Isa. 1:9 - Ebaibul

⁹ Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 1:9 Iomraidhean Croise

Akisy. 18:26

Tema Ekapolon, “Ani karyamu ayoŋ alotaun a Sodoma ŋituŋa ŋatomonikan ŋulu iyookino, esyoni ayoŋ akibois ŋin daadaŋ aŋuna kec.”

Akisy. 18:32

Tolimu nai Aburaam tema, “Okoe Ekapolon kaŋ, nyiŋo ca! Kimyekinae olimu apei ca bon; ani bo kerae ŋitomon bon iryamuni iyoŋ iyookino a nen?” Toboŋok Ekapolon tema, “Aŋuna a ŋulutomon a ŋul, nyamunyari ayoŋ akibois ŋin.”

Akisy. 19:24

Totiyau Akuj sulpa ka akim alokidiama ikwa akiru lotaunio ŋulu a Sodoma ka Gomora;

1 Ŋirw. 19:18

Nai emyekini ayoŋ alo Isirael ŋikilyok ŋalipyo ŋakanikaarei ŋul daadaŋ ŋulu nyeryediko kilipa neni a Baal, ŋulu nyenua Baal a ŋakituki kec.”

2 Ŋirw. 19:4

Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

Isa. 1:8

Emyekin ŋituŋa a Yerusalem ikwa eripipi ŋolo alomanikor a ŋikito a epiini, ikwa eripipi ŋolo alomanikor a ŋakolil, ikwa etaun ŋolo irikaunitae.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 11:16

Aŋun eyakaun erot ŋolo apolon ŋolo ebunit alo Asiriya aŋuna a ŋipiya a ŋituŋa keŋ, lopite ŋolo abunio erot toyakaun aŋuna a Ŋisirael apaki ŋina aponiata ikes anakwap a Ijipit.

Isa. 17:6

kori ikwaanikin ka apaki ŋina etwaere ŋaraito alokitoe ka Olipa kidoŋo ŋadikudyo bon lokitoe, kidoŋo ŋaarei kori ŋauni bon naten ŋuna alokidiama ekitoe, kori kidoŋ ŋaomwon, kori ŋakan naten ŋuna igoonoto.” Ayoŋ Ekapolon adau alimun ŋun!

Isa. 24:13

Itiyakin nu nakwap ka nakwapin daadaŋ, ikwaanikin ŋun ka apaki ŋina eraraunere ŋaraito alokito ka olipa, ikwaanikin ŋun ka apaki ŋina isokotaere ŋaraito a epiini kedaun akilem.

Isa. 24:6

Aŋun, amunyasi ŋilam akwap, aryamut ŋituŋa ŋulu iboiyete anakwap ekaile ŋolo ka asecit; aŋun, adaun ŋituŋa anakwap edoŋ ŋidikudyo.

Isa. 37:4

Acepaki iirarit Ekapolon Akuj kon ŋakiro ŋuna erwor ekapolokiniton a ŋasigarya ka Asiriya, ŋolo iyakuunit ekapolon keŋ erwosit ka Asiriya ajamuwanar Akuj ŋina eyari, ikotere nai Akuj itoŋoiyari iŋes aŋuna a ŋakiro a ŋuna eira Ekapolon Akuj kon. Aŋun, kilip a ŋuna a ŋituŋa a ŋulu eriŋa idoŋito.”

Isa. 46:3

“Okoe ŋituŋa a ekal a Yakob, kiirasi ŋakiro kaŋ, iyes daadaŋ ŋipiya a ekal a Isirael, kiirasi ŋakiro kaŋ, kiirasi ŋakiro kaŋ iyes ŋulu abu ayoŋ ekedar ameun anapaki a ŋina ikidounere, iyes ŋulu abu ayoŋ okodak tari eriŋa iya nakookyes atatoto kus.

Isa. 6:13

Tari kidoŋ ituŋanan ipei alotooma ŋitomon nakwap earyo ŋini daŋ ikwaanikin iŋes ka apuŋure a ekwaakwaa, kori ŋina a ekuyon ŋina idoŋi kedaun ayepar ekitoe.” Apuŋure ŋin erae akisyakinet ŋina kitete ŋina a ŋituŋa a ŋulu ka Akuj.

Isa. 65:8

Alimu Ekapolon ŋakiro nu, “Ikwaŋina eryamunere ŋaraito a epiini eya lonene, ido temasi ŋituŋa, ‘Nyimunaasi, eriŋa ikes ejokak;’ Ikwaŋinapei aŋuna a ŋiketiyak kaŋ etiyae ayoŋ ŋun, nyamunyari ayoŋ ikes daadaŋ.

Yer. 23:14

Nai eŋolik ayoŋ alokadwarak a Yerusalem ibore ŋini ikitubuli akilo, ikinyomito ikes ŋakujo ŋace ka iwuapito ŋuna ka alyokonu, itogogoŋito ikes ŋuna itiyaete ŋikaronok, ikotere tomamukaun ituŋanan imyekini akitiya aronis. Ekwaanikin ikes daadaŋ aneni kaŋ ka ŋituŋa a Sodoma ka ikwaan ŋituŋa a Yerusalem ka ŋituŋa a Gomora.”

