Esta 1:10 - Ebaibul

¹⁰ Ani edolete ŋirwa ŋikanikaarei, apaki ŋina ayakar erwosit nalakara aŋuna amasya epiini, tolimok iŋes Mekuman, Bisita, Karibona, Bigita, Abagita ka Setar ta Karikas ŋulukanikaarei ŋulu arae ŋikolupae ŋulu eteete iŋes atemar,

Esta 1:10 Iomraidhean Croise

Akisy. 43:34

Ani ekorakinio ikes akimuj alomesa a Yosepu, alal ŋina akorakinitae Benjamin nooi adeparit etyae ŋina akorakinitae ŋituŋa ŋuluce arae ŋina etya ŋina a ŋituŋa a ŋikan. Apotu ikes kimuja ka tomata, tolakaros kaapei ka iŋes.

2 Sam. 13:28

Kicik Abusalom ŋiketiyak keŋ tema, “Kiirasi! Ani emerakin Aminon nooi kedau akimat epiini, apaki ŋina akalimokinia ayoŋ iyes ebe, ‘Toara Aminon,’ emaikina iyes toara iŋes. Nyikuryaketa, meere mono ayoŋ abala iyes toara a?”

Esta 1:9

Abu arwosit Basiti daŋ kitemok ŋasuban aŋuna a ŋaberu a ŋuna aya kai ka apukan ŋina ka Ausero.

Esta 3:15

Toema ŋikapiranak atipei nakwapin ŋuna epukat Ausero, ikwapei alimokinitor Ausero ikes, ido aponi ŋakiro ŋun kiseraunae alokai ka apukan a ŋina alo Susa. Kiboikinos erwosit ka Aman, kisyakis akimat kaapei, nai apotu ŋituŋa ŋulu a etaun a ŋolo a Susa kiguryakin.

Esta 7:9

Ayai Aribona nen, epei a ŋikolupae a ŋulu eteete erwosit, kirworik iŋes alokiŋaren erwosit tema, “Kiirasi ŋace nu, ewuasi alokai ka Aman ŋakito ŋuna ecamit iŋes akinenekin Moridekai ŋolo abu tolimok erwosit ŋakiro ŋuna ajokak. Erae aoyau a ŋakito a ŋun ŋimitae ŋatomoniarei ka ŋiuni anyoun alokwap.” Tema erwosit, “Kinenekisi Aman nakito ŋun.”

Ŋakit. 20:1

Ituruwori akimat epiini ŋolo alalan ituŋanan ibaŋaanot, ituruwori akimat ŋagwe ŋuna alalak nooi ituŋanan ikacalan, ituŋanan daadaŋ ŋini itali akimat epiini, kori ŋagwe, erae ŋini nyeos.

Ŋakit. 31:4

Kiira mono iyoŋ okoe Lemuel, nyemaikina ŋirwosi emasete epiini nyemaikina ŋikepukak iburit akimat ŋagwe ŋuna adwarak,

Ekal. 10:19

Itemokino ŋasuban aŋuna ka alakaror, ido eyaununui epiini nakiyar a ituŋanan alakara; nai ŋisiliŋa eryamunia ituŋanan ibore daadaŋ.

Ŋikat. 16:25

Ani elakarosi ikes nooi, temasi, “Tonyarautu Samuson, tobolya alokiŋaren yok ikitalaka iwon.” Aŋun, aponi tonyaraunae Samuson alojera tobolya Samuson kitalaka Ŋipilistin. Apotu Ŋipilistin kitowua Samuson alokidiŋ Ŋipirin,

Ŋikat. 19:6

Aŋun, apotu ŋikilyok ŋuluarei ŋul, kiboikinos kimuja ka tomata kaapei; tolimok nabo papa ka aberu a ekile a ŋol lokamuran keŋ tema, “Kaanukiro nyiperyo iyoŋ nakuwar na, toryamu alakara anatameta?”

Rus. 3:7

Kimuj Boas ka tomat, tolakar etau keŋ nooi, ido nai tolot akiper neni adupuk analos anawae atukot a ŋikinyom. Bu Rus pa eyeni iŋes, kiwolo ŋakejen a Boas, ido toper nen.