Isa. 1:28 - Ebaibul

²⁸ Nai emunyaryo ŋikaŋerok ka ŋikasecak kaapei, ido etwakete ŋulu aesikis Ekapolon.

Isa. 1:28 Iomraidhean Croise

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

2 Ŋakiro a ŋirwa 21:10

Aŋun, eriŋa ŋituŋa ke Edom eŋerito atemar kipuka Yudaya akwap kec. Ŋituŋa a Libina daŋ toŋero ŋirwa ŋulupei atemar kipuka ikes erwosit a Yudaya, anerae kebu Yeoram toŋer Ekapolon Akuj atapapaa keŋ.

2 Ŋakiro a ŋirwa 28:23

Abu inak ŋamuronisya neni a ŋakujo a Damasko a ŋuna apotu kilout iŋes, ido abu tema, “Aŋuna aponiata ŋakujo a ŋirwosi ka Aram ka Asiriya kiŋarakis ŋirwosi ka Aram, ainakini ayoŋ ikes ŋamuronisya, ikotere ekeŋarakis ayoŋ.” Nai apotu ŋakiro ŋun yaut ŋican neni ka Aas ka neni a ŋituŋa keŋ daadaŋ.

2 Ŋakiro a ŋirwa 28:6

Alotooma apeikoloŋit bon, abu Peka lokoku a Remalia toar ŋasigarya a Yudaya ŋuna adedeŋak ŋalipyo amiat ka ŋatomoniarei, anerae kepotu ŋituŋa a Yudaya toŋero Ekapolon Akuj atapapaa kec.

Yob 31:3

Nyeryamununeete mono ŋituŋa ŋulu nyiyookino ŋican a? Nyeryamununeete mono ŋituŋa ŋulu itiyaete aronis akisicanio a?

Yob 34:26

Eari Akuj ikes aŋuna ka aronis kec eari Akuj ikes iteete ŋituŋa,

Yob 34:27

anerae apotu ikes toŋero akiwuapit ŋuna ka Akuj ka aŋuna aponiata nyemitakis akiwuapit ŋadi ŋuna ka Akuj.

Ŋikiru. 1:6

anerae idarit ka iyokit Ekapolon ŋulu iyookino, nai etwakiyarete ŋulu aronok.

Ŋikiru. 104:35

Nai elipi tomunyarae ŋikasecak anakwap; todaunos anakwap ŋulu aronok! Kipur Ekapolon, okoe etau kaŋ. Kipuroe Ekapolon!

Ŋikiru. 125:5

Nai kisican iyoŋ ŋulu aronok, kisican daŋ ŋulu emyekis akiwuapit ŋuna ibala iyoŋ. Toyai ekisil Isirael.

Ŋikiru. 37:38

nai emunyaryo ŋikasecak daadaŋ; emunyaryo ŋulu aronok tojoŋoto ayakau.

Ŋikiru. 5:6

Imunyanari iyoŋ ŋulu irworosi alyokonu; iŋerit iyoŋ Ekapolon ŋulu ebobokinit akiar ŋuluce ka ŋikalyokonok.

Ŋikiru. 73:27

Kire jik, edaunosi ŋulu ikiŋerito iyoŋ, imunyari iyoŋ ŋulu nyiwuapito ŋakiro kon.

Ŋikiru. 9:5

Idau iyoŋ akitoŋooiyar ŋituŋa a ŋakwapin ka idau amunyar ŋulu aronok; ituruwo iyoŋ ikes ŋulu nyetamunio ŋikaru ka ŋikaru.

Ŋikiru. 92:9

Okoe Ekapolon ikiyeni isua atemar emunyaryo ŋimoe kon, ielaryo daadaŋ ŋulu itiyaete aronis.

Ŋakit. 29:1

Ituŋanan ŋini erubakinit isyaana tari kelimokin atemar toesik akisyaanu, ewana akoloŋit apei todaun tari epite ŋolokitaŋaleunet.

Isa. 1:4

Ekaŋ iyes ŋituŋa a akwap a ŋina a ŋikasecak ŋituŋa ŋulu ileleba asecit, ŋiletok ŋulu itiyaete aronis 2ŋituŋa ŋulu itunaete ŋuluce. Aŋero ikes Ekapolon, aŋero ikes ŋolo Asegan ŋolo a Isirael ka amuleno Ekapolon.

