Esta 5:1 - Ebaibul

¹ Ani edolete ŋirwa ŋiuni, tonap Esta ŋilowi ŋulu ka apolou, towo analapatu a ŋina alokidiŋ ere a erwosit, alokiŋaren akai ke erwosit. Eboi erwosit, apaki ŋin alokicoloŋ keŋ a ŋolo ka apolou, alotooma akai a apukan, alopuke ka akai.

Esta 5:1 Iomraidhean Croise

Esta 1:11

yautu arwosit Basiti kiŋaren a erwosit enapit ebokot ŋolo ka apolou, ikotere itoodikini erwosit akibuses a Basiti neni a ŋikapolok ka ŋituŋa daadaŋ, anerae ebus Basiti nooi.

Esta 2:5

Apaki ŋin, ayai kai ka apukan ŋina a Susa eyudayat ŋolo anyaritae Moridekai lokoku a Yair a ŋolo arae lokoku Semei. Arae Semei lokoku a Kis a ŋolo arae ŋolo ke ekabila a Benjamin.

Esta 4:11

“Eyenete ŋiketiyak a erwosit daadaŋ ka ŋituŋa akwap keŋ atemar, ani kelot ekile edio kori aberu adio toloma nalapatu ŋina eyai kidiŋ akai a erwosit pa eyaritae, eyai atubokinet epei bon a ŋun; iŋes na ebe, ‘Emaikina ŋin toarae.’ nai ani kikeu erwosit ebela keŋ ŋolo ka apolou ŋolo itiyaunitae a egolid aŋuna a ituŋanan a idio, iŋes nai nyearere ituŋanan ŋin. Mam ayoŋ alope nyenyara alosit neni a erwosit; adol tokona ŋirwa ŋatomoniuni.”

Esta 4:16

“Emaikina Moridekai tolot, tocunak Ŋiyudayan daadaŋ ŋulu eya Susa; kiredakis akiron aŋuna kaŋ. Nyemaikina ikes kimuja kori tomata ŋirwa ŋiuni, nakwaare kori naparan. Ayoŋ ka ŋaketiyak kaŋ ikiredakini akiron ikwapei iyes. Ekaku ka akiron, alosi ayoŋ neni a erwosit; tari daŋ pa kecamakinito ŋikisila, ani keruwor daŋ atwanare, otwan.”

Esta 4:17

Tolot Moridekai kirimo, kitiya ikwaŋinapei alimokinitor Esta iŋes.

Esta 6:4

Kiŋit ikes erwosit tema, “Ŋae eyai nalapatu?” Arae apaki ŋinapei ŋin alomarya Aman nalapatu ŋina ka akai a erwosit alimokin erwosit kinenokinoe Moridekai nakito ŋuna keris iŋes kitudupak ŋituŋa.

Esta 8:15

Torotok nai Moridekai alokiŋaren erwosit enapit ŋilowi ŋulu ka apolou ŋulupusiyek ka ŋulu akwaŋak. Tonapite ebokot ŋolo apolon ŋolo a egolid ka elou ŋolo amilimilan ka ŋolopus areŋan. Tolakaros ka tolelyana a ŋun ŋituŋa ŋulu a Susa.

Mat. 10:16

“Topupokisi, ekeyakiyarit ayoŋ iyes ikwa ŋamesekin alokidiŋ ŋipeei. Topiiryaka ikwa ŋimuno ka kiyapara alopitesyo kus ikwa ŋakuryo.

Mat. 11:8

Nyo ilosito iyes akiŋolikin? Ekile ŋolo anapit ŋilowi ŋulu aninikak ŋulu emilimilete a? Toyenete atemar ŋituŋa ŋulu enapito koŋina, iboiyete ikes alorerya a ŋikapolok.

Mat. 27:64

Aŋun, tolimok ŋiketeok alyal kidara ejok todol ŋirwa ŋiuni, ikotere nyelot ŋikasyomak keŋ akokoiyar akuwan keŋ, ido ekaku tolimokis ŋituŋa atemar eteyarun iŋes alokatwak. Eroniar alyokonu ŋina ke ekaku akilo ŋina sek ke ekiŋaren.”

Luk. 22:30

ikotere kimuja ka tomata daŋ a Napukan kaŋ. Kiboikinotor lokicoloŋo, totubonokis ŋatekerin ŋunatomon ka ŋaarei ŋuna a Isirael.

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.