Esta 4:4 - Ebaibul

⁴ Ani epote ŋaketiyak ke Esta ka ŋikolupae ŋulu eyokiyete iŋes alimokin Esta ŋakiro a Moridekai, tonomosi arwosit ŋakiro ŋun nooi. Kiyakiya ŋilowi ikotere enapi Moridekai, tolacaria ŋiguniyae. Nai abu Moridekai nyecamu ŋilowi ŋul.

Esta 4:4 Iomraidhean Croise

Akisy. 37:35

Potu ŋidwe keŋ daadaŋ ŋulusapa ka ŋulupesur akisirwor iŋes, nai towou iŋes akisirworiuno tema, “Mam, alomari ayoŋ kwap nakipany neni alokoku kaŋ egworo.” Aŋun, kigwor Yakob aŋuna a Yosepu.

2 Ŋirw. 9:32

Kirereo Yeu lodirisa tocelu tema, “Ŋae eriit lowae kaŋ?” Apotu ŋikolupanotin ŋiuni ŋulu etiyaete kai ŋina ke erwosit toripuut alodirisa kitekis iŋes alokiŋa.

Esta 1:12

Ani elimokinete ŋikolupae ŋul Basiti ŋakiro ŋuna a erwosit, towou abunore. Aŋakiro a ŋun, abu erwosit toŋo nooi, toresiyar iŋes nooi.

Esta 4:3

Aŋina kibois daadaŋ a ŋina kelimoritae kori pa kelimoritae ŋakiro a erwosit ka ŋakiro ŋuna aponi totubunoe, apotu Ŋiyudayan make kisyakis akigworo nooi. Kisyakis akiredanakin akiron, akigworo ka akiwolol. Tolomakis ŋikalalak alokidiŋ kec akiper loguniyae ka lokurono.

Esta 4:5

Abu nai Esta tonyarau Atac, epei a ŋikolupae a ŋulu a erwosit ŋolo ewuakinitae akitiya neni a Esta. Tolimok Esta Atac alosit neni Moridekai akiŋitun ŋuna eyakar, ido kaanukiro eyakatar ŋun.

Ŋikiru. 77:2

Apaki ŋina ayakar ayoŋ locan, abu ayoŋ elip neni a Ekapolon; akuwar kya, abu ayoŋ elip ekyaarit ŋakan kaŋ, ido abu etau kaŋ nyisirworiun.

Isa. 56:3

Nyemaikina igelaanot ŋini iboiyete kaapei ka iyes elimuni ebe, “Kire jik, akatyakari Ekapolon ayoŋ alotuŋa keŋ.” Nyemaikina ekolup elimuni ebe,

Yer. 31:15

Aŋun, alimu Ekapolon ebe, “Eirar alo Rama etoil, etoil ŋolo iwololoe ka akigworo ŋina apipilan. Igworo Rakel aŋuna a ŋidwe keŋ; awou iŋes akisirworiuno aŋuna a ŋidwe keŋ, anerae aris ketwaka.”

Ŋitic. 8:27

Tonyou nai Pilipo, tolot. Ayai lorot ŋol ekile ŋolo anakwap a ŋina a Esiopia ŋolo arae ekolup. Apolokinit iŋes ŋisiliŋa daadaŋ ŋulu a Kandace, a ŋina epukat Esiopia. Kelosit sek ekile lo Yerusalem akilip.

1 Sam. 8:15

Eai iŋes atutubet apei anatomon a ŋikinyom a epiini kus, ido inak neni a ŋikapolok a ŋulu ipukato ka iŋes ka neni a ŋiketiyak keŋ.