Esir 9:14 - Ebaibul

¹⁴ ikiŋeri mono tokona isua ŋakiciketa kon nabo enyalakinos eitanakinos ka ŋituŋa a ŋakwapin ŋulu itiyaete asiilyo a? Nyikiŋoikini mono iyoŋ isua akitodol ŋina ikimunyarya nyidoŋ tari ŋipiya a?

Esir 9:14 Iomraidhean Croise

Esir 10:10

Abu nai Esira esacaradoti tonyou tolimok ŋituŋa tema, “Iseca iyes aŋuna iituniata ŋaberu ŋunagelae, aŋun, iyatakis iyes ekaile neni a Ŋisirael.

Esir 9:2

anerae eitununut ikes ŋidwe ŋulupesur ŋulu a ŋituŋa a ŋul ikwapei ŋaberu kec ka ŋaberu a ŋidwe kec a ŋulusapa. Aŋun, enyalakin ŋituŋa ŋulu asegak ŋulu ka Akuj ka ŋituŋa a ŋakwapin, ido anamamukau akikinyomit Akuj arikokis ŋikapolokinitok ŋituŋa akitiya ŋakiro ŋun.

Esir 9:8

Nai tokona, alotooma apaki ŋina euruwuana, ikiminak iyoŋ isua Ekapolon Akuj kosi, iyoŋ ŋolo ibu ikimyek isua ikirae ŋipiya ka ikiinak isua akiboi ikirae ŋulu ikiuna anakibois kon a ŋina asegan, ikotere ikiinakinia isua akiboi emam ŋace ka akiyar ŋina kitete anakiyar a na a ŋina ikiraakar ŋipi.

Neem. 13:18

Pa mono apotu atapapaa kus kitiyata ŋun, ido pa mono abu Akuj yok yau ŋican daadaŋ neni yok ka lotaun yok a? Nai iyaut iyes nabo anyunyura a Akuj ace neni a Ŋisirael aŋuna ijamuwaryata akoloŋit ŋina a Sabato a?”

Awos. 23:32

Nyicamunosi ka ikes, kori ka ŋakujo kec.

Awos. 32:10

Kimyekinae ayoŋ, ikotere etonomo ka omunya ikes a aŋoit a ŋina eyai lotau kaŋ. Nai eketuruwori ayoŋ iyoŋ ka ŋiletok kon ŋituŋa ŋulu alalak nooi.”

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Yer. 44:9

Ikimuryakis iyes ŋiticisyo ŋulu aronok ŋulu etiyaete atapapaa kus, ŋiticisyo ŋulu etiyaete ŋirwosi a Yudaya ka ŋulu etiyaete ŋaberu kec, ŋiticisyo kus a ŋulu aronok ŋulu ipotu iyes kitiyata anakwap a Yudaya ka alorotin a Yerusalem a?

Yer. 46:28

Ŋituŋa kaŋ ŋiletok a Yakob, nyikuryaketa, anerae ikirukit ayoŋ ka iyes amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Esek. 6:8

“‘Nai apiyanuni ayoŋ ŋituŋa kus ŋidi. Ebucarosi ŋidi kus anatwanare a ŋina ikiaryata ŋakwapin iyes, ido ielaryo ŋul nakwapin.

Ekim. 16:21

“Totyakaros anatukot a na, ikotere omunya ayoŋ ikes daadaŋ alotooma apaki ŋina euruwuana.”

Ekim. 16:45

“Kiyotokisi alotuŋa alu ikotere omunya ikes atipei.” Toramakinos Moses ka Aron todolo ŋireetin kec kwap.

Yoa. 5:14

Ekaku, abu Yesu toryamu ekile ŋol alo Kai ka Akuj, tolimok iŋes tema, “Kiira, iŋaleu iyoŋ tokona; tojoŋo asecesec, ikotere nyitiyakin ibore ice ŋini aronon nooi neni kon.”

Ŋirom. 6:1

Ikitemari nai tokona iwon ai? Ikitemari orubakisi ikisecenene ikotere ajokis ŋina ka Akuj iyatakin a?

Ŋikis. 9:14

Kimyekinae ayoŋ, ikotere amunyari ikes, etoŋopiya ekiro kec anakwap, ido eketuruwo iyoŋ papa a ŋituŋa a ŋulu agogoŋok ka alalak akilo ikes.”

Ŋikis. 9:8

Tari alo Oreb ipotu iyes kitoŋoa Ekapolon kitunyunyura, ido abu Ekapolon toŋoo nooi aŋuna kus tocamu amunyar iyes.

Ŋikat. 2:2

Nai iyes nyicamunosi ka ŋituŋa ŋulu ka akwap a na, tobwaŋabwaŋaasi ŋamuroeta kec.’ Nai nyiwuapa iyes ŋakiro ŋuna abu ayoŋ ekecik iyes. Kiŋolikisi iyes ŋuna idaut iyes akitiya!