Esir 9:9 - Ebaibul

⁹ Kire, ikirae isua ŋipi, nai nyimyekina iyoŋ isua amina anapiitonut, nai ikitoodik iyoŋ isua amina kon ŋina nyiryaŋiryaŋa alokiŋaren erwosit a Perisia aŋuna ka ainakin isua akiyar ŋina kitete ikotere ikidukokini nabo Akai ka Akuj, osubakisi neni emunaara ka ikiryamuni neni ikiunor alo Yudaya ka alo Yerusalem.

Esir 9:9 Iomraidhean Croise

Esir 2:68

Ŋinapeipaki adolunioto ŋituŋa ŋul Kai ke Ekapolon Yerusalem, apotu ŋikapolokinitok a ŋatekerin ŋice inanakis anacamit kec ŋainakineta aŋuna ka Akai ka Akuj ikotere edukokinere Akai ka Akuj nabo nenipei sek koloŋ ayai.

Esir 7:6

Abu Esira kitipeiyo alo Babilon Yerusalem. Arae iŋes ekegiran ŋolo ayeni ejok ŋikisila a Moses ŋulu abu Ekapolon Akuj a Ŋisirael inak Moses. Abu erwosit inak Esira ibore daadaŋ ŋini eŋita iŋes, anerae eŋarakinit Ekapolon Akuj keŋ iŋes.

Esir 7:8

Adolunete ikes Yerusalem elap ŋolo a ŋikan, alokaru a ŋolo a ŋikanikaarei ipukat Aritaseses.

Esir 9:10

“Tosodi tokona, okoe Akuj kosi, anukiro ikilimuni isua ekaku a ŋakiro a ŋun? Anerae aŋeri isua ŋakiciketa kon

Neem. 2:17

Abu nai ayoŋ olimok ŋituŋa otema, “Iteete iyes ŋican ŋulu ikiyakar iwon, epite ŋolo eyakar Yerusalem emunaara ka emunaaritae ŋipukei keŋ ka akim. Potu odukokisi nabo arwatata a Yerusalem, ikotere nyikijamuwar nabo iwon.”

Neem. 9:17

apotu ikes toŋero akiwuap ŋakiro kon, nyemitakis ŋaumonokineta ŋuna itiyat iyoŋ alokidiŋ kec, nai apotu ikes kitogogoŋo ŋakyes kec, kiitana aboŋor napitoonut kec alo Ijipit. Nai irae iyoŋ Akuj ŋina itenit akisyon, Akuj ŋina ejok ka isyoniono, ŋina nyeŋoi atipei ka ŋina elal amina, ŋina nyiryaŋiryaŋa, ido ibu iyoŋ nyiŋer ikes.

Ŋikiru. 109:12

Emaikina todaun ituŋanan erimakini iŋes, kori ŋini isyoni ŋidwe keŋ ŋulukokyok.

Ŋikiru. 138:7

Tari daŋ kayai ayoŋ locan, ikiiunit iyoŋ ayoŋ iretakinit iyoŋ ka apedor kon anyunyura a ŋimoe kaŋ a ŋulu ekemanito ayoŋ. ikiunit iyoŋ ayoŋ a apedor kon.

Isa. 14:3

Apaki ŋina ikisieŋunia Ekapolon iyes anaryebo alocan ka alotic a ŋolo agogoŋon a ŋolo ikitiyakinitae iyes,

Isa. 5:2

Abu iŋes kita emanikor ŋol kidepana ŋamoru daadaŋ, ido todupak ŋikito a epiini ŋulu ajokak nooi; todukok kidiŋ emanikor epemu, ido tobokak akipany ŋina ecuyere epiini. Egeno iŋes atemar eraunete ŋikito ŋul ŋaraito a epiini ŋuna ajokak, nai apotu toraut ŋaraito ŋuna aronok.

Isa. 5:5

Tokona, akalimokini ayoŋ iyes ŋuna alosi ayoŋ akitiya neni a emanikor kaŋ a ŋolo a ŋikito a epiini. Alemari ayoŋ ŋikito ŋulu ewuatere iŋes, ido tomunaarae iŋes, aritaari ayoŋ arwatata ŋina ewuatere iŋes, ido kipudaarae iŋes.

Isa. 61:4

Edukokinete ikes nabo ŋireŋoroto ŋulu koloŋ, ituruworete ikes ŋakiboisyo ŋuna koloŋ aponi toesikinae ŋuna ekitetyaka, esubanakinete ikes nabo ŋitaunio ŋulu aponi kinyasunae; ŋireŋoroto a ŋanyameta a ŋuna alalak.

Esek. 11:16

Aŋun tolimok ikes atemar ŋakiro ŋuna irworo Ekapolon Akuj ikes nu, ‘Tari daŋ keritarit ayoŋ ikes nakwapin ŋuna alalak, eruwor ayoŋ aiunit ikes apaki ŋina euruwuana ŋina eyakatar ikes nakwapin ŋuna alwanak ka tari daŋ keelarit ayoŋ ikes nakwapin ŋuna alalak, eruwor ayoŋ aiunit ikes apaki ŋina eyakatar nakwapin ŋun.’

Dan. 9:25

Aŋun, toyenu atemar ameun anapaki a ŋina alimorere atemar emaikina kinyakunae Yerusalem ka todukoe nabo, akitodol apaki ŋina ebunio ekarikon ŋolo eseunit Akuj, eyakaun ŋikaru ŋatomoniomwon ka ŋikanikaomwon ka alotooma ŋikaru ŋamiae ŋaomwon ka ŋatomonikanikapei ka ŋiomwon, edukokinio Yerusalem nabo toyakaun ŋirotin ŋulu ke etaun ka ŋarwatatain ŋuna erae ŋatabab ewuatere etaun, nai itiyao ŋun anapaki a ŋina a ŋican.

Agai 1:9

Ayoŋ Ekapolon ŋolo Etiron abala nen, ipotu iyes kiwara aryamun akimuj ŋina alalan, nai kiŋolikisi, abu toruwor ŋina edit, ani iyaunete iyes akimuj ŋin lore, abu ayoŋ okuta akimuj ŋin nariet. Kaanukiro? Erae aŋuna eriŋaakar Akai kaŋ eritakina, ido itiŋiyara iyes daadaŋ aŋuna a ŋakais kus a ŋikulepek.

Sakar 2:5

Ayoŋ elope aruwor arwatata ŋina ikwaan ka akim, arwatata ŋina irimokinit Yerusalem kidiŋ, ido ayoŋ elope apolokini.’ ”