Esta 8:3 - Ebaibul

³ Todyek nabo Esta erwosit, toramakin nakejen a erwosit kigwor, kimaima erwosit alemar aronis ŋina abu Aman Egagitait toyeu akitiyakin ka ŋuna emanitor Ŋiyudayan.

Esta 8:3 Iomraidhean Croise

2 Ŋirw. 4:27

Ani edoluni iŋes lomoru Karimel neni ayai Elisa, totunakin iŋes nakejen ke Elisa. Kikomaiya Geasi ecamit akijukar iŋes aneni ke Elisa. Nai abu Elisa tolimok Geasi tema, “Toesik iŋes bon; anerae etakani esibit eyakasi ŋakiro ŋuna eriebete iŋes ŋuna nyelimokina Ekapolon ayoŋ. Mam ŋakiro akalimoki Ekapolon ayoŋ aŋuna keŋ.”

Esta 3:1

Kelunyar ŋun, abu erwosit Ausero kitopoloo Aman lokoku ka Amedasa a ŋolo arae Egagitait. Kitopoloo erwosit Aman akilo ŋikapolok ŋuluce daadaŋ ŋulu epukatotor iŋes.

Esta 7:4

Anerae ikigyelar isua, ayoŋ ka ŋituŋa kaŋ, ikotere ikiaryo ikimunyaryo todaunetei. Kerae bo itogyelaritetei isua aruwor ŋipi kori ŋapi daŋ kejok! Keliliŋiyarit ayoŋ ŋun alotau kaŋ. Nai nyinyakakini emoit kosi ŋol erwosit idio ibore aŋuna ka amunyaryo kosi a na.”

Esta 8:2

Abu nai erwosit tolemu ekaboboot keŋ ŋolo ka apolou ŋolo keris sek iŋes kelacu aneni ka Aman, ido abu inak Moridekai. Aŋun, abu Esta inak Moridekai apolokin akai ka Aman.

Esta 8:4

Kikeu nai erwosit aŋuna ke Esta ebela keŋ ŋolo ka apolou, ŋolo etiyaunitae a egolid, tonyou Esta towo alokiŋaren erwosit.

Isa. 38:2

Toboboŋiyo Esekia narwatata kilip neni ke Ekapolon tema,

Osea 12:4

Abu Yakob kisilek emalaika tari ŋina elounia, abu kigwor, kiŋit emalaika akiterereŋ iŋes. Abu Yakob kiryamunos ka Akuj ka kirworo ka iŋes alo Besel.

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

1 Sam. 25:24

Toryedik anakejen a Daudi tema, “Ekapolon kaŋ, kimyek aronis daadaŋ toruwor ŋina kaŋ. Kimyekinae ayoŋ aketiyan kon erworik neni kon; tocamu akiirar ŋuna alimuni ayoŋ aketiyan kon.