Esta 10:3 - Ebaibul

³ Arae Moridekai Eyudayat ŋolo ewuapit erwosit Ausero anapolou. Iŋes apol aneni a Ŋiyudayan, ayenen iŋes nooi aneni a ŋiyeneta keŋ a ŋulu alalak, anerae abu iŋes kitiya ŋuna ajokak aŋuna a ŋituŋa keŋ ka abu kirwor ŋuna kiuryaret akiyar a ŋiletok keŋ daadaŋ.

Esta 10:3 Iomraidhean Croise

Akisy. 41:40

Eruwor iyoŋ ipol alokai a ŋina ka apukan kaŋ, ido emaikina ŋituŋa kaŋ daadaŋ kiwuapa ŋakiro ŋuna ilimokini iyoŋ ikes. Erae ca aŋuna araakar ayoŋ ekepukan iŋes ekeloitor ayoŋ iyoŋ.”

Akisy. 45:10

Ani ipote, toloma nakibois ŋina enyaritae Gosen, ikidunyete iyes ayoŋ a nen, iyes ka ŋidwe kus ka ŋidwe a ŋidwe kus kaapei ka ŋakinei kus, ŋaatuk kus ka ibore daadaŋ ŋini iyakatar iyes.

Akisy. 45:11

Eketani ayoŋ iyes a nen, ikwapei eriŋaakatar ŋikaru ŋikan ŋulu a eron eya kiŋaren; ikotere nai iyes ka ŋikalya kus ta daadaŋ ŋulu irukitotor iyes nyiruworosi ŋikulyak.’

2 Ŋakiro a ŋirwa 28:7

Kebu esigarit ŋolo alo Epuraim ŋolo anyaritae Sikiri toar lokoku ke erwosit ŋolo anyaritae Maaseia ka Asirikam ŋolo apolokinit ŋasigarya ŋuna alokai ke erwosit ta Elikana ŋolo atupit anapolou erwosit a Yudaya.

Neem. 2:10

Ani iirarete Sanibalat ŋolo erae Eoranait ka Tobia ŋolo arae ekapolon a Ŋiamoni ŋakiro ŋun apotu ikes nyelakaros aŋuna ayenuniata atemar ebunit ituŋanan ice ayaun ajokis neni a Ŋisirael.

Esta 2:5

Apaki ŋin, ayai kai ka apukan ŋina a Susa eyudayat ŋolo anyaritae Moridekai lokoku a Yair a ŋolo arae lokoku Semei. Arae Semei lokoku a Kis a ŋolo arae ŋolo ke ekabila a Benjamin.

Esta 3:2

Totumo ŋiketiyak a erwosit daadaŋ ŋulu aya lopuke keŋ aryedikenen itopoloorito Aman; anerae abu erwosit kicik ŋituŋa akitopoloor Aman. Nai abu Moridekai nyeryedik kori nyitopoloo Aman.

Dan. 5:16

Nai adau ayoŋ akiirar atemar ipedori iyoŋ akisileereun ŋakiro ka ipedori alimun epite ŋolo elemarere ŋatyokisyo. Ani tokona kipedori iyoŋ asyomun ŋakiro ŋuna igiritae ŋun ka alimokin ayoŋ apolou a ŋakiro a ŋun, ikitanapikinio iyoŋ elou ŋolo kipurat areŋan ka ikienikinio iyoŋ lodokole erikot ŋolo erae egolid bon itiyaunitere, ikituruworyo iyoŋ ekapolon ŋolo a ŋiuni, ŋolo ekewuapit ayoŋ anapukan kaŋ.”

Dan. 5:29

Abu nai Belisasar tolimu ŋakiro, ido aponi kitanapikinae Daniel elou ŋolo kipurat areŋan, toenikinae erikot ŋolo itiyaunitae a egolid lodokole keŋ ka aponi tolimoroe ŋakiro nu aŋuna a Daniel atemar aruwor iŋes ekapolon ŋolo a ŋiuni ŋolo iwuapit erwosit anapukan keŋ.

Dan. 6:3

Abu Daniel atipei totakan erae ŋolo ajok etic keŋ akilo ŋirukitos keŋ ŋuluarei ka ŋikapolokinitok a ŋakiboisyo, anerae ayai etau ŋolo ajokan nooi neni a Daniel, abu erwosit toyeu akiwuakin iŋes topolok akwap daadaŋ ŋina epukat erwosit.

Ŋirom. 10:1

Ŋikaitotoi kaŋ! Agasi ayoŋ alotau kaŋ a daadaŋ atemar toiun ŋituŋa kaŋ! Elipit ayoŋ Akuj aŋuna kec!

Ŋirom. 14:18

Ituŋanan daadaŋ ŋini itiyanakini Kristo alopite a ŋol, elakar Akuj aŋuna keŋ ka itojokete ŋituŋa etic keŋ.

1 Sam. 18:16

Nai apotu ŋituŋa a Isirael daadaŋ ka ŋituŋa a Yudaya tominakis Daudi, anerae arae Daudi abu torikono ikes lojiesyo, ido kinyaku ikes erikit emam ŋace.

1 Sam. 23:17

Tema Yonasan neni a Daudi, “Nyikuryaniar; nyepedori papa kaŋ Saul akiar iyoŋ. Iruwor iyoŋ erwosit alo Isirael, ido ayoŋ akatupakini iyoŋ anapolou. Eyeni papa kaŋ Saul ŋun daadaŋ.”