Esta 3:13 - Ebaibul

¹³ Inakinae ŋabaruwae ŋun neni a ŋikapiranak toemyata nakwapin ŋuna epukat erwosit daadaŋ, ikotere tomunaarae, toarae ka tomunyarae Ŋiyudayan daadaŋ; ŋulu cicik ka ŋulu apolok, ŋaberu ka ŋidwe alotooma akoloŋit apei bon. Akoloŋit ŋin iŋes ŋirwa ke elap ŋitomon ka ŋiuni elap ŋolo ŋitomon ka ŋiarei, ŋolo enyaritae Adar, ido etemokino toŋatarae ŋiboro a Ŋiyudayan akoloŋit ŋin.

Esta 3:13 Iomraidhean Croise

2 Ŋakiro a ŋirwa 30:6

Analimunet ke erwosit ka ŋikapolok, apotu ŋituŋa ŋulu eyakitae toloto Isirael daadaŋ ka Yudaya daadaŋ, yaasi ŋabaruwae ŋuna egiritae ŋakiro nu, “Okoe Ŋisirael, toboŋutu neni ke Ekapolon Akuj ka Aburaam, a Isaka ka Isirael, ikotere Akuj ebuni neni kus a ŋulu idoŋito, a ŋulu ipotu toiunos anapedor a ŋirwosi a ŋulu ka Asiriya.

Esta 7:4

Anerae ikigyelar isua, ayoŋ ka ŋituŋa kaŋ, ikotere ikiaryo ikimunyaryo todaunetei. Kerae bo itogyelaritetei isua aruwor ŋipi kori ŋapi daŋ kejok! Keliliŋiyarit ayoŋ ŋun alotau kaŋ. Nai nyinyakakini emoit kosi ŋol erwosit idio ibore aŋuna ka amunyaryo kosi a na.”

Esta 8:5

Tema Esta neni a erwosit, “Ani kejokak aneni kon erwosit ka ani kilakara iyoŋ aŋuna kaŋ, ekelipit kigirae akirot ŋina inyakunere ŋabaruwae daadaŋ ŋuna abu Aman lokoku ka Amedasa a ŋolo arae Egagitait kitemok ka kigir amunyarya Ŋiyudayan anakwapin a ŋuna ipukat iyoŋ daadaŋ,

Esta 9:1

Ani edoli ŋirwa ka elap ŋitomon ka ŋiuni elap ŋolo a ŋitomon ka ŋiarei, iŋes elap ŋolo enyaritae Adar, aponi togeunae akitiya ŋuna a ekisil a ŋolo abu erwosit kitutub. Akoloŋit ŋin, atamete ŋimoe a Ŋiyudayan areun Ŋiyudayan, nai apotu Ŋiyudayan toreut ŋimoe kec ŋulu emanito ikes.

Esta 9:10

Arae ŋulutomon ŋul ŋidwe ka Aman ŋulusapa, Aman lokoku Amedasa a ŋolo arae emoit a Ŋiyudayan. Nai apotu Ŋiyudayan nyeŋatasi ŋiboro a ŋituŋa a ŋul.

Esta 9:5

Aŋun, apotu Ŋiyudayan kitijioto ŋulu emanito ikes, toara a ŋatumio. Toŋola ka tomunyasi ikes, ido kitiyata ŋuna etalakarito ikes neni a ŋulu emanito ikes.

Yob 9:25

“Ekerete ŋirwa a akiyar kaŋ atipei, akilo tari neni ekerya ekakeran ŋolo apiranan; elunyete atipei, mam ajokis eŋolyaanakini ayoŋ anakiyar kaŋ.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Yer. 51:31

Ekeri ekakeran epei akisiryam ŋinice ka elosi ekiyakitono epei akisiryam ŋinice, ekerete ikes alimokin erwosit a Babilon atemar, ekamar etaun alowae ke epei tari ŋoloce.

Ŋirom. 3:15

Nyeayeneneete ikes apaki ŋina aoyan akiwan kori akiar idiotuŋanan.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.

1 Sam. 15:3

Ape tokona kisiiryak Ŋiamaleki, tomunya jik ibore daadaŋ ŋini eyakatar ikes, nyimyek ikes, toar ŋikilyok, ŋaberu, ŋidwe, ŋaatuk, ŋakinei, ŋikaala ka ŋisigirya.’ ”

1 Sam. 22:19

Toar daŋ Doeg ibore daadaŋ ŋini ayai Nob, lotaun ŋolo a ŋisacaradotin: Ŋikilyok, ŋaberu, ŋidwe, ŋiŋwea, ŋaatuk ka ŋisigirya ta ŋamesekin.