Esta 7:9 - Ebaibul

⁹ Ayai Aribona nen, epei a ŋikolupae a ŋulu eteete erwosit, kirworik iŋes alokiŋaren erwosit tema, “Kiirasi ŋace nu, ewuasi alokai ka Aman ŋakito ŋuna ecamit iŋes akinenekin Moridekai ŋolo abu tolimok erwosit ŋakiro ŋuna ajokak. Erae aoyau a ŋakito a ŋun ŋimitae ŋatomoniarei ka ŋiuni anyoun alokwap.” Tema erwosit, “Kinenekisi Aman nakito ŋun.”

Esta 7:9 Iomraidhean Croise

2 Ŋirw. 9:32

Kirereo Yeu lodirisa tocelu tema, “Ŋae eriit lowae kaŋ?” Apotu ŋikolupanotin ŋiuni ŋulu etiyaete kai ŋina ke erwosit toripuut alodirisa kitekis iŋes alokiŋa.

Esta 1:10

Ani edolete ŋirwa ŋikanikaarei, apaki ŋina ayakar erwosit nalakara aŋuna amasya epiini, tolimok iŋes Mekuman, Bisita, Karibona, Bigita, Abagita ka Setar ta Karikas ŋulukanikaarei ŋulu arae ŋikolupae ŋulu eteete iŋes atemar,

Esta 5:14

Temasi nai Seres aberu ka Aman ka ŋikonei ka Aman daadaŋ, “Kitudukok ŋituŋa ŋipirin ŋiarei ŋulu edoli aoyau kec alokidiama ŋimitae ŋatomoniarei ka ŋiuni, kiriwokinae apeeta alokidiama. Ani moi taparacu tolimok erwosit kinenekinoe Moridekai napeeta a ŋipirin a ŋul; toloto nai iyoŋ ka erwosit nasuban elakara etau.” Tolakar Aman a ŋakiro a ŋun, kitudukok ŋituŋa ŋakito ŋun.

Esta 6:14

Ani eriŋa ikes irworosi ka Aman, todolut ŋikolupae a erwosit, kibunyasi Aman alosit nasuban ŋuna etemokinit Esta.

Esta 6:2

Toryamunae igiritae lokitaabo ŋol ŋakiro ŋuna kelimokinit sek Moridekai erwosit. Ŋakiro a Bigitana ka Teres, ŋikolupae ŋiarei ŋulu a erwosit ŋulu edarito alos a erwosit, ŋulu kepotu totukut akiar erwosit.

Esta 8:7

Tema nai erwosit Ausero neni ka arwosit Esta ka neni a Moridekai a Eyudayat, “Kiirasi, adau ayoŋ ainakin Esta akai ka Aman, ido adaut ŋituŋa akinenekin Aman nakito aŋuna abunio iŋes toyeu amunyar Ŋiyudayan.

Esta 9:14

Aŋun, abu erwosit tolimu atemar kitiyae ŋun; aponi tolimunoe ekisil ŋol alo Susa, ido aponi kinenekinoe ŋidwe ka Aman ŋulusapa ŋulutomon.

Esta 9:25

Nai ani irari erwosit ŋakiro ŋuna ka atuko ka Aman, abu tolimu anakiro a ŋuna egiri iŋes atemar kisicanae Aman aŋuna ka aronis a ŋina atuku iŋes akitiya neni a Ŋiyudayan. Tolimu iŋes atemar kinenekinoe Aman ka ŋidwe keŋ ŋulusapa nakito.

Ŋikiru. 141:10

Kimyek ŋulu aronok tolomasi naronis kec pei, obucar ayoŋ bon.

Ŋikiru. 35:8

kimyek amunyaro bu neni kec pa eyenete. kimyek ŋaunoi ŋuna alokito ikes kiruma ikes pei, kimyek ikes tolomasi napanya kec pei tomunyaros make.

Ŋikiru. 73:19

Emunyaryo ikes atipei, emunyaryo ikes toŋopiyasi jik.

Dan. 6:24

Abu erwosit tolimu atemar yaunae ŋikilyok daadaŋ ŋulu esitakinito Daniel ka aponi yaunae ŋikilyok ŋulu esitakinito Daniel, ido aponi kimasakinae ikes nadui a ŋiŋatunyo, ikes ka ŋaberu kec ka ŋidwe kec. Ani eriŋa ikes nyedo kwap neni aya ŋiŋatunyo, apotu ŋiŋatunyo kilout ikes tobilibiliyasi ŋakoyo kec.

Dan. 6:7

Adaut ŋikapolok daadaŋ ŋulu ikiŋarakinito iyoŋ akipuka akwap kon kaapei ka ŋikapolok a ŋikawoikinitok a ŋakwapin, ŋikepukak a ŋakiboisyo, ŋikeŋarakinitok ka ŋikawoikinitok a ŋakwapin acamun atemar kiwuak erwosit ekisil ka toreik ŋituŋa kiwuapa, tosodi ituŋanan daadaŋ ŋini ilipi alotooma ŋirwa ŋatomoniuni neni a ibore a idio a ŋini erae akuj keŋ, kori neni a ituŋanan a ice akilo iyoŋ, okoe erwosit, emaikina tocakakinae iŋes nadui a ŋiŋatunyo.

1 Sam. 17:51

Toem nai Daudi todoka towo alokidiama Epilistait ŋol; tout ekileŋ keŋ, kiriu anakuraro kicedarya iŋes. Totub akou ke Epilistait ke ekileŋ a ŋol. Ani iŋolikinete Ŋipilistin atemar atwana ekarwon kec, tobwaŋas.