Yer. 42:2

neni a ekadwaran Yeremia, tolimokis iŋes temasi, “Kitiya ejok, topupok adyekitoi kosi, kilip neni a Ekapolon Akuj kon aŋuna kosi aŋuna a ŋipiya a lu a daadaŋ, anerae ikidoŋ isua ikirae ŋidikudyo bon, alotooma ŋikalalak, lopite ŋolo iteo iyoŋ.

Yer. 50:20

Alimu Ekapolon atemar alorwa a ŋul ka anapaki a ŋin, iwaryo asecit aneni a Ŋisirael, ido nyeryamunio, iwaryo asecit alotuŋa a Yudaya, ido nyeryamunio, anerae isyoni iyoŋ ŋipiya a ŋituŋa a ŋulu abu ayoŋ emyek nyeara.

Aum. 3:22

Nyedaun amina ke Ekapolon ŋina nyiryaŋiryaŋa, nyedaun akisyon keŋ;

Aum. 4:6

Esicani ŋituŋa kaŋ nooi, elo akisicanio kec tari ŋina a ŋituŋa a Sodoma; a etaun a ŋolo abu Akuj tomunya ŋituŋa keŋ atipei todaun ikaiunan.

Esek. 14:22

Tari keyakaun ŋul, epiyanun alo Yerusalem ŋituŋa ŋice, eyaunete ŋituŋa ŋul ŋidwe kec ŋulusapa ka ŋulupesur kiŋa etaun. Epote ikes neni kon Esekiel, ani iŋolikini iyoŋ ŋipitesyo ka ŋiticisyo kec, etikiun etau kon aŋuna iŋolikinia atemar iyookino akisicanet ŋina abu ayoŋ oyau Yerusalem, ikilimokinete iyoŋ ŋakisicaneta daadaŋ ŋuna etiya ayoŋ nen atemar iyookino ŋakiro ŋuna abunio ayoŋ esicania Yerusalem.

Esek. 6:8

“‘Nai apiyanuni ayoŋ ŋituŋa kus ŋidi. Ebucarosi ŋidi kus anatwanare a ŋina ikiaryata ŋakwapin iyes, ido ielaryo ŋul nakwapin.

Yoel 2:32

Nai ituŋanan daadaŋ ŋini enyarit ekiro ŋolo ke Ekapolon, eiunio; anerae eyakaun lomukura Sion ka Yerusalem ŋulu esiyete anakiro a ŋun, ikwapei alimunio Ekapolon, ido ŋice alokidiŋ ŋulu ideun, eruworosi ŋulu erae Ekapolon enyarae.”

Amos 4:11

“‘Abu ayoŋ okomunya iyes ŋice, lopite ŋolo abunio omunyarya ŋituŋa a Sodoma ka Gomora, iyes ŋulu ipotu toiunos anamunyaro, ikwaan iyes ka ŋakito elemunio anakim, nai ipotu iyes nyikiwa.

Abak. 3:2

Okoe Ekapolon, adau ayoŋ akiirar ŋuna ka arwonu kon, ido aumokinit ayoŋ aŋuna a ŋiticisyo kon. Kitiya tokona nabo alorwa kosi ŋun, kisileereu tokona nabo ŋiticisyo kon ŋul. Toyakaunor akisyon, tari anapaki a ŋina iŋoitor.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Mat. 7:14

Nai edidiŋ ekek ŋolo elosi nakiyar ka etyono erot ka ekudyoko ŋituŋa eryamunete.

Ŋirom. 9:27

Abu ekadwaran Isaya kisileereu ŋakiro a Ŋisirael tema, “Tari kelalak ŋituŋa ŋulu a Isirael ketya asinyon ŋina ka anam, ŋidikudyo bon eiunio;

Ŋirom. 9:29

Ikwaan ŋakiro ŋun ka ŋuna aris Isaya kedwar ebala, “Ani kerae nyikiesikinitor Ekapolon ŋolo etiron iwon ŋiletok ŋice, ketinen iwon kikikok Sodoma ka Gomora, ŋulu aponi kinyasunae.”

Ŋikis. 29:23

Iŋolikinete ikes ŋalup a akwap a ŋin ŋuna kenom keruwor esulpa ka acumbi, iŋolikinete emam ibore itakinitae, emam ibore erupunit, pa epedorito akitolomun ŋikito, ikwaan ka akinyasuno a Sodoma ka Gomora, Adama ka Seboim ŋitaunio ŋulu abu Ekapolon kinyasu anoŋoit keŋ a ŋina aryenyaan,

2 Pet. 2:6

Abu Akuj totubok ŋitaunio ŋulu a Sodoma ka Gomora, tomunya ikes ka akim, kituruwo akitaanyikinet neni a ŋulu eŋerito Akuj.

Akis. 11:8

ido topero ŋawat kec alorukude a ŋolo ke etaun a ŋol, neni ebubukinitoe Ekapolon kec. Isikwaanitae ekiro ŋolo ke etaun a ŋol ka Sodoma kori Ijipit.