŋulu esicanito ŋituŋa kon.

Isa. 9:5

Inokere akim ŋamuk a ŋikajiok a daadaŋ a ŋulu aloseneneete lojie kaapei ka ŋilowi kec daadaŋ ŋulu irwasito ŋaokot.

Yer. 21:14

Ekesicani ayoŋ iyes erono lopite ŋolo eroketa ŋiticisyo kus, enokakini ayoŋ akim namon kus ka enomiari ibore daadaŋ ŋini eyai diyete kus.”

Yer. 48:14

Ikokinete iyes ibasi, ‘Ikirae isua ŋikelounak ka ŋikajiok ŋulu etirok’?

Esek. 34:16

Alosi ayoŋ akiŋitanar ŋuna eolito, enyakuni ayoŋ ŋuna eoliyorito, aeni ayoŋ ŋajemei a ŋuna ewanawana, etogogoŋi ayoŋ ŋuna epalag, nai amunyari ayoŋ ŋuna atumak ka ŋuna agogoŋok. Eyoki ayoŋ ŋamesekin anakiyookino.

Naum 1:12

Tema Ekapolon neni a ŋituŋa keŋ, “Tari kegogoŋ ŋituŋa ka Asiriya ka kelalak daŋ, emunyaryo ikes jik todaunos. Tari kekesicanit ayoŋ iyes ŋituŋa kaŋ, nyekesicani nabo.

Sepan. 2:13

Isitiyae Ekapolon apedor keŋ amunyarya ŋituŋa ŋulu ka Asiriya, ido ituruwori etaun ŋolo a Ninepe ereŋorot, akibois ŋinacaryoit ŋina ikwaan ka aloŋisat.

Sakar 7:4

Abu nai Ekapolon okolimok ayoŋ tema,

Ŋitic. 12:23

Apaki ŋinapei, kitedyakak emalaika ŋolo ke Ekapolon Erode toramakin kwap, anerae abu iŋes kimyek ŋituŋa itopoloorito iŋes erae akuj, pa etopoloorit iŋes Akuj ŋina a kire. Tonyama ŋikur iŋes, totwan.