Esir 9:1 - Ebaibul

¹ Kedaun akitiya ŋakiro ŋun daadaŋ apotu ŋikapolokinitok ŋituŋa potu neni kaŋ temasi, “Nyetyakara ŋituŋa a Isirael ka ŋilepi alotuŋa a ŋakwapin ka anakiro kec a ŋuna asiilyanak, nyetyakara ikes aneni a Ŋikanaani, a Ŋiitaiti, a Ŋiperisi, a Ŋiyebusi, a Ŋiamoni, a Ŋimoabi, a Ŋijipitian ka aneni a Ŋiamori,

Esir 9:1 Iomraidhean Croise

Akisy. 15:16

ido eboŋunete ŋiletok kon ne edoli anyamet ŋina a ŋaomwon; anerae eriŋa aronis ŋina a Ŋiamori nyedauna.”

1 Ŋirw. 11:1

Abu erwosit Solomon kiit ŋaberu ŋuna alalak ŋunamoen kaapei ka nakoku a Parao. Arae ŋaberu ŋun: Ŋamoabi, Ŋaamoni, Ŋaedomi, Ŋasidoni ka Ŋaitaiti.

2 Ŋakiro a ŋirwa 33:2

Tosec Manase aneni ke Ekapolon, kiwuap ŋakiro ŋuna aronok nooi ŋuna sek etiyaete ŋituŋa ŋulu eritari Ekapolon anakwapin kec alokiŋaren Ŋisirael.

2 Ŋakiro a ŋirwa 8:7

Ŋipiya daadaŋ ŋulu a ŋituŋa a lu: A Ŋiitaiti, a Ŋiamori, a Ŋiperisi, a Ŋiipi ka a Ŋiyebusi, ŋulu pa arae Ŋisirael,

Esir 10:2

Kirwor Sekania lokoku a Yeiel epei a ŋiletok ka Elam neni a Esira tema, “Ikisec iwon neni ka Akuj yok ka eitunun ŋaberu ŋunagelae aneni a ŋituŋa a ŋulu ka akwap a na, nai kikote neni daŋ eriŋa akigeno eyai Isirael.

Esir 10:8

ka atemar ituŋanan ŋini nyebuni Yerusalem alotooma ŋirwa ŋiuni, lopite ŋolo atubunitotor ŋikapolok ka ŋikasikou emaikina todemarae iŋes ŋiboro keŋ daadaŋ, ido nyimarakinio nabo iŋes lotuŋa ŋulu aboŋunete aneni arikoritae.

Neem. 13:23

Alorwa a ŋul, abu daŋ ayoŋ eŋolik Ŋiburaniyae ŋulu kepotu kiitut ŋaberu ŋuna alo Asidod, alo Amon ka Moab,

Neem. 4:3

Ayai Tobia ŋolo alo Amon diyete keŋ, tolimu tema, “Arwatata ŋina edukitoe a ŋamoru ŋin epedori ekwee edio ŋolo edokari kidiama keŋ aritaar!”

Neem. 4:7

Nai ani iirarete Sanibalat, Tobia ka Ŋimarabui ta Ŋiamoni ka ŋituŋa ka Asod atemar elosi kiŋaren etic ŋolo ka akiduk nabo arwatata a Yerusalem ka aapuu agolokin neni amunaara daadaŋ anarwatata, apotu ikes toŋoa nooi,

Neem. 9:2

Tosodo Ŋisirael totyakaros aneni a ŋituŋa a ŋulugelae a daadaŋ, tolimosi ŋasecisya kec ka aronis atapapaa kec.

Ŋikiru. 106:35

Nai apotu ikes kimorikinos ka ŋituŋa a Kanaan, ido apotu kitiyata ŋuna etiyaete ŋituŋa a Kanaan.

Awos. 13:5

Ani ikitodoli iyes Ekapolon nakwap a Ŋikanaani, a Ŋiitaiti, a Ŋiamori, a Ŋiipi ka a Ŋiyebusi, nakwap ŋina abu iŋes kikoŋ neni atapapaa kus ainakin iyes, nakwap ŋina elelyaata ŋakile ka ao emaikina iyes totamununuyete akitiya ŋasuban nu elap lo.

