Isa. 1:4 - Ebaibul

⁴ Ekaŋ iyes ŋituŋa a akwap a ŋina a ŋikasecak ŋituŋa ŋulu ileleba asecit, ŋiletok ŋulu itiyaete aronis 2ŋituŋa ŋulu itunaete ŋuluce. Aŋero ikes Ekapolon, aŋero ikes ŋolo Asegan ŋolo a Isirael ka amuleno Ekapolon.

Isa. 1:4 Iomraidhean Croise

Akisy. 13:13

Nai aneni ke Ekapolon, aroko ka arae ŋikasecak nooi ŋikilyok ŋulu alo Sodoma.

2 Ŋirw. 21:22

Abu iŋes toŋer Ekapolon, Akuj ŋina atapapaa keŋ, toesik akiwuapit ŋakiro keŋ.

2 Ŋakiro a ŋirwa 12:1

Kedau Reoboam akisicat apukan keŋ ka agogoŋior ikwapei erwosit a Yudaya, abu iŋes kaapei ka Ŋisirael daadaŋ toesikis akiwuapit ŋikisila ŋulu ke Ekapolon.

2 Ŋakiro a ŋirwa 27:2

Abu Yosam kitiya ŋuna etalakarito Ekapolon, lopite ŋolopei etiyator papa keŋ Usia, nai nyelomara Yosam Kai ka Akuj akicuny ekinyate lopite ŋolo etiyator papa keŋ. Tari pa kitiyat Yosam ŋun, apotu ŋituŋa torubakis itiyaete ŋuna aronok.

Neem. 1:7

Ikitoŋoi isua iyoŋ nooi aŋuna pa ewuapere ŋakiciketa, ŋikisila ka ŋakiro ŋuna itubunit iyoŋ, ŋakiro ŋuna ibu iyoŋ kicik eketiyan kon Moses.

Ŋikiru. 58:3

Ibatanarosi ŋulu aronok eriŋa epotiyo edyakanarete ikes ŋinapei idounere, elyokoko.

Ŋikiru. 71:22

Ekepuri daŋ ayoŋ iyoŋ arami aduŋgu aŋuna ka akikinyoma kon okoe Akuj kaŋ, aeikini ayoŋ ekipur neni kon arami agita, okoe iyoŋ ŋina asegan, Akuj a Isirael.

Ŋikiru. 78:40

Apotu ikes toŋero Akuj ŋapakio ŋuna alalak analoŋisat, apotu kitoŋoa Akuj ŋapakio ŋuna alalak analoŋisat.

Ŋikiru. 78:41

Apotu ikes toboŋonokis akitem Akuj, kitoŋoa Akuj ŋina Asegan, ŋina a Ŋisirael.

Ŋikiru. 78:57

Apotu ikes nyitopoloosi Akuj ka nyenupa neni ka Akuj ikwapei atapapaa kec, apotu ikes toruwor ŋulu pa ekinyomit Akuj kikokis akau a ŋikaleŋeleŋe ŋina emagul.

Ŋikiru. 78:8

Nyikwaanikinosi ikes ka atapapaa kec, anyamet ŋina a ŋasyanisya ka ŋikaŋerok, ŋulu pa etopoloorito Akuj alotai kec, ŋulu pa ekinyomito Akuj alotai kec.

Ŋikiru. 89:18

anerae neni kon Ekapolon eryamunere isua aiuno. Iyoŋ Akuj ŋina asegan, ŋina a Ŋisirael irae erwosit kosi.

Awos. 32:7

Tema nai Ekapolon neni a Moses, “Kionyak atipei totiyaar kwap! Adaut ŋituŋa kon ŋulu ibu iyoŋ kitipeunio anakwap a Ijipit akisec ka akiŋer ayoŋ.

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Isa. 1:28

Nai emunyaryo ŋikaŋerok ka ŋikasecak kaapei, ido etwakete ŋulu aesikis Ekapolon.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 14:20

Nyepote ŋituŋa nalyal kon akinuk iyoŋ, anerae ibu iyoŋ kinyasu akwap kon ibu iyoŋ toar ŋituŋa kon. Elipi nyenyarae ŋiletok a ŋirorwa a ŋituŋa a ŋulu apotu kitiyata aronis.

