Esta 1:2 - Ebaibul

² Alorwa a ŋul abu erwosit Ausero min napukan kipuka akwap keŋ alokai ka apukan a ŋina ayai Susa.

Esta 1:2 Iomraidhean Croise

2 Sam. 7:1

Ani kedau erwosit akiboikin kai keŋ, kedau Ekapolon akisieŋar iŋes alomoe keŋ a daadaŋ a ŋulu edunyatar iŋes,

1 Ŋirw. 1:46

Adau Solomon akiboikin lokicoloŋ ikwapei ekepukan.

Neem. 1:1

Ŋakiro a Neemia a lokoku ka Acalia. Alokaru a ŋolo a ŋatomoniarei ipukat Aritaseses Perisia, elap ŋolo enyaritae a Ŋaburaniyae Kisilep, apaki ŋina ayakar ayoŋ Susa lotaun a Perisia ŋolo apolon,

Esta 2:3

Itemokino erwosit toseu ŋikapolok anakwapin a daadaŋ a ŋuna ipukat iŋes, ikotere ŋikapolok ŋul ecununete ŋapesur daadaŋ ŋuna ejokak ŋipitesyo ŋuna nyiryamakina ka ŋikilyok, yaut Susa kai ka apukan ŋina eboiyoto ŋaberu. Inakis nakan a Egai a ekolup a ŋolo eyoki ŋaberu aneni eboiyo erwosit; itemokino inakinae a nen ŋaberu ŋamyeta kec ŋuna itesegatar.

Esta 2:5

Apaki ŋin, ayai kai ka apukan ŋina a Susa eyudayat ŋolo anyaritae Moridekai lokoku a Yair a ŋolo arae lokoku Semei. Arae Semei lokoku a Kis a ŋolo arae ŋolo ke ekabila a Benjamin.

Esta 3:15

Toema ŋikapiranak atipei nakwapin ŋuna epukat Ausero, ikwapei alimokinitor Ausero ikes, ido aponi ŋakiro ŋun kiseraunae alokai ka apukan a ŋina alo Susa. Kiboikinos erwosit ka Aman, kisyakis akimat kaapei, nai apotu ŋituŋa ŋulu a etaun a ŋolo a Susa kiguryakin.

Esta 4:16

“Emaikina Moridekai tolot, tocunak Ŋiyudayan daadaŋ ŋulu eya Susa; kiredakis akiron aŋuna kaŋ. Nyemaikina ikes kimuja kori tomata ŋirwa ŋiuni, nakwaare kori naparan. Ayoŋ ka ŋaketiyak kaŋ ikiredakini akiron ikwapei iyes. Ekaku ka akiron, alosi ayoŋ neni a erwosit; tari daŋ pa kecamakinito ŋikisila, ani keruwor daŋ atwanare, otwan.”

Dan. 4:4

“Eboi ayoŋ emam ŋace alore kaŋ ka aryamunit ibore daadaŋ alokai kaŋ a ŋina ka apukan.

Dan. 8:2

Anakisileerekinet a ŋina ete ayoŋ anakiruja, abu ayoŋ eŋolik ayai Susa lotaun ŋolo apolon ŋolo ayai Elam natyakatait a akwap a Babilon, awoi ayoŋ alodiyete aŋolol ŋina enyaritae Ulai.