Esta 2:16 - Ebaibul

¹⁶ Ani edoli elap ŋolo a ŋitomon ŋolo enyaritae Tebet, ekaru ŋolo a ŋikanikaarei ipukat Ausero, yaarae Esta kai a apukan ŋina eboiyo erwosit.

Esta 2:16 Iomraidhean Croise

Esir 4:6

Apaki ŋina epukator erwosit Auseuro alokaru a ŋolo ageunia iŋes akipuka, apotu ŋimoe a ŋituŋa a ekabila a Yuda kigira abaruwa itoroniarito ŋituŋa ŋulu eboiyete alo Yudaya ka alo Yerusalem.

Esir 7:8

Adolunete ikes Yerusalem elap ŋolo a ŋikan, alokaru a ŋolo a ŋikanikaarei ipukat Aritaseses.

Esta 2:1

Ekaku a ŋakiro a ŋun, kedaun anyunyura a erwosit daŋ, totamu erwosit Basiti ka ŋakiro ŋuna etiyat ta ŋakiro ŋuna abu erwosit totub aŋuna a Basiti.

Esta 2:15

Ani edoluni apaki ŋina alosyo Esta (Arae Esta nakoku Abikail a ŋolo arae lokaato a papa keŋ a Moridekai a ŋolo abu kiurya Esta ikwapei nakoku keŋ) neni a erwosit, mam ibore abu iŋes kiŋitak akiya, mati ŋuna alimuni Egai ekolup a erwosit ŋolo eyoki akai ŋina eboiyoto ŋaberu. Tojoik Esta ŋituŋa daadaŋ ŋulu apotu kiŋolikis iŋes.

Esta 2:17

Abu erwosit tominak Esta nooi akilo ŋaberu ŋunace daadaŋ; alokidiŋ ŋapesur ŋuna pa eryamakina ka ŋikilyok ŋuna abu erwosit taanyu, abu Esta tojoik erwosit, ido abu erwosit tominak iŋes. Aŋun, abu erwosit kiwuak ebokot nakou ke Esta, kituruwo iŋes arwosit kilunyokin neni a Basiti.

Esta 2:3

Itemokino erwosit toseu ŋikapolok anakwapin a daadaŋ a ŋuna ipukat iŋes, ikotere ŋikapolok ŋul ecununete ŋapesur daadaŋ ŋuna ejokak ŋipitesyo ŋuna nyiryamakina ka ŋikilyok, yaut Susa kai ka apukan ŋina eboiyoto ŋaberu. Inakis nakan a Egai a ekolup a ŋolo eyoki ŋaberu aneni eboiyo erwosit; itemokino inakinae a nen ŋaberu ŋamyeta kec ŋuna itesegatar.

Esta 8:9

Aponi apaki ŋin tonyaraunae ŋikegirigirak a erwosit elap ŋolo a ŋiuni, iŋes elap ŋolo enyaritae Sipan, ŋirwa ka elap ŋatomoniarei ka ŋiuni. Kigira ŋul ŋakiro lopite ŋolo abunio Moridekai kicikia Ŋiyudayan ka tolimokinia ŋulu awoikinito erwosit anakwapin akwap keŋ ka ŋulu epukato ŋakwapin daadaŋ akwap a ŋin anyoun alo India tari Esiopia. Arae ŋakwapin ŋun daadaŋ amiat ka ŋatomoniarei ka ŋikanikaarei; kigirakis ikes a ŋinakwap ŋakiro lopite ŋolo igiryata ŋituŋa akwap a ŋin ka kigirakis ikes ŋulutuŋa ŋakiro a ŋajep kec. Ŋiyudayan daŋ kigirakinae alopite a ŋolo egiryata ikes ka anaŋajep kec.