Isa. 29:19

Eryamunete ŋulu iyapara alelyanu ŋina kitete aneni ke Ekapolon ka itopoloorete ŋulu eyakatar akiitanit alotuŋa a Ekapolon Akuj ŋina a Isirael ŋina asegan;

Isa. 3:8

Kire, iteriterosi ŋituŋa a Yerusalem ka ebusokin ŋituŋa a Yudaya, anerae ŋakiro ŋuna irworosi ka ŋuna itiyaete ikes, erae aŋuna ka aŋeryo ka aremokinor apolou ŋina a Ekapolon!

Isa. 30:1

Irworo Ekapolon ebala, “Okoe iyes ŋidwe ŋulu aŋerok, ŋulu eyeete ŋakiro, nai meere ŋuna kaŋ, iyes ŋulu icamununosi, nai anakimanit ŋuna acamit ayoŋ;

Isa. 30:15

Irworo Ekapolon Akuj ŋina asegan ŋina Isirael ŋakiro nu, “Ani kerae toboŋunito iyes neni kaŋ, toryamunito akieŋun, kiuna; ani kerae kiapara iyes aneni kaŋ, ikikinyoma ayoŋ, kiryamunito agogoŋu.” Nai ipotu iyes nyicamut ŋun,

Isa. 30:9

anerae erae ikes ŋituŋa ŋulu aŋerok, ŋidwe ŋulu emam akikinyomit eyakatar, ŋidwe ŋulu nyepupete ŋakiro ŋuna itatami Ekapolon,

Isa. 31:2

Toyenete rika atemar eos Ekapolon ka eyauni ŋican, nyeesyanakini ŋakiro ŋuna elimuni, nai eremokin ŋikalya a ŋulu itiyaete aronis ka eremokin ŋikeŋarakinitok a ŋulu asecak.

Isa. 37:23

“Ŋae mono ijamuwa ka iyany iyoŋ? Ŋae mono icelanakini iyoŋ iremokino? Ŋae mono ite iyoŋ irae ŋolo itopolooro bon nooi? Itiya iyoŋ ŋun iremokino Akuj ŋina asegan ŋina a Ŋisirael.

Isa. 41:14

“Iyes ŋituŋa a Yakob ŋulu ipalag, nyikuryaketa, iyes ŋituŋa a Isirael ŋulu ikudyoko, nyikuryaketa. Ekeŋarakini ayoŋ iyes, Akuj ŋina asegan ŋina a Isirael iŋes erae akalakunan kus.

Isa. 41:16

ipyetarete iyes ikes, ido tokuta ekuwuam nariet ka kiela ikes ekuwuam ŋolo ekusi nooi. Ipote nai iyes alelyan aneni ke Ekapolon; ipote nai iyes akipuro Akuj ŋina asegan ŋina a Isirael.

Isa. 41:20

ikotere iŋolikinete daadaŋ ka toyenut; ikotere etamatamaete ŋituŋa daadaŋ ka toyenut atemar Ekapolon etiya ŋun a apedor keŋ ka eyenunete atemar, Akuj ŋina asegan ŋina a Isirael iŋes emyek ŋun itiyakin.”

Isa. 5:19

iyes ŋulu ibasi, “Kimyekisi Ekapolon kiburuburak akitiya etic keŋ, ikotere isua ikiŋolikini, kimyekisi ŋakiro ŋuna eye Ekapolon Akuj ŋina Asegan ŋina a Isirael kitiyakin atipei, ikotere isua ikiyenuni!”

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Isa. 57:17

Abu ayoŋ oŋo aŋuna a ekibure kec a ŋolo ka asecit; abu ayoŋ esican ikes, oŋop ka oŋo, nai apotu ikes torubakis iwuapito ŋuna kec a ŋilopeyek.

Isa. 58:2

Kikote neni daŋ, ekewarito ikes ayoŋ a ŋinakoloŋit etakanete esibit iwarito akiwuap acamit kaŋ, esibito ŋituŋa ŋulu itiyaete ŋuna iyookino ka ŋulu nyeŋero akiwuap ŋakiro ŋuna etubunit Akuj kec, iŋitasi ikes aneni kaŋ aryamun akitub ŋakiro anakiyookino, emaikina ikes aponare diyete Akuj.”

