Esta 3:12 - Ebaibul

¹² Aponi nai tonyaraunae ŋikegirigirak a erwosit elap ŋolo ke epei ŋirwa ke elap ŋitomon ka ŋiuni. Apotu ŋul kigira ŋakiro daadaŋ ŋuna abu Aman kicikak ŋulu awoikinito erwosit anakwapin a ŋuna epukat iŋes ka ŋulu epukato ŋakiboisyo daadaŋ akwap a ŋin ta neni a ŋikapolok a ŋituŋa a daadaŋ. Kigirakis ikes a ŋinakibois ŋakiro lopite ŋolo igiryata ŋituŋa anakibois a ŋin ka kigirakis ŋulutuŋa ŋakiro a ŋajep kec. Egiritae ŋakiro ŋun alokiro a erwosit Ausero, ido ekoŋokinitoe emacar a ekaboboot a erwosit neni agolokinitere ŋakiro ŋun.

Esta 3:12 Iomraidhean Croise

1 Ŋirw. 21:8

Aŋun, abu Yesebel kigir ŋabaruwae alokiro ka Aab, ido kiwuanak neni egolokinitere ŋabaruwae ŋun ibore ŋini itoodiunit atemar erwosit igirit ŋabaruwae. Kiyakiya iŋes ŋabaruwae ŋun neni a ŋikasikou ka ŋikapolok ŋulu eboiyete ka Nabos alotaun.

Esir 8:36

Apotu daŋ ikes kikobakis ŋakiro a erwosit neni a ŋikepukak ŋakwapin ka ŋikapolok a ŋakiboisyo ŋuna alokekwaye aŋolol Eupurate, ido apotu ŋikepukak ŋul ka ŋikapolok ŋul kiŋarakis Ŋisirael ka Akai ka Akuj.

Esta 1:22

Kiyakiya iŋes ŋabaruwae nakwapin ŋuna epukat iŋes, kigirak ŋinakwap ŋakiro lopite ŋolo igiryata ikes ka ŋulutuŋa kigirak a aŋajep kec; ŋakiro ŋuna alimunitoe atemar emaikina ŋolokile erae ekapolon alokal keŋ.

Esta 3:11

Tema erwosit neni ka Aman, “Erae nakan kon eyai esilipa kaapei ka ŋituŋa daŋ, itiyae iyoŋ neni kec lopite ŋolo icamitor iyoŋ.”

Esta 8:2

Abu nai erwosit tolemu ekaboboot keŋ ŋolo ka apolou ŋolo keris sek iŋes kelacu aneni ka Aman, ido abu inak Moridekai. Aŋun, abu Esta inak Moridekai apolokin akai ka Aman.

Esta 9:27

apotu Ŋiyudayan kitutubo erae etal kec, ŋolo a ŋiletok kec ka ŋolo a ŋinituŋanan eruwor Eyudayat, atemar emam ikes akisimuryakin akiric ŋirwa ŋuluarei ŋul a ŋolokaru. Emaikina kitiyata lopite ŋolo igiritere ka anapaki a ŋina emaikina kitiyaere.

Dan. 3:10

Okoe erwosit, idau iyoŋ atubun atemar emaikina ŋituŋa daadaŋ toryediko ka kilipa neni a etorube a ŋolo itiyaunitae a egolid, apaki ŋina iiraryata ikes eruye a amomwara a emesek, a apilu, a agita, a aujiwij, a aduŋgu, a ebur ka ŋolo a ŋiboro a daadaŋ a ŋulu eore,

Dan. 6:12

Apotu nai ŋikilyok ŋul toloto neni a erwosit kirworo ŋakiro a ekisil a ŋolo aponi totubunoe temasi, “Okoe erwosit, pa mono ibu iyoŋ kiwuak akan kon lokisil ŋolo aponi totubunere atemar ituŋanan daadaŋ ŋini ilipi alotooma ŋirwa ŋatomoniuni neni a ibore a idio a ŋini erae akuj keŋ, kori neni a ituŋanan a ice akilo iyoŋ, okoe erwosit, emaikina tocakakinae iŋes nadui a ŋiŋatunyo a?” Toboŋok erwosit tema, “Ŋuna aponi totubunoe, nyilocokino, eyakasi lopite ŋolo igiritere ŋikisila a Ŋimedes ka Ŋiperisan, ŋikisila ŋulu emam nyiloconokinio.”

Dan. 6:15

Apotu nai ŋikilyok ŋulu atukunito akitiya aronis neni a Daniel potu temasi, “Okoe erwosit, toyenu ŋakiro nu, erae ekisil a Ŋimedes ka Ŋiperisan atemar mam ŋakiro ŋuna etubuni erwosit, kori ekisil ŋolo iwuakini erwosit, ido kilocokinoe.”

Dan. 6:25

Ekaku aŋun, abu Darius kigirak abaruwa neni a ŋituŋa a ŋakwapin a daadaŋ ka nakwapin daadaŋ ka ŋuna irworosi ŋaŋajepa ŋuna egelegelya tema neni kec, “Elipi toryamut iyes ekisil!

Dan. 6:8

Aŋun tokona, okoe erwosit, totubu ekisil kiwuak akan kon, ikotere edaun ituŋanan ilocokini torubak eyai lopite ŋolo igiritere ŋikisila a Ŋimedes ka Ŋiperisan, ŋikisila ŋulu emam nyiloconokinio.”