Isa. 10:13 - Ebaibul

¹³ Anerae ebala erwosit ka Asiriya, “Abu ayoŋ etiya ŋun a agogoŋu kaŋ a elope ka a aosou kaŋ, anerae ayakar ayoŋ ayenut. Adau ayoŋ alemar ŋikukworwo a ŋituŋa a ŋakwapin ka abu oŋata ŋisiliŋa kec. Lopite ŋolo ereunia emaanik ŋuluce, abu ayoŋ oreu ŋikepukak ŋuluce.

Isa. 10:13 Iomraidhean Croise

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

2 Ŋirw. 16:8

Tolemu Aas esilipa ka egolid ŋolo ayai Kai ka Akuj kaapei ka ŋiboro ŋulu ajokak ŋulu alokai ke erwosit, kiyakiya erae ainakinet neni ke erwosit a ŋolo ka Asiriya.

2 Ŋirw. 17:24

Yau erwosit ŋolo ka Asiriya ŋituŋa, ŋice alo Babilon, ŋice alo Kusa, ŋice alo Aba, ŋice alo Amas ka ŋice alo Separabaim, kitolomu ikes lotaunio a Samaria (ekiro ŋolo aponi tonyaraere atyekatait ŋina a Isirael) akilunyokin neni sek aya Ŋisirael. Torebuwasi ikes Samaria, toloma lotaunio keŋ.

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

2 Ŋirw. 18:11

Kikama erwosit ŋolo ka Asiriya Ŋisirael torik ya Asiriya. Abu kitolomu ikes ŋice lotaun ŋolo enyaritae Ala, ŋice diyete aŋolol Abor, anakwap a Gosan ka ŋice lotaunio a Media.

2 Ŋirw. 18:15

Inak Esekia iŋes esilipa daadaŋ ŋolo alo Kai ka Akuj ka ŋolo ayai kai ke erwosit.

2 Ŋirw. 18:32

akitodol ŋina akaomunio ayoŋ iyes akiya nakwap ŋina ikwaan ka ŋina kus, nakwap ŋina eya ŋikinyom ka epiini, nakwap ŋina eya ŋamugati ka ŋimanikorin ŋulu ke epiini, nakwap ŋina eya ŋikito ŋulu ka akimyet ka eyai ao daŋ. Ikiteyarete iyes ŋamuja ŋun, nyitwakete. Kiuryaasi Esekia nyikimodianak aŋuna irworor ebe, ‘Ikilakuni Ekapolon iyes.’

1 Ŋakiro a ŋirwa 5:26

Aŋun, abu Akuj a Isirael kisimukek etau a Pul a ŋolo arae erwosit ka Asiriya (iŋes Tigilas-Pileser erwosit ŋolo ka Asiriya), ŋolo abu kirita Ŋirubeni, Ŋigadi ka atutubet a ŋituŋa a Manase anakwapin kec, kirita ikes toloto Ala, Abor, Ara ka naŋolol ŋina enyaritae Gosan, neni iboiyoto tari nakoloŋit na.

Ŋakit. 28:11

Etami ituŋanan ŋini abaran atemar erae iŋes ŋini eos, nai itoodiunit alopitesyo keŋ ituŋanan ŋini ekulyakana atemar eos iŋes.

Isa. 10:8

anerae ebala iŋes, “Nyerae mono ŋikapolok a ŋasigarya kaŋ daadaŋ ŋirwosi a?

Isa. 5:21

Ekaŋ, iyes ŋulu itamete atemar iosok ka ŋulu itamete atemar epiiryaka ŋakonyen!

Yer. 46:8

Anyou Ijipit esibit aŋolol Nile, esibit ŋakipi aŋolol ŋuna ipumasi. Ebasi ŋituŋa a Ijipit ebe, ‘Emaikina iwon onyouto, emaikina oburusiyasi akwap daadaŋ, emaikina omunaasi ŋitaunio ka omunyasi ŋituŋa ŋulu iboiyete alotooma kec.’