Isa. 65:11

Nai ani eruwor iyes ŋulu iŋerito Ekapolon, ŋulu ikimuryak emoru kaŋ ŋolo asegan iyes ŋulu ilipete neni a ŋakujo ŋuna a ŋabaatyo ka ŋuna a ŋakiro a ŋuna etakanunete,

Isa. 65:3

a ŋituŋa a ŋulu erubakinito itiyaete aronis alokiŋaren kaŋ, a ŋulu earete ŋamuronisya alomanikorin ka einanakinete ekinyate namatapali;

Isa. 9:17

Ŋakiro ŋun abunio Ekapolon nyisyon ŋisorok kec, kori nyisyonik ŋikokyok ka ŋapesur alotuŋa a ŋul, anerae pa ewuapito ŋituŋa daadaŋ ŋuna ka Akuj ka arae ŋulu etiyaete ŋuna aronok, erworosi ŋituŋa daadaŋ ŋakiro ŋuna ka abaŋao. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Yer. 15:6

Ikiŋero iyes ayoŋ, iboŋete iyes kaku. Aŋun, adau ayoŋ akisican ka amunyar iyes, anerae akaup ayoŋ akidaŋidaŋ ŋakiro kus.

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:17

Ŋisirael, meere mono iyes iyaunete ŋakiro ŋun nawat kus aŋuna iesikiniata Ekapolon Akuj kus, apaki ŋina ikirikitor iŋes iyes kiwuapa iŋes a?

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Yer. 2:33

“Ipiiryaka iyes anakiwarit ŋulu iminasi. Alopite a ŋol, itatama iyes tari ŋaberu ŋuna esyaak ŋipitesyo kus.

Yer. 2:5

Ŋakiro ŋuna iruworo Ekapolon ikes nu, “Anironis apotu atapapaa kus toryamut aneni kaŋ, ŋina abu inak ikes aekar aneni kaŋ, ido toloto akiwuapit ŋiboro ŋulucaryo, toruworos ikes daŋ ŋicaryo?

Yer. 32:32

aŋuna a ŋiticisyo a ŋulu aronok a ŋulu itiyaete ŋituŋa a Isirael ka ŋituŋa a Yudaya, ŋiticisyo ŋulu eketoŋoeta ikes ayoŋ, ŋulu apotu ikes kaapei ka ŋirwosi ŋikapolok, ŋisacaradotin, ŋikadwarak ka ŋituŋa ŋulu iboiyete a lo Yudaya ka ŋulu iboiyete alo Yerusalem.

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Yer. 51:5

Nyimyekina Akuj kec Ekapolon ŋolo a ŋajoresyo ŋituŋa a Isirael ka ŋituŋa a Yudaya. Tari kelalak anakwap kec ŋasecisya alokiŋaren ŋolo asegan ŋolo a Isirael.

Yer. 7:19

Ayoŋ mono eketoŋoete ikes a? Meere mono ikes pei ikotere ewanatar make a?

Yer. 7:26

nai nyepupokina ikes ŋakiro kaŋ, kori nyemitakina, nai apotu kitogogoŋo ŋakyes kec. Apotu ikes kitiyata ŋuna aronok nooi akilo ŋuna apotu atapapaa kec kitiyata.

Esek. 14:5

Etiyae ayoŋ ŋun, ikotere enyakuni ŋitai a ŋituŋa kaŋ a Ŋisirael neni kaŋ, ŋituŋa kaŋ ŋulu akaesikis ayoŋ daadaŋ, ŋulu alot neni a ŋakujo.’

Esek. 16:33

Einanakinio ŋamalaae daadaŋ ŋisiliŋa, nai ibu inak ŋisiliŋa kon neni a daadaŋ a ŋulu ibu iyoŋ tominak. Ibu iyoŋ kiluŋuluŋia ikes, ikotere epote neni kon anakiboisyo a daadaŋ tomalaana ka iyoŋ.