Isa. 24:20

Iteritero akwap lopite ŋolo iteriteror ituŋanan ŋini emera, ido iyaŋiyaŋa lopite ŋolo iyaŋiyaŋar akai aŋanya iloiloi ekuwuam ŋolo agogoŋon, enuwakin ŋasecisya nooi nakwap, ido imasar ka nyeteni nabo.

Isa. 30:13

aŋun, ikokini asecit ŋin aneni kus akabaat ŋina eyai narwatata ŋina aoyan, akabaat ŋina enya, ŋina eapi aritaar arwatata, toritakin atipei alotooma apaki ŋina euruwuana.

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Isa. 50:11

Nai irae iyes daadaŋ ŋulu itukosi amunyar ŋuluce, ikimunyarete iyes ŋakiro ŋunapei itukete iyes ŋikulepek. Ŋakiro nu ikes iryamunete aneni kaŋ a Ekapolon; iperete iyes irae ŋulu ikisicanitae nooi.

Isa. 58:2

Kikote neni daŋ, ekewarito ikes ayoŋ a ŋinakoloŋit etakanete esibit iwarito akiwuap acamit kaŋ, esibito ŋituŋa ŋulu itiyaete ŋuna iyookino ka ŋulu nyeŋero akiwuap ŋakiro ŋuna etubunit Akuj kec, iŋitasi ikes aneni kaŋ aryamun akitub ŋakiro anakiyookino, emaikina ikes aponare diyete Akuj.”

Isa. 64:6

Ikikwaanikin tokona isua ka ituŋanan ŋini nyeseg, ekwaanikin ŋiticisyo kosi ŋulu iyookino daadaŋ ka elou ŋolo eoŋoryana. Ikiiniya isua ikwa ŋakwii, ikiwokosi isua ŋasecisya kosi ikwa ekuwuam iwokori ibore.

Isa. 65:11

Nai ani eruwor iyes ŋulu iŋerito Ekapolon, ŋulu ikimuryak emoru kaŋ ŋolo asegan iyes ŋulu ilipete neni a ŋakujo ŋuna a ŋabaatyo ka ŋuna a ŋakiro a ŋuna etakanunete,

Isa. 66:17

Ŋituŋa ŋulu italeosi ka itesegasi aŋuna ka alosit akilip neni a ŋakujo alomanikorin, ŋulu elosete erae ŋikewuapak a ŋolo isilipi ikes neni a ŋakujo, ŋulu enyamete akiriŋ a ŋiguruyei ka ŋamuja ŋuna itoroniyaritae ta ŋisolimae, emunyaryo daadaŋ kaapei.

Isa. 66:24

Tosodi elomarete ikes kiŋa kiŋolikis ŋawat a ŋituŋa a ŋulu etwakito a ŋulu apotu okoŋero ayoŋ, anerae nyetwakete ŋikur ŋulu enyamete ikes ka nyituduŋeo akim kec, eruworosi nai ikes ŋulu eŋerer alotuŋa a daadaŋ.”

Yer. 17:13

Okoe Ekapolon! okoe akigeno a Isirael! Irumete ŋileec daadaŋ ŋulu ikiŋerito iyoŋ; imarakinio daadaŋ ŋulu ikiŋerete iyoŋ nakibois ŋina a ŋikatwak, anerae aŋero ikes eitanit a ŋakipi a ŋuna ka akiyar, iŋes Ekapolon.”

Yer. 44:12

Amunyari ayoŋ ŋipiya a Yudaya daadaŋ ŋulu imukekinito alosit nakwap a Ijipit, akiboi a ina, etwakete ikes daadaŋ anakwap a Ijipit a ekileŋ ka akoro, ameun a ŋulucaryo tari ŋulu itopolooritae etwakete ikes a ekileŋ ka a akoro, ejamuwarete ŋituŋa ikes ka iyanyio ŋituŋa isitiyao ekiro kec, ituruworyo ekiro kec ŋolo icenere ŋuluce ka ŋolo inyasere ŋuluce.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

2 Pet. 3:7

Nai nakuj ka akwap ŋuna eyakasi tokona iŋadakinitae alotooma akirot ŋinapei ka Akuj. Iŋadakinitae ikes akitodol Akoloŋit ŋina ka atubokino, ikotere inyasunio anakim, kaapei ka ŋituŋa ŋulu eŋerito Akuj.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

1 Sam. 12:25

Nai ani kirubakis iyes itiyaete aronis, ikimunyaryo iyes kaapei ka erwosit kus.”