Esta 8:11 - Ebaibul

¹¹ Anabaruwae a ŋun, abu erwosit tocamak Ŋiyudayan ŋulu aya ŋolotaun a nen acunakin tojieto aŋuna kec make. Amaikina ikes toara ka tomunyasi ajore a ŋulutuŋa daadaŋ itijikinete ikes kori ŋinakwap daadaŋ itijikini ikes. Amaikina ikes kitiyata ŋun neni a ŋidwe ka ŋaberu a ŋituŋa a ŋul ka toŋatasi ŋiboro a ŋituŋa a ŋul.

Esta 8:11 Iomraidhean Croise

Esta 3:13

Inakinae ŋabaruwae ŋun neni a ŋikapiranak toemyata nakwapin ŋuna epukat erwosit daadaŋ, ikotere tomunaarae, toarae ka tomunyarae Ŋiyudayan daadaŋ; ŋulu cicik ka ŋulu apolok, ŋaberu ka ŋidwe alotooma akoloŋit apei bon. Akoloŋit ŋin iŋes ŋirwa ke elap ŋitomon ka ŋiuni elap ŋolo ŋitomon ka ŋiarei, ŋolo enyaritae Adar, ido etemokino toŋatarae ŋiboro a Ŋiyudayan akoloŋit ŋin.

Esta 9:18

Nai apotu Ŋiyudayan ŋulu ayakasi Susa tocunakinos ŋirwa ka elap ŋitomon ka ŋiuni ta ŋirwa ka elap ŋitomon ka ŋiomwon. Ani edoli ŋirwa ka elap ŋitomon ka ŋikan, kieŋut; kituruwosi akoloŋit ŋin ŋina a ŋasuban ka alelyan.

Ŋikiru. 137:8

Okoe ŋituŋa a Babilon! Iyes ŋikenyasak! Elakar ŋituŋa ŋulu inyaŋarete ŋakiro kus ŋuna ipotu iyes kitiya neni kosi.

Ŋikiru. 68:3

Nai kimyek ŋulu iyookino tolelyana; kimyek ikes tolakaros alokiŋaren kon Akuj; kimyek ikes tolakaros ka tolelyana.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Esek. 39:10

Nyemitakinete ikes akikeyen ŋakito anariet, kori akiyep ŋikito ŋidi anamoni aŋuna a ŋakito, anerae inokete ŋakimya kec a ŋiboro a ŋulujiet. Eŋatarete ikes ŋiboro a ŋituŋa a ŋulu apotu toŋatasi ŋiboro kec ka elemarete ikes ŋiboro a ŋituŋa a ŋulu apotu tolemasi ŋiboro kec.”