Yer. 48:14

Ikokinete iyes ibasi, ‘Ikirae isua ŋikelounak ka ŋikajiok ŋulu etirok’?

Esek. 25:3

Tolimok Ŋiamoni atemar, kiirasi ŋakiro a Ekapolon Akuj, alimu Ekapolon Akuj atemar, aŋuna iponiata iyes itemasi, ‘Coe’ nakibois kaŋ ŋina asegan apaki ŋina iponiata iyes tojamuwasi, aŋuna iponiata iyes tolelyana apaki ŋina etisilunere akwap a Isirael ka aŋuna iponiata iyes kitiyata ŋun lotuŋa a Yudaya apaki ŋina aayere erae ŋirikon;

Esek. 26:2

“Lokoku a ituŋanan, aŋuna aponiata ŋituŋa a Tiro temasi neni a Yerusalem ebe, ‘Coe! Kebilibiliyar etaun ŋolo itoreneneete ŋituŋa a ŋakwapin; edoŋ ŋipukei keŋ itaditadasi eŋaara aŋuna kosi; ebaryo nai tokona isua, anerae nyeriŋa Yerusalem ejokuni.’

Esek. 29:3

Tolimok iŋes atemar, alimu Ekapolon Akuj ŋakiro nu ebe, ‘Ekemanit ayoŋ iyoŋ Parao erwosit ŋolo a Ijipit, iyoŋ epiu ŋolo iletete anakipi a ŋuna a ŋakitelesyo,’ ibala iyoŋ, ‘Aŋolol kaŋ Nile, erae ŋina kaŋ a elope; ayoŋ abu etiyau iŋes aŋuna kaŋ.’

Esek. 35:13

Idaut iyes erwor iturosi nooi ikimanito ayoŋ, iyatakis iyes ŋakiro kus ŋuna ikimanitotor ayoŋ, adau ayoŋ akiirar ŋun.

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”

Amos 5:27

ekaku a ŋun, eketirikori ayoŋ iyes ŋituŋa, ikiya iyes nakwap ŋina eyai yaye Damasko.” Alimu Ekapolon ŋolo erae ekiro keŋ Akuj ŋina a ŋajoresyo ŋakiro ŋun.

Amos 6:13

ilelyanete iyes aŋuna ikamaryata etaun Lodebar, ido ibasi, ‘Erae agogoŋu kosi bon iŋes ekamarere isua etaun Karanim.’

Abak. 1:11

Ani nai elomarete nen, topyasi ibore daadaŋ lopite ŋolo epyaa ekuwuam, ido nai torotokis. Erae ikes ŋituŋa ŋulu iilit ŋulu aŋero ŋikisila. Ituruworito ikes apedor akuj kec.”

Abak. 1:16

Aŋun, einanakini iŋes ŋamuronisya neni a ŋiboro keŋ a ŋulujiet, anerae earanakinete ŋiboro ŋul iŋes ibore daadaŋ ŋini ajokan.

Abak. 2:6

Eŋoikinete ŋituŋa ŋulu aponi toreunae ŋulu apotu kikamasi ŋakwapin kec, ido ejamuarete temasi, “Ipotu iyes yaasi ibore ŋini pa arae ŋini kus, aŋun, ikisicani Akuj iyes!” Irubakinete iyes tari ori itukete ebari anareikinit ŋulu ideniyorito ŋiboro kus akitac ikes?

Ŋikis. 8:17

Nyetema ituŋanan ebe, “Erae agogoŋu ka apedor kaŋ a ilope iŋes aryamunia ayoŋ abaru na.”

Ŋikat. 7:2

Tolimok Ekapolon Gideon tema, “Elalak nooi aneni kaŋ ŋikilyok ŋulu irukitotor iyoŋ aŋuna ka akilounia Ŋimidian. Epedorete Ŋisirael akiturokin temasi, ‘Agogoŋu kosi iŋes ikilakuni isua.’