Esta 7:4 - Ebaibul

⁴ Anerae ikigyelar isua, ayoŋ ka ŋituŋa kaŋ, ikotere ikiaryo ikimunyaryo todaunetei. Kerae bo itogyelaritetei isua aruwor ŋipi kori ŋapi daŋ kejok! Keliliŋiyarit ayoŋ ŋun alotau kaŋ. Nai nyinyakakini emoit kosi ŋol erwosit idio ibore aŋuna ka amunyaryo kosi a na.”

Esta 7:4 Iomraidhean Croise

Neem. 5:5

Ikirae isua ŋituŋa ŋipei ka ŋiyeneta kosi ka ejokak ŋidwe kosi aneni kosi lopite ŋolo ejokyata ŋidwe kec aneni kec, nai kitiŋakinitetei bo isua ŋidwe kosi ŋulusapa ka ŋulupesur aruwor ŋipi ka ŋapi, adaun akituruwor ŋidwe kosi ŋice ŋulupesur ŋapi, adaun isua apedor ka aruworosi ŋimanikorin kosi ŋulu a ŋikinyom ka ŋulu ke epiini ŋulu a ŋituŋa a ŋice.”

Esta 3:13

Inakinae ŋabaruwae ŋun neni a ŋikapiranak toemyata nakwapin ŋuna epukat erwosit daadaŋ, ikotere tomunaarae, toarae ka tomunyarae Ŋiyudayan daadaŋ; ŋulu cicik ka ŋulu apolok, ŋaberu ka ŋidwe alotooma akoloŋit apei bon. Akoloŋit ŋin iŋes ŋirwa ke elap ŋitomon ka ŋiuni elap ŋolo ŋitomon ka ŋiarei, ŋolo enyaritae Adar, ido etemokino toŋatarae ŋiboro a Ŋiyudayan akoloŋit ŋin.

Esta 3:9

Ani kejokak nu aneni a erwosit, emaikina totubunoe akirot ŋina emunyarere ikes. Ainakini ayoŋ Ŋitalantae ŋulu a esilipa ŋalipyo ŋatomon neni a ŋulu itiyakinete ŋuna alimu erwosit, ikotere eyaunete ikes ŋitalantae ŋul neni a ŋulu iŋadaete ŋisiliŋa a erwosit.”

Esta 7:5

Tema nai erwosit Ausero neni ka arwosit Esta, “Ŋae ituŋanan ŋin, ŋini ecamit akitiya ŋun? Ŋae ituŋanan ŋin, ŋini ewuak lotau keŋ akitiya ŋun?”

Esta 7:6

Tema Esta, “Erae ro ituŋanan ŋini ikimanit isua, ekapilan Aman lopei lo!” Tobul Aman alokiŋaren erwosit ka arwosit.

Esta 8:11

Anabaruwae a ŋun, abu erwosit tocamak Ŋiyudayan ŋulu aya ŋolotaun a nen acunakin tojieto aŋuna kec make. Amaikina ikes toara ka tomunyasi ajore a ŋulutuŋa daadaŋ itijikinete ikes kori ŋinakwap daadaŋ itijikini ikes. Amaikina ikes kitiyata ŋun neni a ŋidwe ka ŋaberu a ŋituŋa a ŋul ka toŋatasi ŋiboro a ŋituŋa a ŋul.

Esta 8:6

anerae ekokini ayoŋ ai edaŋidaŋi eteunit ŋican eponito neni a ŋituŋa kaŋ? Kori ekokini ayoŋ ai edaŋidaŋi eteunit amunyaro ebunit neni a ŋiyeneta kaŋ?”

Esta 9:25

Nai ani irari erwosit ŋakiro ŋuna ka atuko ka Aman, abu tolimu anakiro a ŋuna egiri iŋes atemar kisicanae Aman aŋuna ka aronis a ŋina atuku iŋes akitiya neni a Ŋiyudayan. Tolimu iŋes atemar kinenekinoe Aman ka ŋidwe keŋ ŋulusapa nakito.

Dan. 6:2

abu daŋ toseu ŋikilyok ŋiuni ŋulu epolokinito ŋulucekapolok. Alokidiŋ ŋuluuni ŋul, ayai Daniel, arae neni a ŋuluuni a ŋul iŋes amaikina ŋikapolokinitok a ŋakiboisyo kikobakis ŋakiro ka akwap, ikotere isiyookinio ŋuna ecamit erwosit kitiyae, kori nyitiyae.

Yoel 3:6

Igyelasi iyes ŋituŋa a Yudaya ka ŋulu a Yerusalem neni a Ŋigirik, iteakasi ikes anakwap kec.

Amos 2:6

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa ka akwap a Isirael itiyaete ŋasecisya ŋuna alalak nooi, nyaesikini ayoŋ akisican ikes, anerae egyelanarete Ŋisirael ŋituŋa kec ŋulu iyookino a esilipa, egyelanarete ikes ŋituŋa ŋulu eyakatar akiitanit a egyelit a ŋamuk a ŋaarei,

Luk. 12:45

Nai ani ketema eketiyan ŋol alotau keŋ, ‘Adid ekapolon kaŋ abunore,’ elomakini akibuŋa ŋiketiyak ŋuluce, ŋaberu ka ŋikilyok, nabo imuji, tomat tomerakin;

Ŋikis. 28:68

Ikinyakari Ekapolon iyes a ŋameeli Ijipit, tari sek kelimunit iŋes atemar nyiboŋorete nabo iyes inaa. Iitanete iyes a nen agyelaro neni a ŋimoe kus ikwapei ŋipi ka ŋapi, nai mam ituŋanan ikigyeli iyes.”

Yos. 9:23

Aŋuna itiyaata iyes ikoŋina, ilamam iyes. Eruworosi ŋituŋa kus ŋiketiyak jik, eyepete ŋakito ka eokete ŋakipi ŋuna ka akibois a ŋina ilipere Akuj kaŋ.”

1 Sam. 22:23

Bua oruko ka ayoŋ, ido nyikuryaniar; ituŋanan ŋini ecamit akiar iyoŋ, ecamit akiar ayoŋ daŋ, nai mam ibore ikitapi iyoŋ ikirukit ka ayoŋ”