Isa. 1:31 - Ebaibul

³¹ Ikwaanikinosi ŋikagogoŋok ka ŋanya ŋuna aonok, enepunete ŋiticisyo kec ikwa ekatyenyityenyit, icunyaryo ikes kaapei ka ŋiticisyo kec ŋulu aronok; emamukaun ŋini itojoŋoe ikes akinom.’ ”

Isa. 1:31 Iomraidhean Croise

Isa. 24:6

Aŋun, amunyasi ŋilam akwap, aryamut ŋituŋa ŋulu iboiyete anakwap ekaile ŋolo ka asecit; aŋun, adaun ŋituŋa anakwap edoŋ ŋidikudyo.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 27:4

mam anyunyura eyai neni kaŋ. Ani nai kelomu amoni ŋina a ŋikukwa alomanikor a ŋol, alosi ayoŋ nen akitijikin ikes, ecunya ikes daadaŋ a akim.

Isa. 33:11

Iyeete iyes ŋakiro ŋuna erae ŋacaryo ŋuna ikwaan ka ŋamilo, itiyaete iyes ŋakiro ŋuna edaunosi ikwa ŋinya; erae ekieŋanu kus akim ŋina ikinomiyari iyes.

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Isa. 4:4

Ani kedau Ekapolon akitesegun ŋaberu ŋuna a Sion anasiilyo kec, italeuni ikes anakiar ŋituŋa alo Yerusalem. Italeuni iŋes ikes a etau a ŋolo etubere ŋakiro ka a etau a ŋolo ka akim.

Isa. 43:17

Ekapolon ŋolo abu toriko amunyar ŋagaari ka ŋaŋolei, ŋasigarya ka ŋikajiok; eperete ikes alokwap, nyeriŋa eyarunete, adaun ikes akitoŋopiyar jik, adaun akituduŋere ikwa ausi ŋina enoki.

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Isa. 50:11

Nai irae iyes daadaŋ ŋulu itukosi amunyar ŋuluce, ikimunyarete iyes ŋakiro ŋunapei itukete iyes ŋikulepek. Ŋakiro nu ikes iryamunete aneni kaŋ a Ekapolon; iperete iyes irae ŋulu ikisicanitae nooi.

Isa. 66:17

Ŋituŋa ŋulu italeosi ka itesegasi aŋuna ka alosit akilip neni a ŋakujo alomanikorin, ŋulu elosete erae ŋikewuapak a ŋolo isilipi ikes neni a ŋakujo, ŋulu enyamete akiriŋ a ŋiguruyei ka ŋamuja ŋuna itoroniyaritae ta ŋisolimae, emunyaryo daadaŋ kaapei.

Isa. 66:24

Tosodi elomarete ikes kiŋa kiŋolikis ŋawat a ŋituŋa a ŋulu etwakito a ŋulu apotu okoŋero ayoŋ, anerae nyetwakete ŋikur ŋulu enyamete ikes ka nyituduŋeo akim kec, eruworosi nai ikes ŋulu eŋerer alotuŋa a daadaŋ.”

Isa. 9:19

Aŋuna ka aŋoit a Ekapolon a ŋolo a ŋajoresyo, abu akim tonomiya akwap, kikwaanikin ŋituŋa ka ŋakito ŋuna inokere akim, mam ituŋanan abu toesik ŋinice.

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Esek. 32:21

Etemarete ŋikarikok ŋulu a agogoŋok ŋulu eya nakibois a ŋikatwak neni a Ijipit ka neni a ŋulu ariitoror Ijipit ebe, ‘Apotu ikes daŋ nakibois a ŋikatwak, eperete kaapei ka ŋulu nyenupito neni ka Akuj ŋulu aponi toarae a ekileŋ.’

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Mat. 3:10

Edikino aep iteli ŋikito anataagor; ekitoe daadaŋ ŋolo nyeraii ŋaraito ŋuna ajokak, itelunio tocakakinae nakim.

Mat. 3:12

Eyakar iŋes nakan keŋ erite ikotere epyetarya ŋikeemomwa ejok analos, tocunak lodulae keŋ, kicunyak nai ŋatunyeny anakim a ŋina nyeduŋe.”

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Akis. 20:10

Aponi kimasakinae Satan ŋolo amodikini ikes nanam ŋina ka akim ka ŋina a Sulpa neni aris kimasakin etyaŋ ka ekadwaran ŋolo alyokonon; isicanio ikes apaaran ka akuwar ŋikaru ka ŋikaru.

Ŋikat. 15:14

Ani edoluni Samuson Lei, potu Ŋipilistin akisiryam iŋes ecelasi, atipei toloma etau ŋolo ke Ekapolon neni a Samuson, tosubut ŋaunoi ŋuna aenitere ŋakan keŋ ausi ŋina anom akim, totubutuboor ŋaunoi anakan keŋ.