Esta 3:8 - Ebaibul

⁸ Tolimok nai Aman erwosit Ausero tema, “Eya ne ŋituŋa ŋice ŋulu ielakina ka etyakara make aneni a ŋituŋa a ŋakwapin a ŋuna ipukat ioŋ. Egelaaka ŋikisila a ŋituŋa a ŋul aneni a ŋulu a ŋituŋa a ŋuluce a daadaŋ, ido nyiwuapito ikes ŋikisila a erwosit. Aŋun, nyemaikina erwosit kimyek ikes.

Esta 3:8 Iomraidhean Croise

Esir 4:6

Apaki ŋina epukator erwosit Auseuro alokaru a ŋolo ageunia iŋes akipuka, apotu ŋimoe a ŋituŋa a ekabila a Yuda kigira abaruwa itoroniarito ŋituŋa ŋulu eboiyete alo Yudaya ka alo Yerusalem.

Neem. 1:8

Totamu ŋakiro ŋuna ibu iyoŋ kicik eketiyan kon Moses ibala, ‘Ani pa kiwuapa iyes ŋakiro kaŋ ekeelari ayoŋ iyes nakwapin a ŋituŋa;

Esta 3:9

Ani kejokak nu aneni a erwosit, emaikina totubunoe akirot ŋina emunyarere ikes. Ainakini ayoŋ Ŋitalantae ŋulu a esilipa ŋalipyo ŋatomon neni a ŋulu itiyakinete ŋuna alimu erwosit, ikotere eyaunete ikes ŋitalantae ŋul neni a ŋulu iŋadaete ŋisiliŋa a erwosit.”

Esta 4:1

Ani eyenuni Moridekai ŋuna keponi totubunoe daadaŋ, tocilicili ŋilowi keŋ, tonap ŋiguniyae, kipunupunakin ekuron, ido tolot kidiŋ etaun iwololoe nooi, enomorito ŋakiro.

Yer. 33:24

“Nyeyenuna iyoŋ atemar irworosi ŋituŋa lu ebasi, ‘Aŋer Ekapolon ŋikalya ŋuluarei ŋulu abu iŋes toseu,’ nyeyenuna iyoŋ epite ŋolo ejamuwaritotor ŋituŋa ikes, ido nyeriŋa ikes iteete ikes ikwapei ŋituŋa ka akwap kec a?

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Esek. 11:16

Aŋun tolimok ikes atemar ŋakiro ŋuna irworo Ekapolon Akuj ikes nu, ‘Tari daŋ keritarit ayoŋ ikes nakwapin ŋuna alalak, eruwor ayoŋ aiunit ikes apaki ŋina euruwuana ŋina eyakatar ikes nakwapin ŋuna alwanak ka tari daŋ keelarit ayoŋ ikes nakwapin ŋuna alalak, eruwor ayoŋ aiunit ikes apaki ŋina eyakatar nakwapin ŋun.’

Esek. 6:8

“‘Nai apiyanuni ayoŋ ŋituŋa kus ŋidi. Ebucarosi ŋidi kus anatwanare a ŋina ikiaryata ŋakwapin iyes, ido ielaryo ŋul nakwapin.

Dan. 3:8

Apaki ŋin, apotu Ŋibabiloniyae ŋice potu kiŋaren, kisitakis Ŋiyudayan.

Dan. 6:13

Kinyakakis ŋikapolok ŋul erwosit temasi, “Daniel ŋol, epei a ŋirikuno alo Yudaya, nyepupi ŋakiro kon, okoe erwosit, kori ŋakiro ŋuna ibu iyoŋ totub, nai ilipi iŋes neni a Akuj keŋ ŋirwa ŋiuni a ŋinakoloŋit.”

Dan. 6:14

Ani iirari erwosit ŋakiro ŋuna esitakinitere Daniel, abu iŋes kiyaloloŋ nooi, kiwar erot ŋolo eiunia Daniel, kiwar epite ŋolo eiunia Daniel ŋinapei taparacu todoiyo akoloŋ.

Ŋilep. 26:33

Ekeelari ayoŋ iyes nakwapin, ido eturubakini ayoŋ ŋimoe ikiwuapito iyes. Idoŋi akwap kus erae ŋina asilon ka eruwor ŋitaunio kus ŋireŋoroto.

Sakar 7:14

Aŋun, abu ayoŋ eela ikes lopite ŋolo ielarya ekuwuam ibore, apotu ikes kielar akiboi nakwapin ŋuna sek pa ayenete. Apotu kimyekis akwap na ŋina ajokan erae ŋina asilon, ŋina emam ituŋanan iboi alotooma keŋ.”

Ekim. 23:9

Ete ayoŋ ikes alokidiama ŋatabab ŋuna aoyak, ete ayoŋ ikes alokidiama ŋikamukumukui. Erae ŋituŋa ŋul ŋulu iboiyete ka akec etyakara ikes alotuŋa a ŋakwapin aŋunace!

Yoa. 7:35

Kiŋitiŋitas Ŋiparisayon make ebasi, “Ai mono tokona neni ti ebala iŋes alosi ne, neni nyeryamunere iwon iŋes ne? Kori ecamit iŋes alosit lotuŋa yok ŋulu eyakasi nakwap a Ŋigirik aŋuna ka akitatam Ŋigirik?

Ŋitic. 24:5

Aponi isua toryamunae etuŋanan lo erae ŋolo aronon nooi, ŋolo ageununui aruruma alokidiŋ Ŋiyudayan daadaŋ ŋulu ka akwap a daadaŋ ka erae iŋes elope ekarikon ŋolo ka atukot a ŋina ebookoi ebe Ŋinasarin.

Ŋitic. 28:22

Nai ikicamit isua akiirar aneni kon ŋakiro ŋuna itami iyoŋ, anerae ikiyeni isua atemar anakwap a daadaŋ itoroniarito ŋituŋa atukot ŋina iyai iyoŋ.”

Ŋikis. 30:3

ebuni nai Ekapolon akinyakakin iyes ŋarereŋisyo kus ka ikisyon iyes, ikicunu nabo iyes anakwapin a ŋuna aris iŋes kikiela iyes.

Ŋikis. 32:26

Abu ayoŋ otamu akielar ikes ekisa ikes anatameta a ŋituŋa,

Ŋikis. 4:27

Ikielari Ekapolon iyes nakwapin a ŋituŋa a ŋulugelae, ŋidikudyo bon alotooma kus idoŋete nakwapin ŋuna ikirikori Ekapolon iyes.

Yak. 1:1

Ayoŋ Yakobo eketiyan ŋolo ka Akuj ka ŋolo ke Ekapolon Yesu Kristo, emalae ŋatekerin ŋunatomon ka ŋaarei ŋuna a ŋituŋa a ŋulu ka Akuj, a ŋulu ielakina nakwapin daadaŋ.

1 Pet. 1:1

Ayoŋ Petero, ekiyakia a Yesu Kristo, egirit abaruwa na neni a ŋituŋa a ŋulu seuna a ŋulu ka Akuj, a ŋulu erae ŋikawuotok ka ielakina nakwapin nu: Ponito, Galatia, Kapadokia, Asia ka Bisinia.