Esta 6:1 - Ebaibul

¹ Akoloŋit ŋin nakwaare, abu erwosit kikoler; aŋun, abu tolimu atemar yaunae ekitaabo ŋolo egiritae ŋakiro apukan ŋuna a ŋirwa a ŋulu epukator iŋes. Aponi nai yaunae ekitaabo ŋol tosyomae alokiŋaren a erwosit.

Esta 6:1 Iomraidhean Croise

Akisy. 22:14

Aŋun, abu Aburaam tolimok ekiro a akibois a ŋin, “Elemuni Ekapolon”; tari tokona ebasi ŋituŋa, “Alomukura a ŋolo ke Ekapolon, ikilemikinio.”

Esta 10:2

Ŋiticisyo ka Ausero daadaŋ, ŋuna ka apedor ka agogoŋu keŋ, kaapei ka ŋuna ka apolou a ŋina ainakini erwosit Moridekai daadaŋ, igiritae lokaabo ŋolo a ŋakiro a ŋirwosi a Media ka Perisia.

Esta 2:21

Ŋirwa ŋulu eboiyo Moridekai alopuke a erwosit, toŋoa Bigitan ka Teres neni a erwosit totukut akiar iŋes. Arae ŋuluarei ŋul ŋikolupae ŋulu a erwosit ŋulu edarito alos a erwosit.

Esta 2:22

Nai kebu Moridekai toyenu atuko ŋin, tosodi tolimok arwosit Esta, ido abu Esta alokiro a Moridekai, tolimok erwosit Ausero ŋakiro ŋun.

Esta 2:23

Ani kedaun akimimiun ŋakiro ŋun ka kedaun aryamun iyookino, aponi ŋikilyok ŋul ŋiarei kinenekinoe lokitoe ikotere etwakete. Kigirae ŋakiro kec alokiŋaren erwosit lokitaabo ŋolo a ŋakiro a ŋirwa a ŋul.

Esta 5:8

Ani kajok ayoŋ aneni a erwosit ka kelakara erwosit ainakin ayoŋ ŋuna elipa, kisiyook ŋuna eŋita ayoŋ, elipit ayoŋ erwosit ka Aman potu moi taparacu nasuban ŋuna etemokini ayoŋ. Nen nai aboŋokinio ayoŋ ŋuna iŋita erwosit.”

Isa. 41:17

“Ani epote ŋikulyak ka ŋituŋa ŋulu eyakatar akiitanit iwarito ŋakipi, ido nyeryamut ŋadi, tooko ŋaŋajepa kec aŋuna ka akure, ayoŋ Ekapolon aboŋokini ikes, ayoŋ Akuj a Isirael nyemyekini ikes.

Dan. 2:1

Alokaru a ŋolo a ŋiarei ipukat Nebukadinesar, abu Nebukadinesar kiruja, ido apotu ŋakirujaeta ŋun kisiyaloloŋo etau keŋ tojoŋo ajotoonor.

Dan. 6:18

Toboŋo nai erwosit lore keŋ ŋolo ka apukan, kiboi akuwar daadaŋ iredakinit akiron, mam akimuj aponi yaunae neni keŋ, abu kikoler iŋes nakwaare.

Mal. 3:16

Apotu nai ŋituŋa ŋulu ekerito Ekapolon kirworiut make, ido abu Ekapolon topupok ŋuna erworosi ikes, kiira ŋakiro kec. Aponi kigirae lokitaabo alokiŋaren Ekapolon, ŋakiro a ŋulu ekerito Ekapolon ka ŋuna a ŋulu itopoloorito ekiro keŋ.

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.