Esta 3:15 - Ebaibul

¹⁵ Toema ŋikapiranak atipei nakwapin ŋuna epukat Ausero, ikwapei alimokinitor Ausero ikes, ido aponi ŋakiro ŋun kiseraunae alokai ka apukan a ŋina alo Susa. Kiboikinos erwosit ka Aman, kisyakis akimat kaapei, nai apotu ŋituŋa ŋulu a etaun a ŋolo a Susa kiguryakin.

Esta 3:15 Iomraidhean Croise

Akisy. 37:25

Kedaut ŋun, kiboikinos kimuja; ani eŋoleŋolekinete, kiŋolikis ŋituŋa ŋulu alalak ŋulu anyaritae Ŋisimael eponito alo Gilead, emeto ŋikaala ŋulu ewokito ŋiboro lu: Ŋikito ŋulu itoboboete akimuj ka ekitoe ŋolo a ŋajemei ta eminae ŋolo elemyo anakwii a ŋikito, ŋolo ekukuny icunyakinio. Aayete ŋituŋa ŋul ŋiboro kec Ijipit.

1 Ŋirw. 14:27

Aŋun, abu erwosit Reoboam kitiyau ŋaupala ŋace, a eburonis kilunyok neni a ŋuna aponi tolemarae; inak iŋes ŋun neni a ŋulu apolokinito ŋulu eteete ŋipukei a akai ke erwosit.

Esta 1:10

Ani edolete ŋirwa ŋikanikaarei, apaki ŋina ayakar erwosit nalakara aŋuna amasya epiini, tolimok iŋes Mekuman, Bisita, Karibona, Bigita, Abagita ka Setar ta Karikas ŋulukanikaarei ŋulu arae ŋikolupae ŋulu eteete iŋes atemar,

Esta 4:16

“Emaikina Moridekai tolot, tocunak Ŋiyudayan daadaŋ ŋulu eya Susa; kiredakis akiron aŋuna kaŋ. Nyemaikina ikes kimuja kori tomata ŋirwa ŋiuni, nakwaare kori naparan. Ayoŋ ka ŋaketiyak kaŋ ikiredakini akiron ikwapei iyes. Ekaku ka akiron, alosi ayoŋ neni a erwosit; tari daŋ pa kecamakinito ŋikisila, ani keruwor daŋ atwanare, otwan.”

Esta 8:15

Torotok nai Moridekai alokiŋaren erwosit enapit ŋilowi ŋulu ka apolou ŋulupusiyek ka ŋulu akwaŋak. Tonapite ebokot ŋolo apolon ŋolo a egolid ka elou ŋolo amilimilan ka ŋolopus areŋan. Tolakaros ka tolelyana a ŋun ŋituŋa ŋulu a Susa.

Ŋikiru. 37:7

Nyiŋayaŋayata anakikinyomit Ekapolon, kidara iŋes alotooma atitinyikinit ikiŋarak iyes; tocoito nyenepu ekibure aneni kus, iŋolikinete ŋituŋa ebarete anakitiya ŋuna aronok; nyenepu ekibure aneni kus iŋolikinete ŋituŋa itiyaete ŋuna aronok ŋuna eyeto ikes akitiya.

Ŋakit. 1:16

anerae eloseneneete ikes akitiya ŋuna aronok, etenito ikes a ŋinapaki akiar ituŋanan.

Ŋakit. 29:2

Ani erae ituŋanan ŋini iyookino erae ekapolon, elelyanete ŋituŋa, nai ani erae ituŋanan ŋini aronon erae ekapolon, iyaloloŋete ŋituŋa.

Ŋakit. 31:4

Kiira mono iyoŋ okoe Lemuel, nyemaikina ŋirwosi emasete epiini nyemaikina ŋikepukak iburit akimat ŋagwe ŋuna adwarak,

Ŋakit. 4:16

Nyejotoonor ŋulu itiyaete aronis mati kitiyata ibore idio ŋini aronon; ekyenyete ikes jik eperete mati kewana ituŋanan ice.

Osea 7:5

Akoloŋit ŋina enumunumere ŋasuban ŋuna a erwosit, apotu ŋikapolok tomata epiini tomerakinos nooi erwosit daŋ tomerakin nooi, tobaŋaaniyasi kaapei ka ŋulu akyenatar iŋes.

Amos 6:6

iyes ŋulu imasete epiini a ŋabakulei, ido kiwosas ŋamyeta ŋuna akukunyok nai nyikinomorito ŋakiro ŋuna ka akinyasuno a ŋina ebunit neni a Ŋisirael.

Yoa. 16:20

Akalimokini ayoŋ iyes kire atemar, ipote iyes akigworo ka akiwolol, nai elelyani akwap nooi; ipote iyes akiyaloloŋ, nai ibelekin akiyaloloŋ kus toruwor alelyan.

Akis. 11:10

Elakarosi ŋituŋa a ŋakwapin aŋuna ka atwanare a ŋuluarei a ŋul. Imomworete ikes ka kiyakiyanakinos ŋainakineta, anerae apotu ŋikadwarak ŋul yaut ŋican lotuŋa.