Esta 2:14 - Ebaibul

¹⁴ Apedori ŋinapese alosit kai a erwosit eboŋ; ani nai taparacu toboŋo tolot kai ŋina eboiyoto ŋaberu ŋina a ŋaarei, ŋina arae Sasigas edarit. Arae Sasigas ekolup ŋolo a erwosit ŋolo eyoki ŋaberu a erwosit ŋuna pa eitit. Mam apese apedori aboŋor neni a erwosit, mati kenirarit sek iŋes erwosit, ido nai tonyarae ŋin a ekiro keŋ.

Esta 2:14 Iomraidhean Croise

Akisy. 34:19

Abu esorokit Sekem ŋolo etopolooritae nooi alokal kec nyeya apaki ŋina aoyan akitiya ŋun, anerae alakara iŋes nooi aŋuna anakoku a Yakob.

Esta 2:13

Ani kitesegun ŋinapese, apedori alosit neni a erwosit. Ainakinio iŋes ibore daadaŋ ŋini eŋita iŋes ikotere elomarya kiŋa akai ŋina eboiyoto ŋaberu, tolosyo kai ka apukan neni a erwosit.

Esta 2:15

Ani edoluni apaki ŋina alosyo Esta (Arae Esta nakoku Abikail a ŋolo arae lokaato a papa keŋ a Moridekai a ŋolo abu kiurya Esta ikwapei nakoku keŋ) neni a erwosit, mam ibore abu iŋes kiŋitak akiya, mati ŋuna alimuni Egai ekolup a erwosit ŋolo eyoki akai ŋina eboiyoto ŋaberu. Tojoik Esta ŋituŋa daadaŋ ŋulu apotu kiŋolikis iŋes.

Esta 4:11

“Eyenete ŋiketiyak a erwosit daadaŋ ka ŋituŋa akwap keŋ atemar, ani kelot ekile edio kori aberu adio toloma nalapatu ŋina eyai kidiŋ akai a erwosit pa eyaritae, eyai atubokinet epei bon a ŋun; iŋes na ebe, ‘Emaikina ŋin toarae.’ nai ani kikeu erwosit ebela keŋ ŋolo ka apolou ŋolo itiyaunitae a egolid aŋuna a ituŋanan a idio, iŋes nai nyearere ituŋanan ŋin. Mam ayoŋ alope nyenyara alosit neni a erwosit; adol tokona ŋirwa ŋatomoniuni.”

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 45:4

Aŋuna a ŋiletok a eketiyan kaŋ a Yakob ka aŋuna a ŋiseuna kaŋ a Ŋisirael, akanyar ayoŋ iyoŋ a ekiro kon, akanyar ayoŋ iyoŋ a ekiro a ŋolo ka akapul tari pa kikiyeni iyoŋ ayoŋ.

Ŋikis. 21:14

Nai ani pa kelakara ekile ŋol aŋuna ka aberu a ŋin, emaikina iŋes kimyek aberu ŋin tolot neni daadaŋ ecamit alosit, nai nyegyela iŋes losiliŋa. Nyemaikina iŋes kisitiya aberu ŋin esibit apito, anerae abu iŋes kituruwo aberu ŋin ŋina keŋ.