Esta 6:3 - Ebaibul

³ Kiŋit erwosit ŋiketiyak keŋ tema, “Ajokis ani, kori apolou ani aponi iwon inakinae Moridekai a ŋakiro a ŋun?” Toboŋokis ŋiketiyak a erwosit iŋes temasi, “Mam ŋakiro aponi kitiyae neni keŋ.”

Esta 6:3 Iomraidhean Croise

Akisy. 40:23

Nai abu ekapolokiniton ŋulu ayaununeete ekopo neni a Parao nyetamu Yosepu, kimuryakis ŋakiro a Yosepu.

1 Ŋakiro a ŋirwa 11:6

Aris Daudi kelimu akoloŋit ŋin ebe, “Ituŋanan daadaŋ ŋini isyauni akitijikin Ŋiyebusi, eruwor ekarikon ŋolo a ŋikajiok.” Abu nai Yoab lokoku a Seruia kiŋarenik ŋikajiok, aŋun, abu iŋes toruwor ekarikon.

Esta 6:2

Toryamunae igiritae lokitaabo ŋol ŋakiro ŋuna kelimokinit sek Moridekai erwosit. Ŋakiro a Bigitana ka Teres, ŋikolupae ŋiarei ŋulu a erwosit ŋulu edarito alos a erwosit, ŋulu kepotu totukut akiar erwosit.

Esta 6:4

Kiŋit ikes erwosit tema, “Ŋae eyai nalapatu?” Arae apaki ŋinapei ŋin alomarya Aman nalapatu ŋina ka akai a erwosit alimokin erwosit kinenokinoe Moridekai nakito ŋuna keris iŋes kitudupak ŋituŋa.

Ekal. 9:15

Ayai lotaun ŋol ekile ŋolo akulyakana toos, abu ekile ŋol anaosou keŋ toiu etaun ŋol, nai mam ituŋanan alotaun a ŋol ŋini abu totamu akiŋarakin ekulyakit ŋol.

Dan. 5:16

Nai adau ayoŋ akiirar atemar ipedori iyoŋ akisileereun ŋakiro ka ipedori alimun epite ŋolo elemarere ŋatyokisyo. Ani tokona kipedori iyoŋ asyomun ŋakiro ŋuna igiritae ŋun ka alimokin ayoŋ apolou a ŋakiro a ŋun, ikitanapikinio iyoŋ elou ŋolo kipurat areŋan ka ikienikinio iyoŋ lodokole erikot ŋolo erae egolid bon itiyaunitere, ikituruworyo iyoŋ ekapolon ŋolo a ŋiuni, ŋolo ekewuapit ayoŋ anapukan kaŋ.”

Dan. 5:29

Abu nai Belisasar tolimu ŋakiro, ido aponi kitanapikinae Daniel elou ŋolo kipurat areŋan, toenikinae erikot ŋolo itiyaunitae a egolid lodokole keŋ ka aponi tolimoroe ŋakiro nu aŋuna a Daniel atemar aruwor iŋes ekapolon ŋolo a ŋiuni ŋolo iwuapit erwosit anapukan keŋ.

Dan. 5:7

Kiworou erwosit ke etoil a ŋolo apolon irworo atemar yaunae ŋimurok ŋulu enyaraununeete ŋimuno, Ŋibabiloniyae, ŋimurok, tolimok erwosit ŋikaosok ŋulu a Babilon tema, “Ituŋanan ŋini epedori asyomun ŋakiro ŋuna igiritae ŋun, ido okolimok ayoŋ apolou kec, itanapikinio elou ŋolo kipurat areŋan ka eenikinio lodokole keŋ erikot ŋolo itiyaunitae a egolid ka ituruworyo iŋes ekapolon ŋolo a ŋiuni ŋolo ekewuapit ayoŋ anapukan kaŋ.”