Esta 9:19 - Ebaibul

¹⁹ Ŋakiro ŋun nai ecunanakinotor Ŋiyudayan ŋulu iboiyete alorerya ŋirwa ke elap ŋitomon ka ŋiomwon elap ŋolo ka Adar; ituruworitor akoloŋit ŋin ŋina ka alelyan, ŋina a ŋasuban, akoloŋit ŋina ajokan ŋina einanakinere make ŋainakineta.

Esta 9:19 Iomraidhean Croise

Esta 8:17

Alotooma ŋinakwap daadaŋ ka ŋolotaun daadaŋ neni aponi tolimokinae akirot a erwosit ka ekisil ŋolo abu iŋes kitutub, apotu Ŋiyudayan tolelyana ka tolakaros. Kiwuanakis ŋasuban ka kieŋut aloticisyo. Kibelekinos ŋituŋa ka akwap a ŋin ŋulu alalak toruwor Ŋiyudayan, anerae apotu ikes tokuryaketa aŋuna a Ŋiyudayan.

Esta 9:20

Abu Moridekai kigir ŋakiro ŋun. Kiyakiya ŋabaruwae neni a Ŋiyudayan daadaŋ a ŋulu ayakasi nakwapin ŋuna epukat erwosit Ausero; nakwapin ŋuna aapiyete ka ŋuna alwanak;

Esta 9:22

Totamunito ŋirwa ŋul erae ŋirwa ŋulu eeŋuniata Ŋiyudayan alomoe kec ka elap ŋol erae elap ŋolo aryamuniata ikes alelyan akilo akiyaloloŋ, akieŋun akilo akigworo. Amaikina ikes kituruwosi ŋirwa ŋul ŋulu ka alelyan ka ŋulu a ŋasuban, ŋirwa ŋulu einanakinere make ŋainakineta ŋuna a ŋamuja ka ŋulu einanakinere ŋainakineta neni a ŋikulyak.

Sakar 2:4

Tema neni keŋ, “Tomotun, tolimok esorokit ŋol ŋolo eyakar akipimet ebe, ‘Ebala Ekapolon, eruwor Yerusalem etaun ŋolo emam ŋarwatatain aŋuna alalauniata nooi ŋituŋa keŋ ka ŋibaren keŋ.

Luk. 11:41

Nai inakisi ŋiboro ŋulu eya tooma kus lokulyak, ikotere tosegyar ibore daadaŋ aneni kus.

Ŋikis. 15:7

Ani keyai alokidiŋ kus ituŋanan ŋini iitanit idiobore, ituŋanan idio alotooma atukot kus, alotaun kus ka anakwap a ŋina ikiinakini iyes Ekapolon Akuj kus, nyiraakasi ŋituŋa ŋulu imini, kori ibunito ŋakan aneni a ikidunyet kus a ŋini eyakar akiitanit.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 16:14

Tolelyana anasuban kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi, ŋigelaanotin, ŋikokyok ka ŋapuseru, ŋituŋa ŋulu iboiyete alotaunio kus.

Ŋikis. 3:5

Arae ŋul daadaŋ ŋitaunio ŋulu adukitoe ŋaduketa ŋunajiet ka awuatae a ŋarwatatain ŋuna aoyak, ayakatar ŋipukei ŋulu agolyo a ŋigolyata a ŋiarei ka ŋasuwa ŋuna elorere ŋipukei, aponi daŋ iwon kikamarae ŋirerya ŋulu alalak.

Akis. 11:10

Elakarosi ŋituŋa a ŋakwapin aŋuna ka atwanare a ŋuluarei a ŋul. Imomworete ikes ka kiyakiyanakinos ŋainakineta, anerae apotu ŋikadwarak ŋul yaut ŋican lotuŋa.

1 Sam. 25:8

Kiŋit iyoŋ ŋiketiyak kon a elope, ikilimokinete ikes iyoŋ. Aŋun, kitiya ŋuna ka arimao neni a ŋisorok kaŋ a ŋul, anerae aponi isua neni kon akoloŋit na ŋina a ŋasuban. Ekelipit ayoŋ iyoŋ inak ŋiketiyak kon ka Daudi lokoku kon ibore ca daadaŋ ŋini iyakar iyoŋ aŋuna a ŋiketiyak kon.’ ”