Esta 6:4 - Ebaibul

⁴ Kiŋit ikes erwosit tema, “Ŋae eyai nalapatu?” Arae apaki ŋinapei ŋin alomarya Aman nalapatu ŋina ka akai a erwosit alimokin erwosit kinenokinoe Moridekai nakito ŋuna keris iŋes kitudupak ŋituŋa.

Esta 6:4 Iomraidhean Croise

Esta 4:11

“Eyenete ŋiketiyak a erwosit daadaŋ ka ŋituŋa akwap keŋ atemar, ani kelot ekile edio kori aberu adio toloma nalapatu ŋina eyai kidiŋ akai a erwosit pa eyaritae, eyai atubokinet epei bon a ŋun; iŋes na ebe, ‘Emaikina ŋin toarae.’ nai ani kikeu erwosit ebela keŋ ŋolo ka apolou ŋolo itiyaunitae a egolid aŋuna a ituŋanan a idio, iŋes nai nyearere ituŋanan ŋin. Mam ayoŋ alope nyenyara alosit neni a erwosit; adol tokona ŋirwa ŋatomoniuni.”

Esta 5:1

Ani edolete ŋirwa ŋiuni, tonap Esta ŋilowi ŋulu ka apolou, towo analapatu a ŋina alokidiŋ ere a erwosit, alokiŋaren akai ke erwosit. Eboi erwosit, apaki ŋin alokicoloŋ keŋ a ŋolo ka apolou, alotooma akai a apukan, alopuke ka akai.

Esta 5:14

Temasi nai Seres aberu ka Aman ka ŋikonei ka Aman daadaŋ, “Kitudukok ŋituŋa ŋipirin ŋiarei ŋulu edoli aoyau kec alokidiama ŋimitae ŋatomoniarei ka ŋiuni, kiriwokinae apeeta alokidiama. Ani moi taparacu tolimok erwosit kinenekinoe Moridekai napeeta a ŋipirin a ŋul; toloto nai iyoŋ ka erwosit nasuban elakara etau.” Tolakar Aman a ŋakiro a ŋun, kitudukok ŋituŋa ŋakito ŋun.

Esta 6:3

Kiŋit erwosit ŋiketiyak keŋ tema, “Ajokis ani, kori apolou ani aponi iwon inakinae Moridekai a ŋakiro a ŋun?” Toboŋokis ŋiketiyak a erwosit iŋes temasi, “Mam ŋakiro aponi kitiyae neni keŋ.”

Esta 6:5

Aŋun, apotu ŋiketiyak a erwosit tolimokis iŋes ebe, “Aman eyai tooma, ewoi analapatu.” Tema erwosit neni kec. “Kimyekisi iŋes tolomu ne.”

Esta 7:9

Ayai Aribona nen, epei a ŋikolupae a ŋulu eteete erwosit, kirworik iŋes alokiŋaren erwosit tema, “Kiirasi ŋace nu, ewuasi alokai ka Aman ŋakito ŋuna ecamit iŋes akinenekin Moridekai ŋolo abu tolimok erwosit ŋakiro ŋuna ajokak. Erae aoyau a ŋakito a ŋun ŋimitae ŋatomoniarei ka ŋiuni anyoun alokwap.” Tema erwosit, “Kinenekisi Aman nakito ŋun.”

Yob 5:13

ikamununui Akuj ŋikaosok anaosou kec, itasalununui Akuj atipei ŋuna eyeete ŋulu irworosi itojokasi.

Ŋikiru. 2:4

Ejamuwarit Ekapolon ŋolo eyai kidiama ikes, isicoŋakini Ekapolon ikes anakiro a ŋuna etukete ikes a ŋunacaryo.

Ŋikiru. 33:19

Eiunit Ekapolon ikes anatwanare, iyoki Ekapolon ikes ikotere nyetwaka ŋapakio ŋuna ka akoro.

Ekal. 9:10

Etic daadaŋ ŋolo itiyaete iyes kitiyata anagogoŋu kus a daadaŋ, anerae emam etic, kori atamatam, kori ayenut, kori aosou anakibois a ŋikatwak a ŋina ilosete iyes alomar.