Esta 2:9 - Ebaibul

⁹ Abu Esta tonira Egai, tojoik akilo, ido abu Egai inak iŋes akimyet ŋina etesegar ka akimuj ta ŋaketiyak ŋuna aseunio alokai a erwosit. Ya Egai Esta ka ŋaketiyak keŋ nakibois ŋina ajokan nooi alokai a ŋina eboiyoto ŋaberu.

Esta 2:9 Iomraidhean Croise

Akisy. 39:21

Nai arukito Ekapolon ka Yosepu, kitoodik Ekapolon iŋes amina ŋina nyiryaŋiryaŋa, inak iŋes tojokyar alokiŋaren ŋolo apolokinit ŋimabus.

Akisy. 39:4

tojokyar Yosepu aneni a Potipar, kituruworoe Yosepu ekapolon a ŋuluce ketiyak alokal a ŋol. Inakinae Yosepu akidar ŋiboro daadaŋ ŋulu ayakar Potipar.

1 Ŋirw. 8:50

Kisyoni ŋituŋa kon ŋulu adaut akisec aneni kon, kisyoni ŋadyakanareta kec ŋuna etiyata ikes neni kon, ido inak ikes akisyon alokiŋaren ŋulu ikamarito ikes, ikotere isyoniyete ŋul ikes,

Esir 7:6

Abu Esira kitipeiyo alo Babilon Yerusalem. Arae iŋes ekegiran ŋolo ayeni ejok ŋikisila a Moses ŋulu abu Ekapolon Akuj a Ŋisirael inak Moses. Abu erwosit inak Esira ibore daadaŋ ŋini eŋita iŋes, anerae eŋarakinit Ekapolon Akuj keŋ iŋes.

Neem. 2:8

ka akainakin ayoŋ abaruwa oya neni ka Asap a ekedaran amoni ke erwosit ŋina a ŋikito, tolimokinae iŋes ainakin ayoŋ ŋabaoi, ikotere etiyaunia ŋakito ŋuna a ŋipukei a ŋulu ka aduketait a ŋinajiet a ŋina iteere Akai ka Akuj ka adukokinia arwatata ŋina ke etaun ta akai ŋina alosi ayoŋ akiboiyo.” Abu erwosit okoinak ayoŋ ŋuna eŋita, anerae ikirukit ayoŋ ka Akuj kaŋ ŋina ajokan.

Esta 2:12

Todol apaki ŋina elosyo ŋinapese neni a erwosit Ausero, ekaku a ŋilapyo a ŋitomon ka ŋiarei a ŋulu ka akitesego a ŋaberu, anerae apotu ŋirwa ŋulu ka akitesego kirikakin: Ŋilapyo ŋikanikapei itesegasi akimyet a ŋina ke eminae a ŋolo akukunyon ka ŋilapyo ŋikanikapei itesegasi ka akimyet a ŋina akukunyon nooi ta ŋamyeta ŋace ŋuna eninasi ŋaberu.

Esta 2:3

Itemokino erwosit toseu ŋikapolok anakwapin a daadaŋ a ŋuna ipukat iŋes, ikotere ŋikapolok ŋul ecununete ŋapesur daadaŋ ŋuna ejokak ŋipitesyo ŋuna nyiryamakina ka ŋikilyok, yaut Susa kai ka apukan ŋina eboiyoto ŋaberu. Inakis nakan a Egai a ekolup a ŋolo eyoki ŋaberu aneni eboiyo erwosit; itemokino inakinae a nen ŋaberu ŋamyeta kec ŋuna itesegatar.

Esta 5:2

Ani iŋolikini erwosit arwosit Esta ewoi analapatu a ŋina alokidiŋ ere keŋ, tolakar erwosit aŋuna ke Esta; kikeu ebela keŋ ŋolo ka apolou ŋolo etiyaunitae a egolid ŋolo ayai nakan keŋ. Aŋun, abu Esta kiyoto totap akou ke ebela a ŋol.

Ŋikiru. 106:46

Abu inak daadaŋ ŋulu sek atiŋito ikes erae ŋirikon kisyonito ikes.

Ŋakit. 16:7

Ani kitalakasi Ekapolon ŋuna itiyaete ŋituŋa, einakini Ekapolon tari ŋimoe kec akiboikin ka ikes isilito.

Dan. 1:9

Abu Akuj inak Daniel toryamu ajokis ka akisyonio aneni a ekapolon akai a apukan.

Ŋitic. 7:10

toiu Akuj iŋes alocan a daadaŋ. Inak Akuj iŋes aosou, ido tominak Parao ekepukan a Ijipit iŋes, kituruwo ekapolon ŋolo ka akwap ka ŋirerya keŋ daadaŋ.