Esir 8:22 - Ebaibul

²² ekerumito ayoŋ ŋileec akiŋit erwosit ainakin isua ŋasigarya ka ŋaŋolei ka ŋikametok kec aŋuna ka aiun isua alomoe alosyo alorot, anerae aris isua kelimokin erwosit atemar iŋarakini Akuj daadaŋ ŋulu ikinyomito, iŋes, eyai nai apedor keŋ ka anyunyura keŋ neni a ŋulu eŋerito iŋes.

Esir 8:22 Iomraidhean Croise

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

Esir 7:28

Akuj ŋina akainaki ayoŋ daŋ amina keŋ ŋina nyiryaŋiryaŋa alokiŋaren erwosit ka ŋulu iŋarakinito iŋes anakipuka ta alokiŋaren ŋikapolok daadaŋ ŋulu agogoŋok ŋulu ipukato kaapei ka erwosit. Abu ayoŋ nyakuryaniar, anerae ekeŋarakinit Ekapolon Akuj kaŋ, ido abu ayoŋ ocunak ŋikarikok alo Isirael aŋuna ka akitipeiyor kaapei ka ayoŋ.

Esir 7:6

Abu Esira kitipeiyo alo Babilon Yerusalem. Arae iŋes ekegiran ŋolo ayeni ejok ŋikisila a Moses ŋulu abu Ekapolon Akuj a Ŋisirael inak Moses. Abu erwosit inak Esira ibore daadaŋ ŋini eŋita iŋes, anerae eŋarakinit Ekapolon Akuj keŋ iŋes.

Esir 7:9

Ŋirwa ke elap epei, elap ŋolo ke epei, togeut Esira akitipeiyor alo Babilon ani edoli ŋirwa ke elap epei elap ŋolo a ŋikan todolu iŋes Yerusalem, anerae eŋarakinit Akuj keŋ iŋes.

Esir 8:31

Aponi nai isua torotokinoe anaŋolol Aapa ŋirwa ke elap ŋitomon ka ŋiarei elap ŋolo ke epei, aŋuna ka alosit Yerusalem, ikiŋarakinit isua Ekapolon, abu iŋes ikiiu isua anapedor a ŋimoe kosi ka alotuŋa a ŋulu ikidapito isua alorot.

Neem. 2:9

Tosodi abu ayoŋ odolu neni a ŋikepukak a akwap a ŋina Alokekwaye Aŋolol, ido oinak ikes ŋabaruwae a erwosit. Ani sek arotokini ayoŋ, abu erwosit okoinak ayoŋ ŋasigarya ŋuna alosete a ŋakejen ka ŋasigarya ŋuna adokito ŋaŋolei.

Ŋikiru. 20:8

Ekakariyarosi ikes kibusokin aŋuna elounere, nai ikinyouni isua owua etiirata aŋuna ikilounia.

Ŋikiru. 34:22

Elakuni Ekapolon ŋiketiyak keŋ; mam epei daŋ aneni a ŋulu eiuna aneni ke Ekapolon ŋini nyeiunio.

Ŋikiru. 90:11

Ŋae mono tokona eyeni apedor ŋina ka aŋoit kon? Anerae ededeŋ anyunyura kon ikwaan ka ekabule ŋolo ebuni aneni kon.

Aum. 3:25

Erimaanikinit Ekapolon ŋituŋa daadaŋ ŋulu ikinyomito iŋes, erimaanikinit daadaŋ ŋulu iwarito iŋes.

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

1 Ŋikor. 9:15

Nai, nyisitiya ayoŋ ŋapedorosyo ŋun tari apei daŋ, nabo nyegiri ayoŋ ŋun aŋuna ka aryamun idiobore aŋuna kaŋ. Kejok ayoŋ otwan akilo idiotuŋanan alemar aneni kaŋ ibore ŋini eturor ayoŋ.

2 Ŋikor. 7:14

Eturo ayoŋ aŋuna kus alokiŋaren keŋ ka nyekerumito ayoŋ ŋileec a ŋun. Nai ikwapei ikirworor isua ŋuna a kire jwi jwi neni kus, erae akituro ŋina ikitoodiunit isua aŋuna kus alokiŋaren Tito ŋina iyookino.

Ŋibur. 10:38

Aŋun, iŋes ŋini iyookino aŋuna akanupitor ayoŋ, eyari, nai iŋes ŋini ikutukutoori, nyakajoikinete ayoŋ ŋakiro keŋ.”

Yos. 22:16

“Ikiŋisito iyes ŋituŋa daadaŋ ŋulu a Ekapolon ebe, ‘Anukiro aronok nu ŋuna itiyata iyes neni ka Akuj a Ŋisirael, ŋuna iŋeryoto akiwuapit Ekapolon, anerae iduko aŋuna kus Namuroet erae ŋinaŋeryet Ekapolon?

Yos. 23:16

Ani kiŋero iyes Acamunet ŋina a Ekapolon a ŋolo erae Akuj kus, Acamunet ŋina adau iŋes alimokin iyes akiwuap, kori kitiyanakis iyes ŋakujo ŋace, toryediko kilipa neni kec, ikiŋoikini nai iyes Ekapolon, itomunya iyes anakwap a na a ŋina ajokan a ŋina adau iŋes ainakin iyes.”

1 Pet. 3:12

Anerae iteete ŋakonyen ke Ekapolon ŋulu iyookino ka epupete ŋaki keŋ ŋakilipeta kec; nai enyorididi ereet ke Ekapolon ite ŋulu itiyaete ŋuna aronok.”