Esek. 16:45

Irae iyoŋ kire jik nakoku a toto kon, a ŋina abu tojamuwa lokile keŋ ka ŋidwe keŋ, iyoŋ bon irae nakaato ŋina a kire anakaitotoi kon a ŋuna apotu tojamuwasi ŋikilyok kec ka ŋidwe kec. Arae toto kon Aititait ka arae papa kon Emorait.

Dan. 9:11

“Abila ŋituŋa ŋulu a Isirael daadaŋ ŋikisila kon ka aŋero akiwuap ŋakiro kon, awout akiwuap ŋakiro ŋuna irworo iyoŋ, apotu neni kosi ŋilam ŋulu igiritae lokitaabo ŋolo a ŋikisila a Moses a eketiyan a ŋolo ka Akuj, anerae ikisec isua aneni kon!

Sepan. 1:6

Amunyari ayoŋ ŋulu aŋero akiwuapit Ekapolon, ŋulu nyiwarito Ekapolon, kori nyiŋitasi iŋes ibore idio.”

Ekim. 32:14

Iyes tokona lu, iyes ŋulu irae atukot a ŋikasecak, ilunyokinosi neni atapapa kus akiyatakin anyunyura a Ekapolon neni a Ŋisirael.

Mat. 11:28

“Potu neni kaŋ iyes daadaŋ ŋulu ikiupit aloticisyo kus ka aŋuna ka akiwokit ŋigogoso; ekesieŋuni ayoŋ iyes.

Mat. 23:33

Iyes ŋulu aronok ŋulu ikote ŋapomia, ikokinete iyes ibucarosi anatubokino ka anakim a ŋina nyeduŋe ai?

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Ŋirom. 8:7

Aŋun, ituŋanan ŋini ipukato ŋipitesyo ŋulu ka aseconu, erae iŋes emoit ŋolo ka Akuj; anerae nyiwuapit iŋes ekisil ŋolo ka Akuj, kori daŋ nyepedori jik akiwuap.

1 Ŋikor. 10:22

Ikicamit mono iwon akitoŋo Ekapolon a? Ikigogoŋ mono iwon akilo Akuj a?

Ŋikis. 29:25

Iboŋokinete ikes ŋakiŋiseta ŋun temasi, ‘Erae ŋun anerae apotu ikes toŋero acamunet ŋina ke Ekapolon Akuj atapapaa kec, acamunet ŋina abu iŋes tocamunotor ka ikes apaki ŋina ayaunia iŋes ikes anakwap a Ijipit.

Ŋikis. 31:16

Kirwor Ekapolon neni a Moses tema, “Alotooma apaki ŋina ewuruana, itwani iyoŋ ikwapei atapapaa kon. Egeikinete nai ŋituŋa lu akilip neni a ŋakujo a ŋunagelae a ŋuna eyakasi kidiŋ kec, ŋakujo a akwap a ŋina elosete ikes alomar, akeŋerete ikes ayoŋ, nyiwuapete acamunet kaŋ ŋina ikicamunor ayoŋ ka ikes.

Ŋikis. 32:19

Abu Ekapolon kiŋolik ŋakiro ŋun, ido tolili, toŋer ŋidwe keŋ ŋulusapa ka ŋulupesur.

Ŋikis. 32:5

Nai etiyata ŋidwe keŋ ŋulu esyaak ŋuna nyejokak neni keŋ, erae ikes anyamet ŋina aronon ka ŋina enyasan.

Ŋikol. 1:24

Tokona, alakara ayoŋ aŋuna a ŋican a ŋulu aryamunit ayoŋ aŋuna kus, anerae alotooma ŋican ŋulu ka akuwan kaŋ, eŋarakinit ayoŋ akirikakin ŋuna ariŋa nyirikakina alocan a Kristo aŋuna a Ŋikristo, a ŋulu eraakasi akuwan keŋ.

Akis. 18:5

Anerae alalata ŋasecisya keŋ, edyatakin adol tari nakuj, etamunit daŋ Akuj ŋiticisyo keŋ ŋulu aronok.

Ŋikat. 10:10

Aŋun, apotu Ŋisirael kigworokis Ekapolon temasi, “Ikisec isua alokiŋaren kon aŋuna aŋerere isua Akuj kosi, ido alosi akilip neni ata Baal.”