Awos. 23:23

“Ani elosi emalaika kaŋ kiŋaren kus, ikiya iyes neni eya Ŋiamori, Ŋiitaiti, Ŋiperisi, Ŋikanaani, Ŋiipi ka Ŋiyebusi, ido erita ayoŋ ŋul daadaŋ,

Awos. 33:16

Ikokini nai ai ituŋanan idio eyenuni atemar ajokyar ayoŋ ka ŋituŋa kon aneni kon arae pa kerukor isua ka iyoŋ? Nyo eketegelaani ayoŋ ka ŋituŋa kon alotuŋa a daadaŋ a ŋulu iboiyete anakwap?”

Isa. 52:11

Torotokisi, torotokisi toloto a nen! Nyitapa ibore idio ŋini itoroniyaritae, toloto aneni eya ŋiboro ŋulu itoroniyaritae, kitaleutu ŋawat kus iyes ŋulu iyakatar ŋiboro ŋulu ke Ekapolon.

Yer. 26:10

Ani iirarete ŋikapolokinitok ŋituŋa a Yudaya ŋakiro ŋun, apotu ikes kitipeiyosi alokai ka apukan toloto Kai ka Akuj, kiboikinos lopuke ŋolo enyaritae Epuke ŋolo Kitete alo Kai ka Akuj.

Yer. 26:16

Tolimokis nai ŋikapolok ka ŋituŋa daadaŋ ŋisacaradotin ka ŋikadwarak temasi, “Nyemaikina totubokinae ekile lo atwanare, anerae erwor iŋes neni yok alokiro a Ekapolon a Akuj yok.”

Ŋilep. 18:3

Nyitiyata ŋakiro ŋuna itiyaete ŋituŋa ŋulu a Ijipit, ŋituŋa akwap a ŋina iboitotor iyes, ido nyitiyata ŋakiro ŋuna itiyaete ŋituŋa ŋulu a Kanaan, ŋituŋa akwap a ŋina akayai ayoŋ iyes. Nyiwuapa ŋakiro ŋuna etubunito ikes.

Mal. 2:11

Adaun anupit a lotuŋa a Yudaya, ido etiyae aronis alo Isirael ka alo Yerusalem, anerae ajamuwasi ŋituŋa a Yudaya akibois ŋina asegan ŋina ke Ekapolon, akibois ŋina emina Ekapolon. Adaut ŋikilyok akiitun ŋaberu ŋuna ilipete ŋakujo ŋunagelae.

Ekim. 23:9

Ete ayoŋ ikes alokidiama ŋatabab ŋuna aoyak, ete ayoŋ ikes alokidiama ŋikamukumukui. Erae ŋituŋa ŋul ŋulu iboiyete ka akec etyakara ikes alotuŋa a ŋakwapin aŋunace!

Ekim. 25:6

Apaki ŋinapei ŋin, yau Esiraelit epei aberu ŋina Midianait lotuŋa keŋ, iteete Moses ka Ŋisirael ŋuluce daadaŋ, apaki ŋin egworosi Ŋisirael alopuke ke eema a ŋolokilipet.

Ŋikis. 18:9

Ani idolete iyes nakwap ŋina ikiinit Ekapolon Akuj kus iyes, tocoito nyisisaut ŋiticisyo ŋulu aronok ŋulu eŋeritoe ŋulu itiyaete ŋituŋa a ŋakwapin a ŋun.

Ŋikis. 23:8

Epedorete ŋiletok kec ŋulu ka anyamet a ŋina a ŋauni alomar natukot ŋina a ŋituŋa a ŋulu ka Akuj.

Ŋikis. 7:1

Ani ikiyauni iyes Ekapolon Akuj kus nakwap ŋina eapi iyes alomar ka akituruwor ŋina iboiyoto iyes, ido kirita ŋituŋa a ŋakwapin alokiŋaren kus, kirita Ŋiitaiti, Ŋigiragasi, Ŋiamori, Ŋikanaani, Ŋiperisi, Ŋiipi ka Ŋiyebusi, ŋituŋa a ŋakwapin a ŋakanikaarei ŋulu egogoŋ ka elalak akilo iyes

Yos. 23:12

Ani kiŋero iyes Ekapolon toruko ka ŋipiya ŋulu a ŋituŋa a ŋakwapin, ŋipiya ŋulu idoŋito nakiboisyo ŋuna iboiyoto iyes ka ani kiitakinosi iyes ka ikes,