Esta 9:18 - Ebaibul

¹⁸ Nai apotu Ŋiyudayan ŋulu ayakasi Susa tocunakinos ŋirwa ka elap ŋitomon ka ŋiuni ta ŋirwa ka elap ŋitomon ka ŋiomwon. Ani edoli ŋirwa ka elap ŋitomon ka ŋikan, kieŋut; kituruwosi akoloŋit ŋin ŋina a ŋasuban ka alelyan.

Esta 9:18 Iomraidhean Croise

Esta 8:11

Anabaruwae a ŋun, abu erwosit tocamak Ŋiyudayan ŋulu aya ŋolotaun a nen acunakin tojieto aŋuna kec make. Amaikina ikes toara ka tomunyasi ajore a ŋulutuŋa daadaŋ itijikinete ikes kori ŋinakwap daadaŋ itijikini ikes. Amaikina ikes kitiyata ŋun neni a ŋidwe ka ŋaberu a ŋituŋa a ŋul ka toŋatasi ŋiboro a ŋituŋa a ŋul.

Esta 9:1

Ani edoli ŋirwa ka elap ŋitomon ka ŋiuni elap ŋolo a ŋitomon ka ŋiarei, iŋes elap ŋolo enyaritae Adar, aponi togeunae akitiya ŋuna a ekisil a ŋolo abu erwosit kitutub. Akoloŋit ŋin, atamete ŋimoe a Ŋiyudayan areun Ŋiyudayan, nai apotu Ŋiyudayan toreut ŋimoe kec ŋulu emanito ikes.

Esta 9:11

Akoloŋit ŋinapei, aponi tolimokinae erwosit ekimar a ŋituŋa a ŋulu aponi toarakinae kai ka apukan alo Susa.

Esta 9:13

Tema Esta, “Ani kilakar iyoŋ erwosit a ŋakiro a nu, ekelipit tocamak moi taparacu Ŋiyudayan ŋulu eya Susa kitiyata ŋuna ibu iyoŋ tocamak ikes akitiya nakoloŋit na. Tocamak ikes kinenekis ŋidwe ka Aman ŋulusapa ŋulutomon nakito.”

Esta 9:15

Tocunakin Ŋiyudayan ŋulu aya Susa daŋ ŋirwa ka elap ŋitomon ka ŋiomwon elap ŋolo ka Adar, toara ikes alo Susa ŋituŋa ŋamiae ŋauni. Nai apotu Ŋiyudayan nyeŋatasi ŋiboro a ŋituŋa a ŋul.

Esta 9:2

Tocunanakin Ŋiyudayan lotaunio kec ŋulu a ŋakwapin a daadaŋ a ŋuna epukat Ausero. Tocunanakin ikes nen etenito akitijiore ŋulu acamito akitiya aronis neni kec. Mam ituŋanan abu towoik akitijiore ikes, anerae aris ŋituŋa daadaŋ kekuryakyeta.

Esta 9:21

Alimokin ikes atamunit akitiya ŋasuban ŋirwa ka elap ŋitomon ka ŋiomwon ta ŋirwa ka elap ŋitomon ka ŋikan elap ŋolo ka Adar a ŋolokaru.