Esta 1:1 - Ebaibul

¹ Apotu ŋakiro nu kitiyakinos alorwa a ŋulu araakar Ausero. erwosit ŋolo epukat ŋakwapin amiat ka ŋatomoniarei ka ŋakanikaarei; akisyakin alo India tari Esiopia (Iŋes Kus).

Esta 1:1 Iomraidhean Croise

Esir 4:6

Apaki ŋina epukator erwosit Auseuro alokaru a ŋolo ageunia iŋes akipuka, apotu ŋimoe a ŋituŋa a ekabila a Yuda kigira abaruwa itoroniarito ŋituŋa ŋulu eboiyete alo Yudaya ka alo Yerusalem.

Esta 10:1

Kitelem erwosit Ausero ŋituŋa akwap keŋ ka ŋulu eboiyete alotooma ŋiculae ka anam ocur.

Esta 2:3

Itemokino erwosit toseu ŋikapolok anakwapin a daadaŋ a ŋuna ipukat iŋes, ikotere ŋikapolok ŋul ecununete ŋapesur daadaŋ ŋuna ejokak ŋipitesyo ŋuna nyiryamakina ka ŋikilyok, yaut Susa kai ka apukan ŋina eboiyoto ŋaberu. Inakis nakan a Egai a ekolup a ŋolo eyoki ŋaberu aneni eboiyo erwosit; itemokino inakinae a nen ŋaberu ŋamyeta kec ŋuna itesegatar.

Esta 8:9

Aponi apaki ŋin tonyaraunae ŋikegirigirak a erwosit elap ŋolo a ŋiuni, iŋes elap ŋolo enyaritae Sipan, ŋirwa ka elap ŋatomoniarei ka ŋiuni. Kigira ŋul ŋakiro lopite ŋolo abunio Moridekai kicikia Ŋiyudayan ka tolimokinia ŋulu awoikinito erwosit anakwapin akwap keŋ ka ŋulu epukato ŋakwapin daadaŋ akwap a ŋin anyoun alo India tari Esiopia. Arae ŋakwapin ŋun daadaŋ amiat ka ŋatomoniarei ka ŋikanikaarei; kigirakis ikes a ŋinakwap ŋakiro lopite ŋolo igiryata ŋituŋa akwap a ŋin ka kigirakis ikes ŋulutuŋa ŋakiro a ŋajep kec. Ŋiyudayan daŋ kigirakinae alopite a ŋolo egiryata ikes ka anaŋajep kec.

Esta 9:30

Kiyakiya nai Moridekai ŋabaruwae neni a Ŋiyudayan daadaŋ a ŋulu aya nakwapin ŋun amiat ka ŋatomoniarei ka ŋakanikaarei, ŋuna epukat Ausero. Ŋabaruwae ŋuna agatakinito Ŋiyudayan ekisil ka akinapakina.

Isa. 18:1

Okoe iyoŋ akwap ŋina eruwor emaase alokekwaye ŋaŋololin a Esiopia,

Isa. 37:9

Apaki ŋin kebu erwosit ka Asiriya kiira ŋakiro nu ŋuna ke erwosit a Tiraka a ŋolo ke Esiopia ebe, “Ebunit iŋes akitijiore iyoŋ.” Ani iirari erwosit ka Asiriya ŋakiro ŋun, abu kiyakiya ŋituŋa neni a Esekia alimokin iŋes ŋakiro nu,

Dan. 11:2

“Akalimokini tokona ayoŋ iyoŋ ŋakiro ŋuna a kire. Eyakaunosi ŋirwosi ŋice ŋiuni Perisia, ebuni ŋolo a ŋiomwon ŋolo ebarit akilo ŋirwosi ŋulu esyaunak ŋuluuni daadaŋ. Kedau iŋes agogoŋior aŋuna ka abaru keŋ, ecunakini iŋes ŋituŋa daadaŋ akitijikin ekepukan ka Akaia.

Dan. 6:1

Abu erwosit Darius totub aseun ŋikapolok amiat ka ŋatomoniarei apolonokin ŋakiboisyo ŋuna egelegelya anakwap a ŋina epukat iŋes,

Dan. 9:1

Alokaru a ŋolo ke epei ipukat Darius lokoku ka Aasuerus ŋolo arae Emedeit ŋolo abu kipuka Ŋibabiloniyae,